Josuué 6:22 - O Mikanda Ikola

²² Josuué anga uambela mala kiiadi ejiie mu londa ixi, uixi: Ndenu, mu bokone mu inzu ia kidia-nzunga, muhatu mu mu katule-mu, muize-nê, ni ioso ia mu kala mʼonzo iê, kala ki mua mu lokela.

Josuué 6:22 ပူးပေါင်းရင်းမြစ်များ

II Samuuele 21:2

Muenexi anga u ixana akua Ngibiione, u a zuelesa. Akua Ngibiione-phe ka tokala mu anʼa Izalaiele, mukonda mbutu ia xala ku akua Mamodi. Anʼa Izalaiele a banga-nene-nâ ni ku a lokela kuila ka-nda ku a jibha. Saulo-phe u sota ku a buidisa mukonda dia kusuína kuê mu zokela anʼa Izalaiele ni Juda.

II Samuuele 21:7

Muenexi anga u xia Mefibozete monʼa Jonata, monʼa Saúlo, mukonda dia mulôko ua Jihova ua bhiti bhu kaẋi ka Davidi ni Jonata, monʼa Saúlo,

Jisálamu 15:4

Muthu uala kifusa muene u mu mona kusekala, maji u ẋila-phe oso akua uoma ua Jihova; o muthu ió ua bhingi, se ua loka kiá, kʼaluluka dingi bhu dimi, né ua di fumbu;

Izekiiele 17:13

Iu ua zangulabhu umoxi ku mbutu ia sobha, iu ua te-nê kikutu, o kia mu lokêsa, iu uezanê; jingana jaʼxi ua ji katula-mu.

Izekiiele 17:16

Jihova Nzambi ua tange, uixi: Ni kidi kioso kala eme ki nga mu laia, bhu kididi bhuoso bhua tungu o sobha ua mu hingisa, ua vu o mulôko uê ua lutu, o kikutu kiê iu ua ki bulu, xi, bhu mbandu iê muene, mu kaxi ka Babilonha, bhene muene bhua mu jibhila.

Jihebeleu 11:31

Kiejila mu kuxikana, Lahaba dia kidianzunga kia kambele kufuila kumoxi ni akuâ a xibhakele Nzambi, mukonda muène o ilolo ia anʼ a Izalaiele ua i tambuluile kiambote.

Josuué 6:17

O mbonge-phe a i koleka kuala Jihova, ni ima iê iene ioso iala-mu; Lahaba ngó dia kidia-nzunga, muene ngó ni muene ni jindandu jê aia-nê mʼonzo, mukonda muene ua suekele o ilolo i tua tumikisine, ene ngó a kola o muenhu.

Josuué 6:23

Minzangala anga aia, ene ilolo ejiie mu londa, anga a bokona mʼonzo, a katula-mu Lahaba, ni tatʼâ, ni mamʼâ, ni jiphange jê, ni imbamba iâ ioso; ni ndandu jê joso a a katula-mu, a a bheka bhua zukama ni kibangu kia Izalaiele.

Josuué 9:15

Josuué ua di tambulula-nâ, iu uate-nâ kikutu kia kuila, ki mu fu dingi; makota ma kionge a ta-bhu muene mulôko.

Afundixi 1:25

Muene anga u a edikiza dibokuenu dia kubhiẋila mu mbonge; mbonge anga a i kuama ni mazu a xibhata; muthu iú-phe a mu eha ni família iê.