Josuué 24:19 - O Mikanda Ikola

¹⁹ Josuué-phe uambela o kifuẋi, uixi: Kana, ki mua-nda kutena kubhikila Jihova, mbata muene Nzambi ia kuzela ni kuiuka, Nzambi ia difuba, muene ikuma ienu ka kà i loloka, ka kà loloka ituxi ienu.

Josuué 24:19 ပူးပေါင်းရင်းမြစ်များ

II Malunda 36:16

Maji ene-phe, o jiphunga ja Nzambi a ji bhange kasekelu, a kambe kusuua o maka mê, o jipolofeta jê aia ni ku ji sebulula, katé o njinda ia Jihova ki ia bande kinéne ku mundu uê, ni milôngo dingi ia kubhanga ki i moneka.

Jisálamu 99:3

A ximane dijina diê, dia jingi, di kuata uoma; kuma Muene u kôla.

Jisálamu 99:5

Jingisenu Jihova Nzambi ietu, mu diundilienu bhu kibaka kia inama iê; mukonda muene ukôla.

Jisálamu 99:9

Jingisenu Jihova, Nzambi ietu, mu diundilienu bhu mulundu uê uangene; kuma Jihova, Nzambi ietu, ukôla.

Makatukilu 20:5

Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba,

Makatukilu 23:21

Di tumienu-nê kiambote, mu ivue dízui diê; kana ku mu xibhaka, kuma kà ẋikina ku mi loloka o kubhukumuka kuenu; mukonda o dijina diami diala mua muene.

Makatukilu 34:14

Mukonda eie, Izalaiele, kana ku bheza jinga nzambi iengi, kuma Jihova dijina diê Difuba, ka ẋikina kuila ku kala mukuâ, mukonda muene Nzambi ia Difuba.

Makatukilu 34:7

Jihenda jê ji nangenena ku jimidi ja miji, hé u loloka o kubhukumuka, ni kuxibhaka, ni ituxi, maji ka ẋikina-phe kueha muedi ni ku mu ila ualungu, o kubhukumuka kua jitata, ku bhiẋika kuxixima ku ana ni alaula, katé ku muiji ua katatu ni ua kauana.

Izaía 2:9

Bheneʼobho bhene bhu sebukila o mundu, bhene ue bhu di-tunuina o makota a jinganga; kala kiki, eie, Ngana, kua ká a loloka.

Izaía 27:11

O kioso jithangu jê joso ki ja-nda ku kukuta, a kà ji bukujula; o kiza ahatu, a ji ta mu túbhia; mukonda o mundu iú ki mundu ua kilunji; kienhiki-phe, ió uoso ua u bhanga ka kà u kuatela henda, ió uoso ua umbu ka tena ku uidika ujitu ua kima.

Izaía 30:11

Njila xenu-iu bhu mbandu, abhukenu mu kikoka: bhangesenu-kiu muene kuila o Dilemba dia Izalaiele ka kale dingi bhu mesuʼetu.

Izaía 30:15

Kuma kiene kiambe Muadi Jihova, ʼLemba dia Izalaiele, uixi: Se muedile mu vutuka anga mu ximbakata, mueje ku bhuluka; mu kudielela ni mu kuximbakata, kieji ku mi bhekela uzonda, enu-phe nguenu.

Izaía 5:16

Maji o Jihova dia Ilômbo Ieta, mu kufundisa kuê, muene u tambula fuma; Nzambi, Ukôla, ua-nda ku di-tungula muene mu kulunga kuê.

Ijila 10:3

Mozé anga uambela Alá, uixi: Kiki kiene kia tange Jihovaʼiki, kuila: kuzela kuami nga-nda ku ku londekeza ku ió oso a ngi zukama anga bhu pholo ia mundu uoso ngi kala ni kijingo. Maji Alá-phe ua di xibhʼê.

Ijila 11:44

Mbata Eme ngi Jihova Nzambi, ienu; di bhakienu-phe ni kuzela kuma Eme nga zela; kana ku di kasanesa o muenhu uenu ni tubamba tuoso tu zanzala ni kuendela ku mavu bhoxi.

Ijila 11:45

Mukonda Eme-eme Jihova, ngala ku mi batesa mu kutunda kʼoxi ia Ijitu, phala ngi kale ngi Nzambi ienu; kala kiki enu mu di zelesa, mbata Eme nga zela.

Ijila 19:2

Ambela o kionge kioso kia anʼa Izalaiele, u a tangela kiki: Kibhinga muzela, mukonda Eme, ngi Jihova Nzambi ienu, ngazela.

Ijila 20:26

Ngi kexidienu mu athuʼami azele, mukonda Eme, Ngi Jihova, nga zela, kiene Eme ki nga mi tunguila mu ifuẋi ku mundu, phala mu kale mu athu ami.

Ijila 20:7

Uila kiki, dizelesienu mu kale mu athu akôla, ki mu moneka kikuma, mbata Eme Jihova Nzambi ienu.

Nahumu 1:2

O Ngana, uene Nzambi ia difuba, mukua kuvutula phonzo; o Ngana u kaxtikala, uezala ni njinda; O Ngana u vutula phonzo ku oso a mu kuatela luma; o jinguma jê u a bhakela njinda ka a kuatela henda.

Habakuke 1:13

Kuzela kuene, Ngana, ku mesu mé, kuma Eie kutené kuiala ima iaiibha mba kutonginina kioso athu kiala kutatesa akuá; abha-phe, Ngana, u lendukila kiebhi athu a bhanga kiaiibha, anga u dixibha muene kioso mukua ituxi kia minha ió ua beta kuiuka kiambote, o muene ndenge?

Matesu 6:24

Kana muthu u tena kubhikila ngana jiiadi. Mukonda bhu kala ni iú u mu zemba, o iú u mu zola; mba iú a di tuma, o iú a di bhonza. Enu ue ki mu tena kubhikila Nzambi ni Mamunu (kilundu kia jimbongo).

Josuué 24:18

Jihova iu ua tu kaiesela o matumbu osoʼâ bhu pholo ietu, katé ni Mamodi a tungile oxi iâ iii. Lémbue! Etu uetu tu bhikila jinga Jihova, mbata muene o Nzambi ietu.

Josuué 24:23

Texenu-phe, kindala, o jinzambi joso ja idijila jala muʼaxaxi kenu; tenu muẋima uenu kua Jihova, Nzambi ia Izalaiele.

Lute 1:15

Muene anga u mu ambela, uixi: Talesa huedʼiê iú-uió, ua-lu vutuka ku kifuẋi kiê ni ku nzambi jê; eie ue vutuka, kaiela-ze mukuenu.

I Samuuele 3:14

Mu kienhiki nga lokela o dibhata dia Eli, kuma o kutondala kua dibhata dia Eli kà ka tena ku ku bhuisa ni jisata ni ilumbu mu mivu ni mivu sé dizubhilu.

I Samuuele 6:20

Akua Bete-seme anga a zuela, exi: Nanhi u tena kuimana bhu pholo ia Jihova Nzambi i kôla kiki? O muene kutunda bho-bhuetuʼabha, uia kua nanhi?