Josuué 4:6 - O Mikanda Ikola

⁶ Mbé ki kale kijimbuete mudienu; hádia anʼenu, ku pholo ku muia, kia kèla: Matadi enhá, edi kiebhi?

Josuué 4:6 ပူးပေါင်းရင်းမြစ်များ

Jisálamu 44:1

Etu tua kʼivila jinga mu mátui metu, Ngana Nzambi, jitata jetu ja kexe ku tu tangela o malunda, kioso eie ki ua kalakala jinga mu izuua ia ene, mu izuua ia xahulu.

Jisálamu 71:18

O ki nga kukʼiki, ngʼedi kiá bobòbo, ni jimvi mu mútue, kana dingi ku ngʼehelela, Ngana Nzambi; katé ki ngi longa o muiji iú ua lelu, kioso ki endesa o lukuaku lué, o oso ue a kèze-ku, nʼa kʼejiie ki kala o kutena kué.

Makatukilu 12:14

Kizuua kienhiki ki mi kala kizuua kia di tungula, mu kiʼimununa jinga ni kizokola kia Jihova; ku miji ienu ioso katé ku hádia ni hádia, mu kuata jinga fesa iê, ki kale kijila kia mi bhana.

Makatukilu 13:14

O ki kala anʼenu hádia a mʼibhula, exi: Kiki kima kiahi? mua kèla kuma: Nguzu ia lukuaku lua Jihova ia bhiti-bhu, mu ku tu katula mu Ijitu, mu dibhata dia ubhika.

Makatukilu 13:9

Kia kà kala kidimbu ku lukuaku luenu, ni kijimbuete bhu dibhomo, phala ngonge ia Jihova i mi kale mu kanu; kuma Jihova ua mi katula ni lukuaku lua nguzu mu Ijitu.

Makatukilu 31:13

Eie-phe ambela ue anʼa Izalaiele, kuma: Mu kuata jinga muene o jisabhalu jami; kuma kijimbuete bhu kaẋi kʼami ni enu, ku miji ienu ioso katé ku hádia; phala mu kʼijiie kuma eme Jihova, nga mi bhange mu athu akôla.

Izaía 38:19

Kikale o athu ku muenhu, mukonda athu ku muenhu, ene ngó a ku ximana, kala eme ki ngala kubhanga leluʼiki. O tata, ua kʼejidisa o kidi kié-eie, u Nzambi, ku anʼê.

Izaía 55:13

bhu kididi kia musonge, bhua kà sabhuka mufaia; o bhu kididi kia musuna, bhua kà sabhuka mumurta; anga kia kà fumanesa dijina dia Jihova, kià kala kijimbuete kinangenena ki kia kà bua-ku dingi.

Izekiiele 20:12

Nga a bhana ue o jisabhalu jami, mbé ji kale kijimbuete bhu kaxi kami ni ene; phala a tene kuijiia kuila emiʼeme ngi Jihova ngi tena ku a zelesa.

Izekiiele 20:20

Endenu ni kukolesa o jisabhalu jami, mbé ji kale kijimbuete bhu kaxi kʼenu nʼEme, phala mu kʼijiie kuila Eme ngi Jihova, Nzambi ienu.

Dialuilu 16:38

o ku iomuenu ia ió a te o kituxi ku mienhu iâ-ène, ioso a i bhange izalelu ia kuzala ku thanduʼa kalatódio; kuma iòbheke bhu pholo ia Jihova; mu kienhiki-phe, ikôla kiá; ia kà kala kijimbuete ku anʼa Izalaiele.

Jipoxolo 2:39

Kuma o kizuelu kiê kia bhana, kia mi tokala enu, ni anʼ enu, ni oso ala ku makanga, oso kiá a kà exana kuala Nzambi, Ngana ietu.

Matendelelu 11:19

Endenu ni ku a longa anʼenu; mu uzuelelu uenu ki mu xikama mʼonzo, kuatenu maka enhá; o ki mu kala mu kuenda njila, kuatenu maka enhá; o ki u zeka ku kilu, zeka ni maka enhá; o ki u balumuka ku kilu, balumuka ni maka enhá.

Josuué 22:27

Maji phala umbangi bhu kaẋi kʼetu, mbé ku pholo ku tuia nʼetu, nʼenu, ni miji ietu ioso hádia i tu bhingana, mbé o ku tu enzela phala tu kuatienu kumoxi o kikalakalu kia Jihova bhu pholo iê, ni kubhana jisata jetu ja kuoha, ni mibhaku ietu, ni maujitu etu a kudifikixila. Mbé hádia, anʼenu ka kakule anʼetu, kuila: Enu Jihova ki muala-nê ni kima.

Josuué 4:21

Anga uambela anʼa Izalaiele, uixi: Hádia, ku pholo ku muia, kioso anʼenu kia kʼebhula jitata, kuila: Matadi, enhá, edi kiebhi?

Josuué 4:5

Josuué anga u a ambela, uixi: Bhitenu, kiosuiki álaka ia Jihova, Nzambi ienu, hanji iemana mu kaẋi ka Njolodá, mu zangule muthu ditadi diê, muthu ditadi diê, a di te bhu kisuxi, kualula o matadi a soka ni miji ia anʼa Izalaiele.