Josuué 4:10 - O Mikanda Ikola

¹⁰ O jinganga ambata álaka anga emana mu kaẋi ka Njoloda, bhoxi dia kukuta, katé kia zubha kubhanga ima ioso ia tumu Jihova kua Josuué, ku iambela kifuẋi kala Mozé kia iambelele Josuué. Kifuẋi anga a bhanga lusolo, katé ene oso kia zaúka.

Josuué 4:10 ပူးပေါင်းရင်းမြစ်များ

Jisálamu 119:60

Nga bhange lusolo, ngixi nguami kulaleka, ngi kale mu tumaka o itumu ié.

Makatukilu 12:39

Anga a kanga o jimbolo ja kambe o felemendu, ku ikose ia tundu na-iu mu Ijitu; kuma ka tele-mu luua felemendu, mukonda o kutunda mu Ijitu kifua ku a kaia, ka a bhana kithangana, ni huta ka i iudika dingi.

Jisabhu 27:1

Ku te nzabala ia kizuua kia mungu, mbata ioso ia-nda kuiza na-iu o kizuua kia mungu eie kua ijiia.

Ndongixi 9:10

Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.

Izaía 28:16

Kala kiki, Jihova dia Ilômbo Ieta uambe, kuma: Talesa, nga xikika ditadi mu Ziione, ditadi di zubha o phata, ditadi diate kiavulu, diene di kuatesa bhu thungi, nga di xikika dia kuata dia kolo; uoso u xikana ka kale ni kisuka.

II Kolindo 6:2

Ivuenu kioso kiambe Nzambi, uixi: Eme nga evidila bhu kithangana kia bhindamene o ku a kudila, nga a kuatekesa bhu kizuua kia kubhuluka. Ivenu, kuma: Kiki, kiene o kithangana kia kutambula o dikuatekesu kua Nzambi! Lelu kiene o kizuua kia kubhuluka!

Matendelelu 31:9

Mozé anga usoneka kitumu kiki, u ki bhana ku jinganga, anʼa Levi, oso akexe kunhata o álaka ia kikutu kia Jihova, ni ku adiakimi oso a Izalaiele.

Josuué 24:11

O ki muà zaúka Njolodá enu mueza mu Jedikó, akua-bhata mu Jedikó a lu mvunda nʼenu. Kiene ue kimoxi kia bhange o Mamodi, ni Mapelezi, ni Makanana, ni Mahiti, ni Jijidingaze, ni Mahivi, ni Majebuzi; eme-phe nga a bhakula bhu lukuaku luenu.

Josuué 3:13

Mua-ndu mona ki ki bhita, makànda ma jinganga oso ambata álaka ia Jihova, muene Ngana uavu ixi ioso, ela a tula ngó mu menha ma Njolodá, menha ma Njolodá ma kà batuka, o menha ala kutunda ku thala a di lunjika mulundu.

Josuué 4:11

Kioso kia zubha kifuẋi kioso kuzaúka, ni álaka ia Jihova ue i zaúka kiua, ni jinganga ue ku mesu a kifuẋi kioso.

Josuué 4:9

Josuué anga u lunjika ue kuinhi dia matadi ni kiiadi mu kaẋi ka Njolodá, bhuoso bhuemana inama ia jinganga ambata o álaka; matadi iá-ué bhenhobho katé mu kizuua kia lelu.