Josuué 4:9 - O Mikanda Ikola

⁹ Josuué anga u lunjika ue kuinhi dia matadi ni kiiadi mu kaẋi ka Njolodá, bhuoso bhuemana inama ia jinganga ambata o álaka; matadi iá-ué bhenhobho katé mu kizuua kia lelu.

Josuué 4:9 ပူးပေါင်းရင်းမြစ်များ

Dimatekenu 26:33

Muene anga u ki luka Seba; kala kiki o dibhata diodio a dʼixana Bele-seba katé mu kizuua kia lelu.

Dimatekenu 28:18

Jakobo anga u balumuka mu kimenemene, u kuata ditadi diene dia bhetuilile, u dʼimika kala philadi, u lundulula maji ku thandu diê.

II Samuuele 4:3

Suke akua Belote-phe a lengela ku Ngitaímu, ia a biluka jinzuàngiza koko katé mu kizuua kia lelu).

I Jisobha 18:31

Anga Elija u zangula kuinhi dia matadi nʼaiadi, kala kia soko o dialuilu dia miji ia anʼa Jakobo, ió a mu tangelele kuala Ngana, uixi: Izalaiele, diene dia kà kala o dijina dié.

II Malunda 5:9

O mikambu anga i lebhelela dingi, phala o jisungu ja mikambu ia álaka ni jende ni kumoneka mu xilu dia ukòlelu u kôla kinéne, maji ua kexila ku mbandu ia kanga, ka i mono; o álaka i ia zalela bheneʼobho katé mu kizuua kia lelu.

Makatukilu 24:12

Jihova anga u ambela Mozé, uixi: banda kunu ko kuami mu mulundu, u kale muenhomo; eme-phe ngi ku bhane ibasakasa ia matadi, ni ngonge ni kitumu, ioso i nga soneka, phala u kale mu ku a longa-iu.

Makatukilu 28:21

Matadi ma kala kuinhi ni kiiadi, mu kuinhi dia muiji ni kiiadi ia anʼa Izalaiele; kala ditadi a di seta, mukuâ ni sineta, ni dijina dia muiji umoxi ua Izalaiele.

Matesu 27:8

Kididi kiókio kiene kia kʼixanena, Kididi kia Manhinga, katé mu kizuua kia lelu.

Matesu 28:15

Ene anga a tambula kitadi, hé a bhanga kioso kia a longesa o jinganga ja makota. O hundu iíi anga i sambuka mu Jijudé joso, ni kiki hanji a jijila ku ki zuela, katé mu kizuua kia lelu.

Matendelelu 34:6

Anga u mu fûnda mu dikôlo diala mʼoxi ia Mouabhe, bhua lulama ni Mbete-piiole katé kiki, kana-ku muthu uejiia bhu mbila iê.

Josuué 24:26

Josuué iu ua soneka o maka oso iá mu divulu dia ngonge ia Nzambi; anga u katula kiditadi kiònene u ki phapha bhenhobho mu kilembeketa kia muẋi ua kaluvádio ua zukama ni dibhezelu dia Jihova.

Josuué 4:10

O jinganga ambata álaka anga emana mu kaẋi ka Njoloda, bhoxi dia kukuta, katé kia zubha kubhanga ima ioso ia tumu Jihova kua Josuué, ku iambela kifuẋi kala Mozé kia iambelele Josuué. Kifuẋi anga a bhanga lusolo, katé ene oso kia zaúka.

Afundixi 1:26

Muene-phe uia ku ixi ia Mahiti, u tunga-ku mbonge, u i luka dijina dia Luze; diene dijina diê katé mu kizuua kia lelu.

I Samuuele 30:25

Tunde-phe kizuua kienhókio muene, kia ki zuela Davidi, kia di bhange kijila kiâ ni kifua kiâ mu Izalaiele, katé mu kizuua kia lelu.

I Samuuele 7:12

Samuuele anga u katula ditadi u dʼimika bhu kaẋi ka Mixipa ni Sene, anga u di luka dijina dia Ebenezele, kífua uixi: Katé bhu tuezʼabha, Jihova muene ua tu kuatekesa.