Josuué 6:19 - O Mikanda Ikola

¹⁹ Maji o phalata ioso-phe, ni ulu, ni itutu ia ngôndo, ni felu, iangene i kôla ia Jihova; kikale iza mu dilundilu diê.

Josuué 6:19 ပူးပေါင်းရင်းမြစ်များ

II Samuuele 8:11

Malonga enhá Davidi anga u a lumbila Jihova, anga u mu lumbila ue ni phalata ni ulu ia tambula ku jixi jamukuá joso ja tolola, o jixi kala jiji:

I Jisobha 14:26

Anga u katula jimbongo joso mʼonzo ia Jihova ni jimbongo joso mʼonzo ia sobha; ima ioso muene, ua katula. Anga u katula ue ni ngubu joso ja ulu ja bhangele Solomá.

I Jisobha 7:51

Kienhiki Solomá kia zubha o kikalakalu kioso kia bhange mu kutunga o Tembulu ia Ngana. Anga u tuma kiua kuila a mu bhekele o ima ioso tatʼâ Davidi ia lumbile kua Jihova, ni ia phalata, ni ia ulu, ni itutu ioso muene, hé u i tula mu mabhakelu a jimbongo joso ja Tembulu ia Jihova.

II Jisobha 24:13

O jimbongo joso ja inzu ia Jihova ni jimbongo joso ja dibhata dia sobha, ua ji katula iú uai na-ju; o itutu ioso ia ulu ia bhangele Solomá, sobha ia Izalaiele, ua i bula-bula kala kiambe o kizuelu kia Jihova.

I Malunda 18:11

Itutu iene ioso iii ue, Davidi ua i lumbila kua Jihova, kumoxi, kiá ni phalata, ni ulu, ueza na-u ue ku ifuẋi ioso ia akua matumbu a kambe kuijiia Nzambi, o akua Idomo, ni akua Mouabhe, ni ku ana a Amone, ni ku akua Fidíxia, ni ku akua Amaleke.

I Malunda 26:20

Mu kutanga o Jilevita: Aíia muène ua tambuile konda ia jimbongo ja inzo ia Nzambi ni jimbongo ja imbamba Ikôla.

I Malunda 26:26

O Selomite muenhú, ni jiphange jê, ene a tambuile konda ia jimbongo joso ja imbamba ikôla, sobha Davidi, ni makota a jitata, ni jikabhitangu ja jimidi, ni ja jihama, ni jikabhitangu ja ilômbo iʼeta, ia lumbilile kua Nzambi.

I Malunda 26:27

Ku imbamba ia tundu ku madibhundila a ita, a lumbila-ku mbandu phala kutunga muoso mua budika ku inzo ia Nzambi.

I Malunda 26:28

Kala ue o ima ioso ia lumbilile Samuuele, mukua lumono, ni Saulu dia monʼ a Kiji, ni Abinele, monʼ a Nedi, ni Jouabe, monʼ a Zeluia, ima ioso athu ia lumbila jinga kua Jihova, o Selomite ni jiphange jê, ene a i tambuile konda.

I Malunda 28:12

Muène ua mu bhana ue ni muxinda ua ima ioso ia mu kexi ku muẋima, ienʼ íiii: O malumbu ma inzo ia Jihova, ni maxilu oso mu jimbandu phala o malundilu a jimbongo ja inzo ia Nzambi, ni phala malundilu a maujitu oso a kexile mù bhakuila Jihova.

II Malunda 15:18

Hé u bheka kʼonzo ia Nzambi, ima ioso ia lumbile tatʼâ ni iii ia lumbile muene-muéne: ni phalata, ni ulu, ni itutu dingi ia fuama.

II Malunda 31:12

Kia zubha ku ma iudika, a ta ni ufiiele uoso mueneʼomo, o maujitu, ni madijimu, ni ima ioso iòʼlumbile; ku pholo dia ima ienʼiii anga a ta-ku Konaniia, o levita, muadiakimi, ni Ximei, phangʼiê, muene kaiadi ua kaiela-ku.

Nehemiia 10:38

Ni kuila ue, o nganga, monʼa Alá, u kala kumoxi ni akua Leví kioso akua Leví kia kala mu tambula o kakuinhi, ni kioso akua Leví kia bhana ue o kakuinhi ka kakuinhi ka tambula ue ene, hé a ka bheka mʼonzo ia Nzambi ietu, mu maxilu ma inzo ia kubhakela o jimbongo ja Nzambi.

Jelemiia 38:11

Anga Ebede-Meleke u katula athu, uia mʼonzo ia sobha, bhoxi dia dilundilu dia jimbongo ja sobha, anga u katula-mu itetele ia makoza, okulu kiá, a kuka, ni izuatu muene ia tandujuka, hé u i zezesa ni mikolo kua Jelemiia, uala mu kiboiongo.

Ijila 19:24

O mu muvu ua kauana-phe ibundu iê ioso ikale iangene, ia tokala mubhaku ua Jihova, ua kutanesena Nzambi, ua diximanu diê.

Mikeia 4:13

Balumuka, u vunde, eie monʼa kilumba mu Ziione! Mukonda mbinga ié nga kà i bhanga ia felu, o iala ié ia ngòndo; ua kà sanujuna ndumba dia ifuẋi ia miji, futu iâ anga ua kà i bhakuila Jihova, ni umoni uâ kua Ngana, uavu o ixi ioso.

Dialuilu 31:11

Anga a tambula imbamba ioso ia bhundu, ni jihutile joso ja athu ni ibhaku.

Dialuilu 31:12

Anga a i bheka, ni imbamba, ni athu, ni ibhaku, kua Mozé ni kua nganga Eleazale, ni ku kilômbo kioso kia anʼa Izalaiele, bhu kibangu mu dinhana dia Mouabhe, bhu mbandu ia Njolodá sámbua dia lulama ni Jedikó.

Dialuilu 31:22

Ima-phe ia ulu, ni phalata, ni ngôndo, ni felu, ni xitanhu, ni ximbu,

Matesu 27:6

Jinganga ja makota anga ji katula itadi ia phalata, exi: Mu Kitumu kietu, ku ki ta mu kofidi ki kôla, kuma kia sumbu manhinga.

Marku 12:41

Jezú anga u xikama bha lulama ni bhu dizaku. He u kala mu talesa o mundu ki ala kuta kitadi mu dizaku. Anga kukala ni jimvuama javulu, atamu ndumba dia kitadi.

Josuué 7:11

Izalaiele uate kituxi; ua somboka muene o kikutu kiami kioso ki nga mu tendelela; ku imbamba iókidike ua katula-ku, ua nhana, ua te makutu; katé ua ki suekela mu kaẋi ka imbamba iê muene.