Josuué 4:19 - O Mikanda Ikola

¹⁹ Kifuẋi anga a zaúka Njolodá mu kizuua kia kakuinhi ku mbeji ia kamoxi, anga a ta kibangu bhu Jidingale, bhene bhu mbambe ia thunda ia Jedikó.

Josuué 4:19 ပူးပေါင်းရင်းမြစ်များ

II Jisobha 2:1

Anga ki bhita kuila, kioso Jihova kiala phala kuambata Elija ku diulu, mu kitaphephe, Elija u katuka bhu Jidingale kumoxi ni Ilizeu.

Amoji 4:4

Ndenu ku Betele mu bhange ima ia kutondala; ni ku Jidingale mu vudise o ikuma! Imene ioso bhekenu maujitu menu, o ku makumbi a tatu-atatu, zenu ni madijimu menu.

Amoji 5:5

Maji ki mu sote ku Betele, mba muiza bhu Jidingale, ki muie ue ku Beleseba, mukonda, o ku tanga kidi, Jidingale a-nda ku mu ambata ku ubhika, o Betele a-nda ku mu sengulula u xala kilombo ngundu.

Mikeia 6:5

Banza-kiu hanji, muiji uami, tata! kia ku kanena Balaki sobha ia Mouabhe, ni kioso kia mu vutuila Balamu monʼa Beola; banza hanji o ima ioso i ua bhiti na-iu tunde bhu Sitimi katé bhu Jidingale, nda uijiie o kuiuka kua Jihova ni mabatuilu mê.

Matendelelu 1:3

Anga kibhita kuila, o makuinhi auana a mivu kia tena, kua kambe ngó mbeji imoxi, mu kizuua kia dianga kia mbeji ia kamoxi ku kuinhi, Mozé uzuelesa anʼa Izalaiele, kala kia tumu Jihova ku a tangela.

Matendelelu 11:30

Abha, milundu iiadʼiii ki ialʼé ku sámbua kuná dia Njolodá, ku mbanduʼa kikoka kiia ku mufuila-kumbi, mʼoxi ia Makanana, a tungu mu kiphenza bhua lulama ni Jidingale, bhu mbanduʼa milemba ia Mole?

Josuué 10:43

Euá, bhenhobho kia zubha kubhanga kiki, Josuué ni Izalaiele ioso muene, athu a ku vutukila kiua bhu kibangu bhu Jidingale.

Josuué 10:6

Mala a tokala mu Ngibiione-phe, atuma jiphunga kua Josuué, bhu kibangu kia Jidingale, exi: Abhikʼé ku tu ehele-kiu; banda muene lusolo kunu, u tu kudile; tu bande, kuma jisobha joso ja Mamodi, a tunga mu mulundu munhá, a di phopho kumoxi, iá a tu kondoloka.

Josuué 15:7

I bande dingi muene katé ku Ndebile, mu kuandekela mu dikôlo dia Akole, ku mbandu ia Kusuku, mu kulunga ku Jidingale, bhu kálundu ka Adumimi, kene ku sulu ia kahonga, katé ku matabhu ma Ene-semexi, anga i tundila-phe ku kisambu kia Ene-Lojele.

Josuué 24:11

O ki muà zaúka Njolodá enu mueza mu Jedikó, akua-bhata mu Jedikó a lu mvunda nʼenu. Kiene ue kimoxi kia bhange o Mamodi, ni Mapelezi, ni Makanana, ni Mahiti, ni Jijidingaze, ni Mahivi, ni Majebuzi; eme-phe nga a bhakula bhu lukuaku luenu.

Josuué 4:18

Mu ku ki bhanga-phe, jinganga ambata álaka ia kikutu kia Jihova, kiedi a zaúka, mu kaẋi ka Njolodá a tundu-mu, inama iâ anga i tula ku mukáu kua kukuta, menha a Njolodá a vutuka dingi ni ku kunguluka mu honga iê; ni sámbua ni sámbua diezala dingi kala kia kexile.

Josuué 5:10

Anʼa Izalaiele anga a kala hanji bhu kibangu kiâ, bhu Jidingale. Mu kizuua kia kakuinhi ni kiuana kia mbeji ienhoio, anga a bhitisa o Phasu bhenhobho, mu kumbi dia ngoloxi, mu ngânga ia Jedikó.

Josuué 5:9

Jihova anga uambela Josuué, uixi: Lelu nga kundumuna môndo ua Ijitu ua kexile ku thandu dienu, kiki uabhu-ku. Kiene kia lukila-bhu exi bhu Jidingale, katé mu kizuua kia lelu.

Josuué 9:6

Anga eza kua Josuué, bhu kibangu bhu Jidingale, anga a mu ambela, ni muene ni mala a Izalaiele, kuila: Tua tundu ixi iadikanga; ndokuenu, mu te kiá kikutu nʼetu, kindala.

I Samuuele 10:8

Ua kà ngi tuamenena mu kulumuka ku Jidingale; nga kà ku sanga kuenhoko, mu bhana jisata ja kuoha ni jisata ja kutululuka; eie ua kà kinga sambuadi dia izuua, katé ki ngi ku sanga, ngi ku tangele kioso ki u bhanga.

I Samuuele 15:33

Samuuele-phe, uixi: Kuma o xibhata ié ia bhangesa ahatu kukamba anʼâ, kiene ue kimoxi mamʼenu ua-ndu kamba ana muʼaxaxi ka akuâ. Samuuele anga u sesa Akake, u mu bhanga ku idiandu-idiandu, bhu pholo ia Jihova bhu Jidingale.