Josuué 4:3 - O Mikanda Ikola

³ muʼa tume kuma: Katulenu matadi mu kaẋi ka Njolodá, bhene bhua tula o makanda a inama ia jinganga ni kuimana, kuinhi dia matadi ni kiiadi, muie-nâ ku mukáu, bhuoso bhu mu tudila kuzeka usuku ua lelu, matadi bhene bhu mu a tula.

Josuué 4:3 ပူးပေါင်းရင်းမြစ်များ

Dimatekenu 28:22

O ditadi didi di ngʼemika kala philadiʼdi, di kala inzo ia Nzambi, o ku jimbongo joso ji u ngi bhana, ngi ku bakuila-ku mbandu ia kakuinhi.

Jisálamu 103:2

Tanesa, Jihova, muẋima uami, mbote jê joso ki ji ku jimbe.

Jisálamu 11:4

Jihova-phe uala hanji mu Tembulu ie ikôla; Jihova kiandu kiê kia xikama ku diulu; mesuʼê a tono muene ni kengelela, o ibhebhetela iê iala mù tonginina kiambote anʼatu mu ngongo.

Luka 19:40

Muène anga u a vutuila, uixi: Nga mi ambela kuma, iá se a di xibha, o matadi ma di kola!

Josuué 24:27

Josuué anga uambela o kifuẋi kioso, uixi: Ditadi didi hádia di tu kala mbangi; mukonda diene dievu o maka oso a tu ambela Jihova; hádia di mi kala ue ku umbangi ua ku mi kuzala, phala Nzambi ienu ki mu mu tele makutu.

Josuué 3:13

Mua-ndu mona ki ki bhita, makànda ma jinganga oso ambata álaka ia Jihova, muene Ngana uavu ixi ioso, ela a tula ngó mu menha ma Njolodá, menha ma Njolodá ma kà batuka, o menha ala kutunda ku thala a di lunjika mulundu.

Josuué 4:4

Josuué anga uixana kuinhi dia muthu ni kiiadi, a diangele kiá ku a tungula mu kaẋi ka Izalaiele, ku muiji muthu, ku muiji muthu.

Josuué 4:8

Anʼa Izalaiele anga a bhanga kala kia a ambela Josuué, hé a zangula kuinhi dia matadi ni kiiadi, mu kaẋi ka Njolodá, kala kia tange Jihova kua Josuué, konda ia matadi iene imoxi ni konda ia miji ia Izalaiele; anga aia-nâ katé bhuoso bhua tudila kuzeka, anga a a tula bhenhobho.

I Samuuele 7:12

Samuuele anga u katula ditadi u dʼimika bhu kaẋi ka Mixipa ni Sene, anga u di luka dijina dia Ebenezele, kífua uixi: Katé bhu tuezʼabha, Jihova muene ua tu kuatekesa.