Josuué 3:17 - O Mikanda Ikola

¹⁷ Jinganga-phe ambata álaka ia kikutu kia Jihova, anga emana ku mavu abhu menha mu kaẋi ka Njolodá, akua Izalaiele oso anga a zaukila ku mavu akukuta, katé kifuẋi kioso ku sámbua kuku a bhu-ku, hé a tenena ku sámbua koko.

Josuué 3:17 ပူးပေါင်းရင်းမြစ်များ

II Jisobha 2:8

Elija bheneʼobho u zangula o divunga diê, u di budika anga u di vunda ku menha, o menha hé a di muanga ku mbandu jiiadi, anga kiiadi kiâ a bhita ku mavu a kukuta.

Jisálamu 66:6

O kizanga kia kalunga, ua ki kitula mavu a hatu; ni honga ia menha, athu a i zaúka muene bhoxi dia kukuta; bhenhobho tua sanguluka mukonda dié.

Makatukilu 14:21

Mozé anga u sunununa o lukuaku luê ku thandu dia kalunga; Jihova anga u vutula o menha a kalunga ni kitembu kia mutundila-kumbi kia bhuka usuku uosʼô, ki kia bhangesa kuila bhu kaẋi bhua kukuta, menha a di uanununa mbandu ni mbandu.

Makatukilu 14:22

O anʼa Izalaiele anga a kutuka mu kaẋi ka kalunga, mua kukuta; o menha emana kala phalelu, ku mbandu ia kúdia, ni ku mbandu ia kiasu.

Makatukilu 14:29

Maji o anʼa Izalaiele-phe muene mua bhitiʼâ, endela bhoxi dia kukuta mu kaẋi ka kalunga, menha ma di bhange phalelu, ku mbandu ia kúdia, ni ku mbandu ia kiasu.

Izaía 25:8

O kalunga ua ka kà bhuisa-ku muene nzaká, kienhiki Jihova ua kà kondona o masoxi mu pholo joso, inga mu ixi ioso u katula-mu o kusebuluka kua mundu uê, kuma Jihova muene ua ki tange.

Dialuilu 33:51

Ambela anʼa Izalaiele, u a tangela, kuma: Kioso ki mu zaúka Njolodá, hé mu bokona mu ixi ia Kanana,

Jihebeleu 11:29

Kiejila mu kuxikana, anʼ a Izalaiele kia zauka o Musanza Uakusuka kala bhoxi dia kukuta. O akua Ijitu kia fikisa ue kuzauka, a boba mu menha a kalunga.

Josuué 4:1

Kia zubha kifuẋi kioso kuzaúka, ku sámbua dia Njolodá abhu-ku, Jihova uambela Josuué, uixi:

Josuué 4:10

O jinganga ambata álaka anga emana mu kaẋi ka Njoloda, bhoxi dia kukuta, katé kia zubha kubhanga ima ioso ia tumu Jihova kua Josuué, ku iambela kifuẋi kala Mozé kia iambelele Josuué. Kifuẋi anga a bhanga lusolo, katé ene oso kia zaúka.

Josuué 4:11

Kioso kia zubha kifuẋi kioso kuzaúka, ni álaka ia Jihova ue i zaúka kiua, ni jinganga ue ku mesu a kifuẋi kioso.

Josuué 4:22

Mua kʼèjidisa-phe anʼenu, kuma: Izalaiele ua zaúkile Njolodá muenhú bhoxi dia kukuta.

Josuué 4:3

muʼa tume kuma: Katulenu matadi mu kaẋi ka Njolodá, bhene bhua tula o makanda a inama ia jinganga ni kuimana, kuinhi dia matadi ni kiiadi, muie-nâ ku mukáu, bhuoso bhu mu tudila kuzeka usuku ua lelu, matadi bhene bhu mu a tula.

Josuué 5:1

Mu kubhanga izuua, jisobha joso ja Mamodi ku sámbua dia Njolodá ku luiji ni jisobha ja ákua Kanana, a zukama ku kalunga, kia zubha kuívua kioso Jihova kia kukutisa menha a Njolodá bhu pholo ia anʼa Izalaiele, katé ki tua zaúka kiambote, miẋima iâ ia botomoka, uiala ki u moneka dingi ua kubhânga ni anʼa Izalaiele.