Josuué 23:7 - O Mikanda Ikola

⁷ mbé ki mu kuate ku di fungisa ni ifuẋi iii ia mi xikamena hanji. Kana kuila jinga o majina a mahamba mâ enu mu a tumbula, mba muenda ni kulokela mu mahamba enhá. Ene kana, kana ku a bhikila, kana ku a fukamena ni ku a bheza.

Josuué 23:7 ပူးပေါင်းရင်းမြစ်များ

II Jisobha 17:12

Iá a bhikila muene o iteka ioio, ia ambelele Jihova kuila: Enu kana kubhanga ima ioio.

II Jisobha 5:18

Mu kienʼiki Jihova a lolokele-ku mubhikʼé; kioso o ngana iami sobha iami kiʼaia mʼonzo ia Dimone mu kubheza, o muene hé u xamenena ku lukuaku luami, eme ue hé ki ngi bhinga o kufukama mʼonzo ia Dimone, emephe kioso ki ngi fukama kienʼiki mʼonzo ia Dimone, kienʼiki Jihova a ngi lolokekiu, eme ngi mubhikʼê.

II Malunda 7:19

Maji-phe, sʼenu muʼabhuka ni mu ila kuengi, anga mu xa o jingonge jami, ni ijila iami, i nga mi tendelelʼiii, anga muia hé mu bhikila jinzambi jengi anga mu ji tolokela jene,

Jisálamu 16:4

Malamba mâ mʼaia ni kusokoloka, oso a bhakuila nzambi iengi; kiamenga kiâ eme ngi dituna ku ki bhana, majina mâ ngó ki ngi xikina ku a tumbula ni mizumbu iami.

Makatukilu 20:5

Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba,

Makatukilu 23:13

Ima ioso i nga mi tendelelʼiii, alukenu-iu; kana kutumbula nzambi jengi; o dijina diâ mu kanu dié ki di bhite-mu, mba ku ji banza ngó.

Makatukilu 23:33

Ka tunge dingi mʼoxi ienu, phala ka mi tese ituxi kokuami; kuma se mu bheza jinzambi jâ, mu fua muene mu múkala.

Jisabhu 4:14

Kana kuẋikina ku ila mu phangu ia iala iabhumu; kana kubhita mu njila ia akua ituxi.

Jelemiia 12:16

Anga kia kà bhita kuila, se ene a kuata muanu ua ku di longa mauendelu ma mundu uami, ni kuloka mu dijina diami, kuamba: Ni Jihova muenhú! Kala kia longo o mundu uami o ku lokela Bale, kienhokio kiá mu kaxi ka mundu uami a tunga a soma.

Jelemiia 5:7

Eme-phe o ki ngi mona kiki, ngi ku loloka kiebhi? anʼé a ngiʼxa eme hé a lokela ku jinzambi ki jinzambi ngó, kioso eme ki nga zubha kua ekutisa, ai kiá kuta jiphanda jâ, a bokona monzo ja idianzunga, a di bhanga ibuka-ibuka.

Hozeia 2:17

O majina ma mahamba mê, mu kanu diê nga-nda ku ma katula-mu, majina ma iteka ioio ka kà muiza dingi mu kilunji kiê.

Sofoniia 1:5

ni iá a mu sambela mù bheza ifuẋi ia diulu ku thandu dia jinzu jâ; ni iá a fukama mu kubheza Nzambi, anga a lokela kua Ngana ni kua Mala-kane;

Dialuilu 32:38

ni Nebu, ni Baale-meone (majina amukuá a a lungulula), ni Sibama; jimbonge ja mukuá ja tungu anga a ji bhana majina engi.

Dialuilu 33:55

Maji akua-xi-phe, ki mu fula o ku a kaiesa, ku pholo ku muia, oso mua ehela-mu, a kà di bhanga kala minha mu mesu enu, jisongo mu jimbanji, à kʼenda ni ku mi tatesa, mʼoxi i mua tungu.

I Kolindo 15:33

Kana kudinganala! O ku di lunga ni athu aiibha, ku bolesa o ifua iambote.

Efezo 5:11

Kana kukala mu kisangela kia imbamba ioio ia kitombe, ki iene ni kuima, iene mù bhanga akuenu. Kota mu kala mu ku i bazela, phala ku i bheka muazele.

Matendelelu 10:20

Endenu-phe ni kuxila Jihova Nzambi ienu, muenda jinga ni ku mu bhikila muene ngó, mu jijidienu muene ngó; o ki muila mu loka, lokelenu mu dijina diê-muène ngó.

Matendelelu 6:13

Enda ni kuxila jinga Jihova Nzambi ié, muene ngó u mu sedivila; o ki ki ku bhinga kuloka, kale ulokela ngó mu dijina dia Jihova.

Matendelelu 6:14

Kana kukaiela jinzambi jengi, ki mu di tambulule ni jinzambi ja ifuẋi ia mi kondoloka.

Josuué 23:12

Mukonda, hé mua sanduka kua Nzambi, anga mu di banda ku ifuẋi ia subhukʼei, mu ku tanga-nâ undandu, enu anga mua a sakana, ene ue a mi sakana,

Josuué 23:8

Inda enu mu naminina kua Jihova Nzambi ienu, kala ki mua bhange kiá katé bhu kizuua kia lelu.