Josuué 3:16 - O Mikanda Ikola

¹⁶ Bhenhobho menha oso ala kutunda ku thala emana, a di lunjika kala mulundu, anga a di zala ku thala muene, katé mu kuia bhu mbonge ia Adane bhua lulama ni Zeletane; o menha-phe ala kuia ku luiji a batuka ku akuâ, anga aia ni honga katé mu kizanga kia môngua; kifuẋi anga a zaúkila bhabha bhua lulama muene mu Jedikó.

Josuué 3:16 ပူးပေါင်းရင်းမြစ်များ

Dimatekenu 14:3

Ene oso iá a di bhongoluela mu dikôlo dia Sidine (muene muala o kangu dia môngua).

I Jisobha 4:12

Bahama monʼa Ahilude, mu Tahanaka ni Mejido, ni Bete-Sane ioso bhua di zukama ni Zeletane, ku luiji lua Jezeleele, tunde bhu Bete-Sane katé bhu Abele-mehola, katé mu kusomboka bhu Jokemeane;

I Jisobha 7:46

Mu dinhana dia honga ia Njolodá, mu mavu a utuma, muene sobha mua i zunzila jinga, mu kuila o kuku Sukote o kuku Zeledata, bhu kaẋi kâ.

Jisálamu 114:3

Kalunga kioso ki ka mono, ka mu lenge o pholo; menha ma Njolodá ma vutuka kua tundu.

Jisálamu 114:5

Ihi kia ku kuata, u kalunga ka lenge? ni eie u Njolodá, ua vutuka o menha kua tundu?

Jisálamu 29:10

Jihova ua xikama bhu kiandu kiê kia bhita o dilúvio; ni kiki hanji ueniê ku ungana, o mivu iê ki ià bhua.

Jisálamu 33:7

U kuata menha a kalunga kala ua a bhake mu mbinda; o musanza uazongo u u lunda mu mabhakelu mê.

Jisálamu 66:6

O kizanga kia kalunga, ua ki kitula mavu a hatu; ni honga ia menha, athu a i zaúka muene bhoxi dia kukuta; bhenhobho tua sanguluka mukonda dié.

Jisálamu 74:15

Eie ua jikula otho phala mu fuafue menha ma di bhange ngiji; eie ue ua kukutisa jihonga nuka mua kambele menha.

Jisálamu 77:19

Uendelu ué, Ngana, ua bhiti mu musanza ua kalunga, njila jé ji tandula mu kaxi ka mabhuku, manhanhu mé ka tena ku a mona.

Jisálamu 78:13

Kalunga ua ka batula muʼaxaxi, iú ua a bhitisa mu kaẋi kê; menha ma di lumala kala ditûmbu.

Makatukilu 14:21

Mozé anga u sunununa o lukuaku luê ku thandu dia kalunga; Jihova anga u vutula o menha a kalunga ni kitembu kia mutundila-kumbi kia bhuka usuku uosʼô, ki kia bhangesa kuila bhu kaẋi bhua kukuta, menha a di uanununa mbandu ni mbandu.

Makatukilu 14:22

O anʼa Izalaiele anga a kutuka mu kaẋi ka kalunga, mua kukuta; o menha emana kala phalelu, ku mbandu ia kúdia, ni ku mbandu ia kiasu.

Makatukilu 14:29

Maji o anʼa Izalaiele-phe muene mua bhitiʼâ, endela bhoxi dia kukuta mu kaẋi ka kalunga, menha ma di bhange phalelu, ku mbandu ia kúdia, ni ku mbandu ia kiasu.

Makatukilu 15:8

Mu kubhusa kua mazulu mé, menha ma di lumala, jihungulule jemana muene kala kixitu; mabhuku exi muene ngé muʼaxaxi ka muzanza.

Izaía 50:2

Mukonda diahi, kioso ki ngeza, ki ku moneka muthu? ngʼexana, ki bhuala muthu uetaia? mbé lukuaku luami lua kotanana kiavulu, lú lua lémbua kukula muthu? Inga momuami kana-mu dingi nguzu ia kubhulula? tala-ze, eme se ngi bazela lumoxi ngó, Musanza ua kalunga u kukuta, jingiji jithothuena kala oxi ia kisèkele, anga jimbiji jê ji nuha kibuzu, kuma se ja lémbua menha ji di-fuila ni dinhota.

Izekiiele 47:8

Bhenhobho-phe u ngʼambela, uixi: O menha iá a mu kungulukila ku mbandu ia thunda, hé a kulumuka mu musanza ua Kalunga ka di Fuila; o kia zubha o kubhiẋila momo, menha ma kalunga ma iuka kiá.

Nahumu 1:4

Muene u bateka musanza ua kalunga, hé u u kukutisa; o jingiji joso jithothuena; Baxane ni Karmelu, a botomoka, o fololo ia Libano i xoueta.

Habakuke 3:8

O kuila, eie Ngana, ua thathamena o jingiji? Mba o jihonga jʼòfele ji ua thathamena, inga o musanza ua kalunga u ua temena, phala eie uendele kiki ku thanduʼa jikabalu jé ku ua mondala ni kuthanduʼa makalu mé ma kutoluela ita.

Dialuilu 34:3

Mbambe ienu ia sulu i tunda mu kikangalakata kia Zini, i kunga bhu mbandu ia Idomo, mbambe ienu ia sulu anga i tunda bhua suku o Kizanga kia Môngua ku thunda, ku mutundila-kumbi,

Matendelelu 1:1

Didi diene o dilûnda dia Mozé dia tela Izalaiele ioso, ku sámbua kunu dia Njolodá, mu kikangalakata kia Alabha, bhu kiphenza bhua lulama ni kizanga kia Sufe, bhu kaẋi ka Palane ni Tofele, ni Libano, Hazelote ni Dizahaba.

Matendelelu 3:17

Nga a tela-ku o mukáu uoso katé ku Njolodá tule, iene o mbambe iâ tunde ku Kinelete katé ku musanza ua tutu, o Musanza ua Môngua mu luiji lua Ajindode-pisga, ku mbandu ia thunda.

Josuué 12:3

ngànga iosuʼoio katé ku musanza ua Kinelote ku thunda, katé ku musanza uala mu ngànga, o Kalunga ka Môngua ukexila ku thunda, mu kubhitila ku njila ia Bete-Jesimote, katé ku sulu, mu mbetekete ia Ajindode-pisga. Bhene bhua sukile o utuminu uê.

Josuué 15:2

O ku sulu-phe, mbambe iâ ia tula ku kahonga kaii mu Kizanga kia Môngua, ku hota ia kizanga ialungu ku sulu;

Josuué 16:7

anga i kulumuka tundé mu Janoua, ii mu Atalote ni mu Nahalate, hé i tuta Jedikó bhobho, ni mu Njolodá tulé.

Josuué 3:13

Mua-ndu mona ki ki bhita, makànda ma jinganga oso ambata álaka ia Jihova, muene Ngana uavu ixi ioso, ela a tula ngó mu menha ma Njolodá, menha ma Njolodá ma kà batuka, o menha ala kutunda ku thala a di lunjika mulundu.

Josuué 4:22

Mua kʼèjidisa-phe anʼenu, kuma: Izalaiele ua zaúkile Njolodá muenhú bhoxi dia kukuta.

Josuué 5:1

Mu kubhanga izuua, jisobha joso ja Mamodi ku sámbua dia Njolodá ku luiji ni jisobha ja ákua Kanana, a zukama ku kalunga, kia zubha kuívua kioso Jihova kia kukutisa menha a Njolodá bhu pholo ia anʼa Izalaiele, katé ki tua zaúka kiambote, miẋima iâ ia botomoka, uiala ki u moneka dingi ua kubhânga ni anʼa Izalaiele.

Afundixi 7:22

A xiki kia kuata kuxika o hama jitatu ja jimbungu, Jihova u bhangesa kuila mu kifuẋi muthu ni muthu xibhata iê u i fomuena mukuá, anga kifuẋi kioso (kia akua Midiiana) a kala mu di ta mudiâ ni ku di jibha-jibha. Kifuẋi kioso anga ki lenga katé bhu Bete-xita, ala kuila njila ia Zelela, katé mu jimbambe ja Abele-mehola bhua lulama ni Tabate.