Josuué 6:5 - O Mikanda Ikola

⁵ Ki bhita-phe, kuila, o kioso ene kia xika ni dízui diasuina ku jimbungu ja ilumbe, ki muívua dízui dienhódio dia mbungu, kifuẋi kioso a kole nzòngo ionéne; mu mona-phe kuma lumbu lua mbonge lu di bhala, hé lu zeka bhoxi, kifuẋi kioso anga a bokuena kala muthu bhuoso bhua lulamena, bhua lungila o pholo iê, ka bhingi dingi ididi iengi ia kubokuena mu mbonge.

Josuué 6:5 ပူးပေါင်းရင်းမြစ်များ

Makatukilu 19:19

O dízui dia koloneta anga di-ia ni ku di bandekeza o kusuina kuê; Mozé u zuela, Nzambi anga u mu vutuila ni dízui dia lomboloka.

Izaía 25:12

Jimbonge ja di-leka ku imbaka iê, muene ua-nda ku ji tulula, anga u ji tununa, u ji lundumuina muene bhoxi, katé ki ji kituka fufutila.

Izaía 30:25

O ku milundu ioso ia di-leka ni ku tu-thuthulûndu tuoso tua zanguka, kua kà fuáfua jihonga ni jihungulule ja menha, bhu kizuua kia kihaxi kionéne, kioso kia-nda kulundumuka jimbonge ja matala.

Jelemiia 50:15

Te-nu nzongo ia kuzoka-nê! Mu kondolokienu! Muene ue ua tolokʼê kiá! Madisesa mê ma lundumuka, o imbaka iê iòbule. Mukonda iii iene o phonzo ia Jihova; mu vutuidienu ditota; kioso kia bhange muene kiene ki mu mu bhanga ue.

Jihebeleu 11:30

Kiejila mu kuxikana, kia lundumuka o imbaka ia Jedikó, anʼa Izalaiela kia zubha o ku i kondoloka mu sambuadi dia kizuua.

Josuué 6:16

Kia zubha kubhita lua kasambuadi kiá, kioso jinganga kiala kuxika jimbungu, Josuué uambela o kifuẋi, uixi: Kolenu! kuma mbonge Jihova ua mi bhakuila-iu kiá.

Josuué 6:20

Kala kiki, kifuẋi a kola, jinganga ja xiki jimbungu. Bhenhobho o kifuẋi kioso kievu jimbungu ja bhana dízui, ene uâ a dikola ni dízui diasuina, lumbu anga lu lundumuka, lu zeka muene bhoxi, o mundu anga enda ni kubokona, muthu ni muthu bhuoso bhua lulamena, mbonge, ia di bhange ia ene, kuma a i tambula.

Josuué 6:4

Ku kala sambuadi dia nganga, a tuamenena ku pholo ia álaka, a kala ni sambuadi dia jimbungu, dia kuata bhu maku, ja jimbinga ja ilumbe ia jimbudi. O mu kizuua kia kasambuadi-phe, mbonge mu i kondoloka lusambuadi; o jinganga a kala mu xika o jimbungu.

Josuué 6:6

Josuué dia Nune anga uixana jinganga, u a ambela, uixi: Zangulenu álaka ia kikutu, ku kale sambuadi dia nganga a kuate sambuadi dia mbungu ja jimbinga ja ilumbe, a tuamenene bhu pholo ia álaka ia Jihova.

Afundixi 20:37

Enhá a batama-phe, anga a tunda lusolo mu ididi iâ, a di lukula mu Ngibeia, hé a di zela, anga a beta dibhata dioso ku mazu a xibhata.

I Samuuele 17:20

Kúkia ni kimene Davidi anga u dimeneka, jimbudi jé u ji xa ni kafunga, u zangula kimbamba kiê, uia kala kia mu tumu tatʼâ Jese. Anga u tula bhu kibangu mu kithangana kioso kiala kutunda o kifuẋi, ala ku ta nzòngo phala ku di lua.

I Samuuele 17:52

Mala ma akua Izalaiela ni Juda anga a balumuka ni ku ta nzòngo ia kibulukutu kia ita, a kaia akua Fidíxia katé bhua suku o honga, bhu Ngate, katé bhu mielu ia kimbaka kia Ekolone. Ku akua Fidíxia, oso a a kuama anga aia ni ku dibhalabhala, mu njila mu izala ni imbi iâ tunde bhu Salaíme katé bhu Ngate ni bhu Ekolone.

I Samuuele 4:5

Anga ki bhita kuila, kia zubha álaka ia kikutu kia Jihova kutula bhu kibangu, Izalaiele ioso a sanguluka kiavulu anga a dikola ni nguzu, mu ngongo ioso anga mu dʼitaia dingi!