Josuué 6:27 - O Mikanda Ikola

²⁷ Kienhókio, Jihova anga u kala kumoxi ni Josuué; anga o fuma iê iia mʼoxi ioso.

Josuué 6:27 ပူးပေါင်းရင်းမြစ်များ

Dimatekenu 39:21

Jihova-phe anga u kala ni Zuze, u mu bhanga henda, u mu sangesa ngalasa ku mesu a kasalelu ua tambula konda ia kaleia.

II Samuuele 7:9

Eme ngende ni eie kuoso-kuoso ku ua di tela jinga, jinguma jé nga ji buikisa bhu pholo ié; nga ku jîngisa o dijina, kala o majina ma athu ónene a fumana mu ngongo.

I Malunda 14:17

Kienhiki dijina dia Davidi difumana mu jixi joso jenhojo; o Jihova anga uta uoma uê ku thandu dia mundu uoso uenhó.

Estere 9:4

Mukonda Moledekai ua tambula ukota mʼonzo ia muenexi; fuma iê ia sambuka mu jisengu joso; kijingo kiê anga kiia ni ku di bandekeza kizuua ni kizuua.

Matesu 14:1

Bhu thembuʼobho, Helode dia tetalaku, muenexi a Ngalileia, anga uívua o fuma ia Jezú.

Matesu 18:20

Mbata bhuoso bhu bhongoloka kiiadi mba kitatu mu dijina diami, eme bhene bhu ngi kala muʼ axaxi-kâ.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Matesu 4:24

Fuma iê anga i sambuka mu Sídia ioso. Hé a kala ku mu bhekela jihaxi joso, a vulu makukata, ni iá a saluka ni madimonho, ni iá a kate kikonha, ni iá a kate kila; ene oso anga u a saka.

Matendelelu 31:6

Kalenu mu indanda, mu kole kiambote o muxima. Ki mu kale ni uoma, mba mu kala ni kekenha ki mu a mona mesu, mbata o Jihova Nzambi ié muene uala kuia-nê, o muene ka-nda ku kúxia, ka-nda ku ku ehelela.

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.

II Timote 4:22

Ngana Jezú Kristu, akale ni nzumbi ié. O kiadi kia Ngana Nzambi ki kale ni enu oso koko.

Josuué 1:5

Kana muthu ua-nda kutena kuimana mu kubhânga ni eie, katé bhu bhuilu dia muenhu ué. Kala ki nga kexile ni Mozé, kiene ue ki ngi kala ni eie; ki ngi ku xisa kana, ki ngi kuehelela.

Josuué 1:9

Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.

Josuué 9:1

Anga kibhita kiki, jisobha joso ja kexi ku sámbua kunu dia Njolodá, ku mulundu, ni mu jingânga, ni ku kibumu kioso kia musanza uónene ua kalunga bhu dilulamenu dia Libano, ni Mahiti, ni Mamodi, ni Makanana ni Mapelezi, ni Mahivi, ni Majebuzi, kia zubha ku kʼivua,

Josuué 9:3

O akua bhata mu Ngibiione, kievu kioso Josuué kia bhange ni mu Jedikó ni mu Hai,

Josuué 9:9

Ene anga a mu vutuila, exi: Abhikʼé atundu kanga dia lebha muene, mbebu o dijina dia Jihova Nzambi ié; mbata fuma iê tua ivu, ni ima ioso ia bhange mu Ijitu tua ivu ue;

Afundixi 1:19

Jihova anga u kala kumoxi ni Juda, u kaia athu a tungu ku milundu, a tungu ku luiji-phe mu dikôlo ua lémbua ku a kaia, mukonda ala ni makalu a felu.

I Samuuele 18:14

Davidi anga u kumbidila ni kilunji mu jinjila jê joso; Jihova anga u kala-nê.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.