Josuué 3:7 - O Mikanda Ikola

⁷ Jihova anga uambela Josuué, uixi: Kizuua kia lelu, ngi mateka ku ku jingisa ku mesu a Izalaiele ioso, ni ejiie kuma kioso ki nga kexile ni Mozé, kiene ki ngi kala ni eie.

Josuué 3:7 ပူးပေါင်းရင်းမြစ်များ

I Malunda 29:25

O Jihova anga u zangeleka Solomá ditala dionéne bhu pholo ia akua Izalaiele oso. Anga u mu bhana kijingu kia ungana, kia bhingi ki kua kexile luua sobha mu Izalaiele ua kexile na-kiu.

II Malunda 1:1

Solomá, monʼa Davidi, anga u kala ni kutena kua vulu mʼoxi ia utuminu uê; o Jihova, Nzambi iê anga u kala-nê kumoxi, anga u mu zangeleka kiavulu kinéne.

Jobe 7:17

Muthu kima kiahi, phala eie ku mu suua, ni ku mu ta o muẋima ué kiki.

Jisálamu 18:35

Ua ngi bhana ue o ngubu ia ubhulukilu ué; ngʼemana mukonda lukuaku lué lua ngi kuata; o ku dʼivua ni eie kuene kua ngi bhana kijingo.

Nzuá 17:1

Kia zubha kuzuela ima iíi, Jezú u bhetula mesu bhulu, uixi: Tata, kumbi dieza-bhu kiá. Jingisa Monʼ é, o Monʼ é nʼ a ku jingise eie.

Filipe 1:20

Mukonda eme o kia ngi kate kiavulu, ki ngendi ni kudielela kuami kuoso, o kuila ki ngi lémbue kubhanga kioso kia ngi tokala, kala ki ngene kiá mù bhanga tunde ukulu, kota-kota mu kindala mumu, mbé ngi kale muene ni kubhua o uôma, phala ngi tene kufumanesa Kristu ku mukutu uami, kixi ku muenhu, kixi mu kufua.

Josuué 1:17

Kioso ki tua kexi kuívua Mozé mu ima ioso, kiene ki tu kuívua ue eie; kabasa Jihova Nzambi ié u kala kumoxi ni eie, kala kia kexi kumoxi ni Mozé.

Josuué 1:5

Kana muthu ua-nda kutena kuimana mu kubhânga ni eie, katé bhu bhuilu dia muenhu ué. Kala ki nga kexile ni Mozé, kiene ue ki ngi kala ni eie; ki ngi ku xisa kana, ki ngi kuehelela.

Josuué 1:9

Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.

Josuué 3:6

Josuué anga uambela jinganga, uixi: Zangulenu álaka ia kikutu, mu tuamenene kifuẋi ku pholo. Anga a zangula álaka ia kikutu, a suluka ku pholo ia kifuẋi.

Josuué 3:8

Eie-phe tuma jinganga ala kuzenza álaka ia kikutu, kuila: Kioso ki mu bhiẋila bhu mbambe ia menha ni kibumu, mu tula ngó inama mu menha, muimana.

Josuué 4:14

Mu kizuua kienhókio Jihova ua jingisa Josuué ku mesuʼa Izalaiele ioso; anga a mu kala ni uoma, kala kia kexi ni uoma ua Mozé katé bhu ufuilu uê.