Josuué 24:32 - O Mikanda Ikola

³² O ifuba ia Zuze a i fundile ue mu Xikeme, kuma anʼa Izalaiele a tundile na-iu ku Ijitu, hé a i funda mu mukáu iunhá uasumbile Jakobo kua anʼa Hamolo, tata ia Xikeme, mu hama ia itadi ia phalata; kuma ue o mikáu ioio iene iabhiti ku mbandu ia ubhinganu ua anʼa Zuze.

Josuué 24:32 ပူးပေါင်းရင်းမြစ်များ

Dimatekenu 33:19

O mavu bhua ximbika o balaka iê, anga u a sumba kua anʼa Hamolo, tatʼâ Xikeme, mu hama ia itadi ia phalata.

Dimatekenu 48:22

Ku dikanda diaʼxi i ua-nda kutambula, eie ua-nda kukala kota o jiphange jé ndenge, mukonda eie ngi ku ueza dingi o mukáu uala ku muzeii u nga tambula bhu maku a Mamodi ni xibhata iami ni uta uami ua mufula.

Dimatekenu 50:24

Zuze anga u ambela phange jê, uixi: Eme nganda kúfua; Nzambi-phe hinu ka kambe ku mi zungila, nʼa mi katula mʼoxi mumu, hé u mi bheka dingi mʼoxi ia lokela Mbalahamu ni Izake ni Jakobo.

Dimatekenu 50:25

Zuze anga u lokesa anʼa Izalaiele, uixi: Hinu Nzambi kia mi zungila, ni ifuba iami mu i ambata, ki i xale mʼoxi mumu.

Makatukilu 13:19

Mozé ue ua katula o ifuba ia Zuze, iu ua i ambatesa; kuma Zuze ua lokesa jinga anʼa Izalaiele, uixi: Nzambi hinu u mi zungila, o mu kuia, ni ifuba iami mu i ambata, muia na-iu.

Nzuá 4:5

Anga u tula bhu sanzala ia Samádia i exana Sikale, ia zukama ni mábhia ma bhele Jakobo kua monʼ ê Zuze.

Jipoxolo 7:15

Jakobo anga u kulumuka mu Ijitu, o muène anga u fila momo ni jitata jetu.

Jipoxolo 7:16

Imbi iâ anga a i ambata hé eza na-iu mu Xikeme. Anga a a funda mu mbila ia sumbile Mbalahamu, mu kitadi kia phalata kua anʼ a Hamolo, mu Xikeme.

Jihebeleu 11:22

Kiejila mu kuxikana, Zuze kia mono o kufua kuê kua zukama, u tanga o kukatuka kua anʼ a Izalaiele mu Ijitu, anga u a lekelela kioso kia bhanga o kimbi kiê.