Josuué 3:1 - O Mikanda Ikola

¹ Josuué anga u di meneka; a katuka ku Xitimi, eza mu honga ia Njolodá, ni muene ni ana oso a Izalaiele, a ta kibangu bhu tabhu kioso ka zaúka luua:

Josuué 3:1 ပူးပေါင်းရင်းမြစ်များ

Dimatekenu 21:14

Kúkia ni kimene Mbalahamu u balumuka, u zangula mbolo ni mudingi ua menha, u i bana Hangale, u mu tuika-iu bhu isuxi, anga u mu bhana ni mona hé ua kaia; muhatu anga u katuka, u kuata kunhungana mu kikangalakata kia Bele-sebha.

Dimatekenu 22:3

Kúkia ni kimene, Mbalahamu anga u balumuka, u zuika o bulu iê, uambata selevende jiiadi, ni monʼê Izake; u ẋanga ue jihuinhi ja sata ia kuoha, anga u katuka, uia ku kididi kia mu idikiza Nzambi.

Jisálamu 119:60

Nga bhange lusolo, ngixi nguami kulaleka, ngi kale mu tumaka o itumu ié.

Jelemiia 25:3

Tundé mu muvu ua katatu ua Joziia, monʼa Amone, sobha ia Juda katé mu kizuuʼiki kizuelu kia Jihova kieza kokuami, nga di meneka ni kuzuela eme nga mi tangela-kiu enu, maji enu mua ditunu kuívua.

Jelemiia 26:5

phala muende ni kuívua maka ma abhikʼami, jipolofeta, ji ngala ku mi tumikisa, mu ku ji tumikisa ngi di meneka muene, maji enu hanji nguenu kuívua;

Jelemiia 7:13

Kindala-phe, kuma enu ima ioso iii, iene i mua mu bhanga, eme Jihova, o ki nga zuela, nga mi tela maka, enu o kuivua nguenu, o ki nga mʼixana, nguenu kuitaia.

Mikeia 6:5

Banza-kiu hanji, muiji uami, tata! kia ku kanena Balaki sobha ia Mouabhe, ni kioso kia mu vutuila Balamu monʼa Beola; banza hanji o ima ioso i ua bhiti na-iu tunde bhu Sitimi katé bhu Jidingale, nda uijiie o kuiuka kua Jihova ni mabatuilu mê.

Dialuilu 25:1

Izalaiele anga a kala bhu Xitimi; kifuẋi anga a kuata kubhanga undumbu ni anʼa ahatu a Mouabhe;

Marku 1:35

Mu kimene-phe, kuila kuma hanji kua vundu, ua di meneka mu iangu mu kusamba.

Josuué 2:1

Josuué dia Nune, kioso kiala bhu Xitime, u katula ilolo iiadi ni a bhite mʼoxi sé athu ku a ejiia, uixi: Ndenu, kà londienu ixi ienhiʼii ni mbanza ia Jedikó. Anga aia, a tula mʼonzo ia muhatu kidianzunga, dijina diê Lahaba, hé a zekela usuku muenhomo.

Josuué 6:12

Josuué u balumuka mu kimenemene, jinganga anga a zangula álaka ia Jihova.

Josuué 6:15

Kutula mu kizuua kia kasambuadi, a balumuka dingi mu kimenemene, anga a kondoloka o mbonge kala kiene mu bhanga kiá, maji mu lusambuadi lua muvimba.

Josuué 7:16

Josuué anga u balumuka mu kimene-mene, u bhongolola Izalaiele ku miji iâ; anga u kuata-bhu o muiji ua Juda.

Josuué 8:10

Josuué anga u balumuka mu kimene-mene, u bhongolola o kifuẋi, u a alula anga a banda ni muene ni adiakimi a Izalaiele, a di te ku pholo mu kuia ku Hai.

Afundixi 20:19

Anʼa Izalaiele anga a di meneka, aia mu ta kibangu kiâ bhua zukama, mu solomona akua Ngibeia.

I Samuuele 17:20

Kúkia ni kimene Davidi anga u dimeneka, jimbudi jé u ji xa ni kafunga, u zangula kimbamba kiê, uia kala kia mu tumu tatʼâ Jese. Anga u tula bhu kibangu mu kithangana kioso kiala kutunda o kifuẋi, ala ku ta nzòngo phala ku di lua.