Josuué 6:21 - O Mikanda Ikola

²¹ Anga a buikisa mienhu ioso mu mbongiʼomo, ni mala ni ahatu, ni anandenge ni tukulakaji, ni jingombe, ni jimbudi, ni jibulu; iene ioso buí, ku mazu a xibhata.

Josuué 6:21 ပူးပေါင်းရင်းမြစ်များ

I Jisobha 20:42

Muenhú uambela sobha uixi: Jihova uambe kiki: Mukonda muthu nga ku tele-nê bhu lukuaku phala ku mu jima mbutu, eie ua mu jitulʼé bhu lukuaku lué; muenhu ué ua-ndu bhingana bhu kididi kia muenhu uê, o kifuẋi kié ki bhingana bhu kididi kia kifuẋi kiê-muène.

Jelemiia 48:18

Eie u muhatu ua tungu, u monʼa Dibone, ku fuma ié tuluka-ku, u xikame bhoxi dia kukuta; mukonda ió ua sengulula Mouabhe, ua bande, ueza kokué, imbaka, iéʼeie, ua i sengulula kiá.

Matendelelu 13:16

Anga mu bhongolola o umonhi uoso u mua sange-mu anga mu u tula mu kaẋi ka dikanga; anga mu ila ni sanzala iene ni umvuama uê uoso mu u ximika mu túbhia, ki ku subhuka kima. Sanzalʼoio ikala kiá ngoho dixita di nangenena, ki bhuà kala dingi, muthu utunga-mu.

Matendelelu 2:34

Mu izuua ienhoio, anga tu mu bua o madiembu moso, mabhata mê moso tua ma buikisa, ni mala ni ahatu, ni tuana; ki tua xisa-bhu, né ngó muthu umoxi.

Matendelelu 7:16

Ifuẋi ioso i mi seiela Jihova Nzambi ienu, enu mu i jikinisa muene; ki mua kuatela henda, kana; o mahámba mâ ki mua a bheze, kuma kienhókio ki di bhanga mubhetu phalʼenu.

Josuué 10:28

Mu kizuua kienhókio Josuué u tolola Makeda, oso ala-mu u a bhitisa ku mazu a xibhata; sobha ua mu jimisa mbutu, ni muene ni mienhu ioso iakexi-mu; ka xisa-mu kama ka subhuka; o sobha ia Makeda ua mu bhange kala kia bhangele sobha ia Jedikó.

Josuué 10:39

Iá a mu kuata ni sobha iê, ni jisanzala jé mu jimbandu, anga a a bhitisa ku mazu a xibhata, mienhu ioso ia kexi-mu a i buikisa muene, ka xisa-mu kima ki subhuka. Kiene kia bhange kua Hebolone kiene ue kia bhange Ndebile ni sobha iê, mukuâ ni kia bhangele kua Libina ni sobha ie.

Josuué 11:11

Mienhu ioso ia kexi-mu a i bhitisa ku mazu a xibhata, ia a i jikinisa muene, lalá! ima ioso ibhuima ka xi-mu kima, o sanzala iene ia Hazole a i oha mu túbhia.

Josuué 11:14

O madibhundila oso-phe a tundu mu jisanzala josuʼiji, ni ibhaku, anʼa Izalaiele a i bhûndu ni i kala iâ-ene; athu ene ngó a buikisa ku mazu a xibhata; ka xisa-ku muthu ni muenhu.

Josuué 8:2

Ni Hai ni sobha iê, ua kà a bhanga kala ki ua bhànga Jedikó ni sobha iê; Inda o kiki-phe imbamba iê i mua-nda kubhûnda-mu, ni ibhaku iê, i kale kiá mbole ienu, mu i tambula kiá enʼuenu. U tuma athu kubatamena ku dima dia mbonge.

Josuué 8:22

Ió ue a tunda mu mbonge a a kondela kuema; kifua Izalaiele ua a te mukonda, akua Hai ala mu kaẋi; anga a a nemeka, ki bhuala muthu ua subhuka, ki kuala ua lenge.

Josuué 9:3

O akua bhata mu Ngibiione, kievu kioso Josuué kia bhange ni mu Jedikó ni mu Hai,

Dijingunuinu 18:21

Anju ia kindanda anga u zangula kiditadi, mukuâ ni ditadi dia dikota dia kuhuhila, anga u di takula mu menhʼa kalunga, uixi: Kiene muenʼiki, mukuâ ni kibhalu kia dikota, kia-nda kubobesa na-kiu Babilónia, o mbanza ia dikotʼoio! Ki mungu i tena dingi kumoneka ku mesu!

I Samuuele 15:3

Kiki-phe ndeie, ua kà bete Amaleke, nda ua kà buikise ioso iala na-iu, sé ngó ku a lendukila. Ua kà jibha ni mala ni ahatu, ni tuana tua ndenge, ni tuana tua uisu ku mele, ngombe ni mbudi, kamelu ni bûlu, ki ku subhuka kima.

I Samuuele 15:8

Anga u kuata Akake sobha ia akua Amaleke, u mu kuika ni muenhu; maji mundu uoso ua u buikisa ku mazu a xibhata.