Josuué 24:31 - O Mikanda Ikola

³¹ Mu izuua ioso ia Josuué, Izalaiele-phe ua bhikila jinga muene Jihova, ni mu izuua ioso ia ikulakaji, o adiakime, oso akolele hanji muenhu kuema dia Josuué, ia ejidile o kikalakalu kioso kia bhangele Jihova kua Izalaiele.

Josuué 24:31 ပူးပေါင်းရင်းမြစ်များ

Dimatekenu 14:10

O mu dikôlo dia Sedime-phe muala makungu-makungu ma uiji ua betume, o jisobha ja Sodoma ni Ngomola, mu ku a bhesa lusolo a kala mu kufua mu makungu, o iá a subhuka a lengela ku mulundu.

II Malunda 24:2

Jouaji anga u bhanga ima ia kuiuka bhu pholo ia Jihova, mu izuua ioso ia nganga Joiada.

II Malunda 34:33

Joziia anga u katula ima ioso ia isunji mu jixi joso ja tokalele anʼa Izalaiele, hé u jijidika ene oso a kexile mua Izalaiele kuila Jihova Nzambi iá, a mu bhikile ni ubhezelu u kala kiki; o mu izuua ioso ia Joziia, ka tondalele mu ku kaiela Jihova, Nzambi ia jitata jâ.

Jipoxolo 20:29

Mukonda ngejiia kuma, ki nganda kutunda-bhuʼ iki, kuanda kuiza jimbinji ji kaka mu ʼaxaxe kenu, ki ji kala ni henda ia kilunga.

Matendelelu 11:2

Leluʼidi-phe tumenu ku kʼijiia, kuma ngala ku mi zuelesa enu, ki ngala kuzuelesa anʼenu, akambe ku kʼijiia, nuka amuene o ulongelu ua Jihova! Nzambi ienu ni kijingu kiê, ni lukuaku luê lua suina.

Matendelelu 11:7

enu-phe o mesu menu mene muene ma di muena o ima ioso ia makota iii ia kalakala Jihova.

Matendelelu 31:13

Mbé anʼâ oso a kambele ku kʼijiia, evue, a di longe kuxila Jihova Nzambi ienu, mu izuua ioso i mu tunga kulu dia mundu, mʼoxi i mua-nda kuzaúkila Njolodá, phala ku iʼvua.

Matendelelu 31:29

Mbata eme nga kʼijiia kiambote muene kuila o ki ngi zubha o kúfua, enu kidi-èlele muene mua-nda ku di xidisa, o njila i nga mi xindilile mua-nda ku i a bhuka hé mu i xisa. Hádia-phe mu izuua ia kʼeza-ku divuua dioso dienhidi dia-nda ku mi tula muene, se Jihova mua mu bhange phulu, mu ku mu lokalala ni ikalakalu ia maku menu anga mu mu thathamesa.

Filipe 2:12

Uila kiki, enu akuetu, kuma enu mu akua kutumaka jinga, kana ngó bhu pholo iami kioso ki ngi kala-bhu maji mua fuama mu kala dingi kota mu ku ngi tumaka, kiki ki nga tundu-bhu. Mu kieniiki, tutumbenu ni ujitu uoso ni uôma, phala mu mone o kubhuluka.

Afundixi 2:10

Ni muiji uoso uenhó a a bhongolola kuʼaia jitata jâ; anga kuiza muiji uengi úa kulu bhu kididi kiâ, a kambe kuijiia Jihova, a kambe kuijiia ue ikalakalu iê ia bhange mu bhângela anʼa Izalaiele.

Afundixi 2:6

Kiki kia zubha Josuué muanganesa mundu, anʼa Izalaiele aia muthu ni muthu ku undundu uê, phala oxi i kale kiá iâ ene mu ku i tunga.

Afundixi 2:7

Mundu anga a bhikila Jihova izuua ioso ia Josuué, ni izuua ioso ue ia adiakimi kia kolo hanji o muenhu, kia zubha Josuué kúfua, oso a muene kukalakala kuavulu kua Jihova mu bhângela Izalaiele.