Josuué 4:23 - O Mikanda Ikola

²³ Kuma Jihova Nzambi ienu, ua kukutisa menha a Njolodá bhu pholo ienu, katé mua zubha kuzáuka, kala kia bhange ue Jihova Nzambi ié ku Kalunga Kakusuka, kuma ua ka kukutisa menha katé ki tua zaúka etuʼenhoso;

Josuué 4:23 ပူးပေါင်းရင်းမြစ်များ

I Jisobha 8:43

eie-phe ívua ku maúluʼoko, ku ua tunga, anga u bhanga ioso ia ku bhingi o ngenji, sembele madiembu oso mu ngongo ejiie o dijina dié, nda a ku kuatele uoma kala o kifuxi kié kia Izalaiele, anga ejiia kuila o dijina dié ene ku di tumbuila ku inzo iii i nga tungu.

Nehemiia 9:11

Eie anga u bula o musanza ua kalunga bhu pholo iâ, ene hé a bhita mu kaẋi ka kalunga, bhoxi diòkukutu; a kexile mu kuiza ni ku a kaiela, anga u a bobesa mu dikungu dia zongo, mukua ni ditadi dia sonokena mu mafutʼa menha.

Jisálamu 78:13

Kalunga ua ka batula muʼaxaxi, iú ua a bhitisa mu kaẋi kê; menha ma di lumala kala ditûmbu.

Makatukilu 14:21

Mozé anga u sunununa o lukuaku luê ku thandu dia kalunga; Jihova anga u vutula o menha a kalunga ni kitembu kia mutundila-kumbi kia bhuka usuku uosʼô, ki kia bhangesa kuila bhu kaẋi bhua kukuta, menha a di uanununa mbandu ni mbandu.

Makatukilu 15:19

Kuma o jikabalu ja Falaó, ni makalu mê, ni jikavalelu jê, a a bobesa; anʼa Izalaiele-phe ni muʼaxaxi ka kalunga endela bhoxi dia kukuta.

Izaía 43:16

Kiene kia zuela Jihova, ua iudika kikoka mu kalunga, o muʼaxaxi ka mabhuku ma temanana iu ua iudika-mu hoka ia kubhitila;