Josuué 6:23 - O Mikanda Ikola

²³ Minzangala anga aia, ene ilolo ejiie mu londa, anga a bokona mʼonzo, a katula-mu Lahaba, ni tatʼâ, ni mamʼâ, ni jiphange jê, ni imbamba iâ ioso; ni ndandu jê joso a a katula-mu, a a bheka bhua zukama ni kibangu kia Izalaiele.

Josuué 6:23 ပူးပေါင်းရင်းမြစ်များ

Dimatekenu 12:2

eme-phe nga-nda ku ku sokolola, nʼukala u muiji ua dikota; ngi ku zediuisa, ngi jingisa o dijina dié; eie ua kala u dibesá.

Dimatekenu 18:24

Se mu mbonge muenhomo mu kala makuinhi atanu a muthu a iuka kifua u a buikisa, dibhata ku di eha mukonda dia makuinhi atanu aiuka a di lungu-mu?

Dimatekenu 19:29

Anga ki bhita-phe kuila, Nzambi kia zubha ku buikisa o jimbonge joso mu ngânga, Nzambi ua xinganeka Mbalahamu, anga u katula Lote mu kaẋi ka kibuika kia jimisa o jimbonge mua tungile Lote.

Dialuilu 31:19

Enu-phe, mu tula hanji mu kanga, ki muize luua mu kibangu, sambuadi dia kizuua; uoso-phe ua jibha muthu, mba ua kuata ku kimbi, kikale mu di bonza kizuua kia katatu ni kia kasambuadi, ni enu ni jihutile jenu.

Jipoxolo 10:28

Anga ua ambela, uixi: Enu mua kʼ ijiia kuma muthu uala Judé, a mu kidika o kukuata ukamba ni mukua ʼxi iengi, mba kubokona ngó mʼ onzo iê ni kubhongoloka-nê kumoxi. Maji eme-phe Nzambi ua ngʼ idikiza kuma ki ngâmbe dingi muthu kuiibha mba kuxila.

Jipoxolo 27:24

Uixi: Ku kale ni uôma, Phaulu! Kuma eie ua bhingi ua kèmana bhu pholo ia Sézalu. Talesa-phe, o Nzambi mu mbote iê ua ku bhana kiá oso u uala kuendela-nâ kumoxi mu naviiu.

I Kolindo 5:12

Kuma eme ngi fundisa kiebhi o athu ku kanga? Maji athu mu kilunga ki bhinga enu mu a fundisa.

Efezo 2:12

Thembu ieneʼoio mua di batukile ni Kristu. Mua kexile mu asonhi, o mu dianda dia Izalaiele, o muiji uòsole kua Nzambi, enu ki mu tokalele-mu. Ki mu kexile ni mbandu ue ku ikutu ia tundu ku jipolomesa ja bhele Nzambi o mundu uê. Enu mua kexile mu ngongo mumu, sé ngó kima ki mu dielela, sé ue Nzambi.

Jihebeleu 11:31

Kiejila mu kuxikana, Lahaba dia kidianzunga kia kambele kufuila kumoxi ni akuâ a xibhakele Nzambi, mukonda muène o ilolo ia anʼ a Izalaiele ua i tambuluile kiambote.

Jihebeleu 11:7

Kiejila mu kuxikana, Noué kia mu dimuna kuala Nzambi, ku ima ianda kubhita, o iene kiluua i moneka. Noué anga u tumaka Nzambi, hé u tunga álaka, ia mu bhulula muène ni akua bhata diê. Mu kubhanga kiki anga u belesa o mundu uoso, hé u tambula kua Nzambi o kuiuka kuijiia mu kuxikana.

Josuué 2:13

Nga mi bhingi kukondeka muenhu ua tatʼetu ni mamʼetu, ni ʼphange jami ja mala ni ja ahatu, ni ima ioso iala na-iu, mbé mienhu ietu ki i di bote ngó mu bômbo dia kalunga.

Josuué 2:16

Muene anga u a ambela, uixi: Di telienu ku mulundu, mbé ió aii ku mi kaiela ki mu takane-nâ; mu suama kuenhoko izuua itatu, katé ió aii ku mi sota, eza dingi ku bhata, kiene kiua ki muila njila ienu.

Josuué 2:18

Aiuka, hinu se tueza mʼoxiʼmu, ngoji iii i kusuka u i kutila bhu njanena i tua tulukila; tatʼenu-phe ni mamʼenu, ni ʼphange jé, ni dibhata dioso, u a bheka mʼonzo ié muenhumu.

Afundixi 1:25

Muene anga u a edikiza dibokuenu dia kubhiẋila mu mbonge; mbonge anga a i kuama ni mazu a xibhata; muthu iú-phe a mu eha ni família iê.