Josuué 6:6 - O Mikanda Ikola

⁶ Josuué dia Nune anga uixana jinganga, u a ambela, uixi: Zangulenu álaka ia kikutu, ku kale sambuadi dia nganga a kuate sambuadi dia mbungu ja jimbinga ja ilumbe, a tuamenene bhu pholo ia álaka ia Jihova.

Josuué 6:6 ပူးပေါင်းရင်းမြစ်များ

Makatukilu 25:14

Mikambu iii, u i bhitisa mu malenge ku mbandu jiiadi ja álaka, i kala ia kuambatela álaka.

Jipoxolo 9:1

Saúlu-phe hanji a zumina jixibulu ja Ngana, ni ku a kusa, ni ku a jibha. Anga u bhixila kua nganga ia dikota,

Josuué 24:11

O ki muà zaúka Njolodá enu mueza mu Jedikó, akua-bhata mu Jedikó a lu mvunda nʼenu. Kiene ue kimoxi kia bhange o Mamodi, ni Mapelezi, ni Makanana, ni Mahiti, ni Jijidingaze, ni Mahivi, ni Majebuzi; eme-phe nga a bhakula bhu lukuaku luenu.

Josuué 3:3

anga a tuma o kifuẋi, exi: Kioso ki mu mona álaka ia kikutu kia Jihova, Nzambi ienu, ni jinganga ni jilevita a katuka ni ku i zenza, kiene ki mu katuka bhu kididi kienu, anga mu i kaiela.

Josuué 3:6

Josuué anga uambela jinganga, uixi: Zangulenu álaka ia kikutu, mu tuamenene kifuẋi ku pholo. Anga a zangula álaka ia kikutu, a suluka ku pholo ia kifuẋi.

Josuué 6:13

O sambuadi dia nganga ni sambuadi dia mbungu ja jimbinga ja ilumbe, a tuamenena ku pholo ia álaka ia Jihova, ela jinga ia aia ni kuenda ia a xika jimbungu sé kutula; ku pholo-phe kua tuamena o makuenze a maneka; o kudima dia álaka kua kaiela ue makuenze, o kibuka kia dima; ene oso anga aia ni kuenda, o jinganga-phe ji xika o jimbungu.

Josuué 6:5

Ki bhita-phe, kuila, o kioso ene kia xika ni dízui diasuina ku jimbungu ja ilumbe, ki muívua dízui dienhódio dia mbungu, kifuẋi kioso a kole nzòngo ionéne; mu mona-phe kuma lumbu lua mbonge lu di bhala, hé lu zeka bhoxi, kifuẋi kioso anga a bokuena kala muthu bhuoso bhua lulamena, bhua lungila o pholo iê, ka bhingi dingi ididi iengi ia kubokuena mu mbonge.

Josuué 6:7

Anga ambela O kifuẋi, exi: Sulukenu! muende ni kukondoloka mbonge, ni makuenze a maneka, enu mu tuama, álaka ia Jihova i kaiela.

Josuué 6:8

Bhenhobho, kia zubha Josuué kuambela kifuẋi, sambuadi dia nganga ambata sambuadi dia mbungu ia jimbinga ja ilumbe, a katuka bhu pholo ia Jihova ni kuxika jimbungu; o álaka ia kikutu kia Jihova ìʼia a kaiela.

I Samuuele 4:3

O mundu kia zubha kubhongoloka dingi bhu kibangu kiâ, adiakime a Izalaiele, exi: Phala-hi Jihova ua tu beta lelu bhu pholo ia akua Fidíxia? Tu takanienu álaka ia kikutu kia Jihova ku Silo, tu i bheke kunu muʼaxaxi ketu, phala i tu bhulule bhu maku ma jinguma jetu.