Josuué 6:17 - O Mikanda Ikola

¹⁷ O mbonge-phe a i koleka kuala Jihova, ni ima iê iene ioso iala-mu; Lahaba ngó dia kidia-nzunga, muene ngó ni muene ni jindandu jê aia-nê mʼonzo, mukonda muene ua suekele o ilolo i tua tumikisine, ene ngó a kola o muenhu.

Josuué 6:17 ပူးပေါင်းရင်းမြစ်များ

Dimatekenu 12:3

Nga kà a benzela oso a ku benzela eie, nga kà bhubhidila oso a ku bhubhidila eie; momué muene mua kà zediuila o miiji ioso mu ngongo.

Ejidala 10:8

O uoso mu izuua itatu kʼeza, kala kia tange o kaiula ka adiakimi ni ikulakaji, umvuama uê uoso a-nda ku u koleka, o muene-phe a mu uanununa, mu kilômbo kia iá a tundu mu ibhika ka kala-mu.

Izaía 34:6

Xibhata ia Jihova iezala ni manhinga, u sanga ia beketa ni banha ia manhinga ma tumbudi ni isutu, ni banha ia ana-sonhi a ilumbe; kuma Jihova uala ni sata mu Buzola, uala ni kijibha mʼoxi ia Idomo.

Jelemiia 46:10

Mbata o kizuua kiki kiene o kizuua kia Ngana, kia Jihova dia Ifuẋi, kizuua kia kuvutula phonzo phala nʼa vutule ditota ku jinguma jê; o xibhata ia kà dia, ia kʼekuta, ia kà kodiua ni manhinga mâ. Mbata Jihova dia Ifuẋi, o Ngana,— uala ni kilumbu mu ixi ia kusuku, bhu mbandu ia ngiji ia Ufalate.

Izekiiele 39:17

Eie-phe monʼa diiala, tata, o Jihova Nzambi uambe kiki, uixi: Tangela o jinjila ja ifua iosololo ni iama ioso muene ku mukáu, uixi: Di kasienu nda muize, ku jimbandu joso, izenu ku sata iami, i nga sate mukonda dienu, sata ia dikota mu milundu ia Izalaiele, nda mu-die xitu ni mu-nue manhinga.

Ijila 27:21

O bhu njubileu-phe, ki jituka mukau iú, ukala kiá mukáu uolumbile kua Jihova, mukáu ukôla, oko a mu bhane-u luelu; mukáu ió uatokala Jihova u di bhanga kiá uangene ua nganga.

Mikeia 4:13

Balumuka, u vunde, eie monʼa kilumba mu Ziione! Mukonda mbinga ié nga kà i bhanga ia felu, o iala ié ia ngòndo; ua kà sanujuna ndumba dia ifuẋi ia miji, futu iâ anga ua kà i bhakuila Jihova, ni umoni uâ kua Ngana, uavu o ixi ioso.

Matesu 25:40

Muenexi ua kà kumbulula, uixi: Kidi kiene ngi mi ambela kuila: Kioso ki mua bhange jiphange jamiʼji ja ndenge, eme-muène mua ngi bhange-kiu.

I Kolindo 16:22

Se bhu kala muthu ua kambe o kuzola Ngana, a kale muthu a mu bhubhidila! Malanata—Ngana ietu ʼza kiá!

I Kolindo 2:7

Tu tanga-phe unjimu ua Nzambi mu kijinganu, unjimu ki u monekene mʼ ukulu, Nzambi-phe tunde xàhulu ua tu kanena-u, mu ku bhana fuma, kioso o ngongo kiluua ngó a i bhanga.

Ngalásia 3:10

Oso-phe a dielela mu kutumaka o imbamba ia Kitumu, ala ni mázui ma Nzambi ku thandu diâ. Kuma kiosoneke mu Mikanda Ikôla, exi: Uoso u kamba kuenda ni kubhanga ima ioso iosoneke mu Divulu dia Kitumu, uala ni mázui ma Nzambi ku thandu diê!

Ngalásia 3:12

Maji o Kitumu-phe ki kiene ni kuxikana. Mukonda, kala ki ambe o Mikanda Ikôla: Uoso u bhanga o ima ia tumu o Kitumu, mu Kitumu muene mua muena o muenhu.

Matendelelu 20:17

Kikale mu ki jikinisa muene, sé kuxa-ku kima; ni athu akua Hiti, ni Mamodi, ni Makanana, ni Mapelezeu, ni Mahivi, ni Majebuzeu, kiene kia ku tendelela Jihova Nzambi ié, kiene.

Jihebeleu 11:31

Kiejila mu kuxikana, Lahaba dia kidianzunga kia kambele kufuila kumoxi ni akuâ a xibhakele Nzambi, mukonda muène o ilolo ia anʼ a Izalaiele ua i tambuluile kiambote.

Jihebeleu 6:10

Kuma Nzambi ki mukua kaxixi. Muene ka landuka uila sedivisu i mua bhange i mu jimba, mba o henda i mu edikisa o dijina dîê mu kubhindumuna jinga anʼê a ngene, ni kiki hanji enu mu bhindumuna o jikidistá.

Tiiaku 2:25

Manhi ki kiene ue kia bhitile ni Lahaba dia kidianzunga, kioso kia tambulula o ilolo ia Jijudé ku dibhata diê, iú ua i sulula njila iengi? Muène-phe ua bongele ujitu kua Nzambi mukonda dia ima iê ia bhangele.

Josuué 2:1

Josuué dia Nune, kioso kiala bhu Xitime, u katula ilolo iiadi ni a bhite mʼoxi sé athu ku a ejiia, uixi: Ndenu, kà londienu ixi ienhiʼii ni mbanza ia Jedikó. Anga aia, a tula mʼonzo ia muhatu kidianzunga, dijina diê Lahaba, hé a zekela usuku muenhomo.

Josuué 2:22

Ene anga aia mu mulundu, a kala muenhomo izuua itatu, katé kia vutuka ió ele mu ku a sota; kuma a a soto muene mu njila ioso, maji ka a mono.

Josuué 7:1

Anʼa Izalaiele-phe anga a tondala mu somboka kijila kia ima iókidike; kuma Akane, monʼa Kami, monʼa Zabedi, monʼa Zelahe, mukua muiji ua Juda, ku ima ia kidika ua katula-ku; njinda ia Jihova anga i uama ku thandu dia anʼa Izalaiele.

I Samuuele 15:3

Kiki-phe ndeie, ua kà bete Amaleke, nda ua kà buikise ioso iala na-iu, sé ngó ku a lendukila. Ua kà jibha ni mala ni ahatu, ni tuana tua ndenge, ni tuana tua uisu ku mele, ngombe ni mbudi, kamelu ni bûlu, ki ku subhuka kima.

I Samuuele 15:6

Saúlo anga u ambela akua Kene, uixi: Ndokuenu, tundenu, mu muangane muʼaxaxi ka akua Amaleke, phala ki ngi mi buikisile-nâ kumoxi; kuma enu mua bhangele ujitu ku ana oso a Izalaiele, kia tundile ku Ijito. Kienhiki akua Kene anga a tunda muʼaxaxi ka akua Amaleke.