Josuué 24:5 - O Mikanda Ikola

⁵ Kiene-phe ki nga tumikisina Mozê ni Alá, anga Ijitu ngi mu kuama ni mabhebhu, u nga bhange muʼaxaxi kâ; o ki kia bhiti, ku Ijitu nga mi katula-ku.

Josuué 24:5 ပူးပေါင်းရင်းမြစ်များ

Jisálamu 105:43

Kala kiki, uendesa mundu uê ni ngalasa ioso, anʼê angene enda ni kuta nzongo ia kikóue.

Jisálamu 136:10

Ua beta ana a phandekumbi mu Ijito; kuma kulenduka kuê ki kuene kúbhua.

Makatukilu 12:37

Anʼa Izalaiele anga a katuka bhu Lameseji, a ta kibangu bhu Sukote; o ku a alula a tena hama jisamanu ja jimidi; mala ngó akua kuenda bhoxi, o anʼa ndenge ka a te-mu.

Makatukilu 12:41

O mu kukala-kukala-phe, kiabhu o hama jiuana ja muvu ni makuinhi atatu, mu kizuua kienhókio muene, kiene kia tundu o ilombo ioso ia Jihova mu Ijitu.

Makatukilu 12:51

Anga ki bhita kuila, mu kizuua kienhókio, Jihova u katula anʼa Izalaiele mʼoxi ia Ijitu, kala kia di te mu ilombo iâ.

Makatukilu 3:10

Ndoko-phe, eie-muene ngi ku katula mu ku ku tuma kua Falaó, phala u tundise mundu uami ua anʼa Izalaiele mu Ijitu.

Makatukilu 6:27

Mozé ni Alá ene a zuela ni Falaó, muenexiʼa Ijitu, phala kukatula anʼa Izalaiele mu Ijitu.

Josuué 24:6

O ki nga zubha kutundisa adienu mu Ijitu, mueza ku musanza ua kalunga. Akua Ijitu-phe a zuididika jitata jenu, ni makalu ni akua kumondala jikabalu, katé ku musanza ua Kalunga-Kakusuka.