Josuué 7:10 - O Mikanda Ikola

¹⁰ Jihova anga uambela Josuué, uixi: Balumuka, ua di tela-hi o pholo bhoxi kiki?

Josuué 7:10 ပူးပေါင်းရင်းမြစ်များ

I Malunda 22:16

O ku ulu, ni phalata, ni kobidi ni felu, ni imʼii iala nzungule, kana-ku dialuilu diê; eie balumuka-phe u bhange o kikalakalu, o Ngana Nzambi akale ni eie.

Makatukilu 14:15

Jihova anga u ambela Mozé, uixi: Uala ku ngi kolelaʼhi eme? Ambela anʼa Izalaiele ende ni kuenda;

Josuué 20:1

Jihova anga uambela dingi Josuué, uixi;

Josuué 7:11

Izalaiele uate kituxi; ua somboka muene o kikutu kiami kioso ki nga mu tendelela; ku imbamba iókidike ua katula-ku, ua nhana, ua te makutu; katé ua ki suekela mu kaẋi ka imbamba iê muene.

Josuué 7:9

Mukonda akua Kanana, ni akuaʼxi oso, kia-nda ku kʼivua, a-nda ku tu konda, anga a tu batula dijina dietu mu ngongo. Eie-phe Ngana, o dijina dié diajingi, dia dikota, ua-nda ku di bhanga kiebhi?

I Samuuele 15:22

Samuuele-phe, uixi: Kifua ki uabhela kiavulu Jihova maujitu ma kuoha ni jisata, inga ki mu uabhela o kutumaka dízui dia Jihova? Mukonda, o kutumaka kota, kusatela ndenge, o kubelesela ue kota ki ku soko ni banha ia jimbudi.

I Samuuele 16:1

Jihova anga u ambela Samuuele uixi: Ua-nda kusuka bhebhi ni kudila Saúlo, se ki tualʼiki eme nga mu ditunu ku ungana ua Izalaiele? Izalesa lumbinga lué ni maji, uize. Eme nganda ku ku tuma kua Jese, mukua Beleme; mukonda nga solo sobha iami muʼaxaxi ka anʼê.