Josuué 23:16 - O Mikanda Ikola

¹⁶ Kioso ki mu matuka o kikutu kia Jihova Nzambi ienu, kia mi tendelela, anga muia, mu kuata kubheza nzambi jengi, ni ku ji fukamena, kiene kia kà mi uamena o njinda ia Jihova ku thandu dienu, anga mu tukumuka mua jimi o mbutu, o ixi ia uabha ia mi bhele mua i xi.

Josuué 23:16 ပူးပေါင်းရင်းမြစ်များ

I Jisobha 14:15

O Ngana ua-ndu kuama ue Izalaiele, kala ki a tutumbisa o dithethele dia mu kunguluka ku menha kiene ue Jihova ua kà vuza Izalaiele mu ixi iambote iii ia bhele ku jitata jâ, anga ua kà a muangena ku sámbua diná dia ngiji ia Ufalate, mukonda a di bhangela mixitu iâ, mu kulokalala o njinda ia Jihova.

I Jisobha 9:6

Maji enu-phe ni anʼenu, se bhu kala kima ki mi sandula ko kuami, anga mu kamba kubhaka o ijila iami, ni i tumu iami, i nga diangele ku mi bhana, hé muia mu kubheza jinzambi jengi, ni kubhetama bhu pholo ia jinzambi jenhojo,

I Jisobha 9:7

bhenhobho Izalaiele nga kà mu buidisa mu ixi i nga a bhana; anga o inzo iii i nga kôlesela dijina diami, nga kà i takula dikanga, o bhu pholo iami i tunda-bhu; anga Izalaiele ua kà xala mukuâ ni Sabhu, ua kà di bhanga môndo muʼaxaxi ka madiembu oso.

II Jisobha 17:7

Kingumbʼiki kia ejiia, kuma anʼa Izalaiele a te kituxi kua Jihova, Nzambi iâ, ua a bhangesa kubanda nʼa tunde mu Ijitu, bhoxi dia lukuaku lua Falaó, sobha ia Ijitu, iá a xila jinzambi jengi.

II Jisobha 24:20

Kienʼiki kia bhiti mukonda dia njinda ia Jihova ia kuatela Jeluzaleme ni Juda, katé kia a mono kuila ka fuama dingi bhu pholo ie, anga Zedekiia u ẋinukina sobha ia Babilónia.

Izaía 24:5

Kuma kia kidi kiene oxi ia kasana, mukonda dia iá oso a tungumu; mbata o ijila ka mu i aiuka, o jingonge a ji lungulula, o kikutu kinangenena a ki bulu.

Jelemiia 32:23

Iá a bokona-mu muene, í ia kituka iâ-ene, maji a kambe kutumaka dízui dié, iá a fulu kuenda mu kitumu kié; iene ioso i ua a tumu kubhanga, ene ka i bhange; kiene-phe ki ua tumina, phala kua eze divuua dioso dienhidi.

Jelemiia 32:24

Tala-ze, Ngana, o milombo! Eza kiá mu kúlua o mbonge phala ku i tambula, ni mbonge iene iʼòbhane kià bhu maku ma akua Kaldeia a mu i zokela ni xibhata, ni ku nzala, ni ku dibhebhu; o ki ua zuela kia di bhange muene, tala, kiene-ze kiá ki tua mu monʼiki.

Dialuilu 33:56

Ku izuua-phe kioso ki ngambele ku a bhanga-kiu ene, ki bhinga ngi mi bhanga-kiu enu.

Matendelelu 17:3

anga uia mu kubhikila jinzambi jengi, ni ku ji fukamena, dikumbi, mba mbeje, mba ifuẋi ioso iala ku diulu; kima eme ki nga ki tumina;

Matendelelu 28:15

Kia kà kala-phe kiki, o ki udituna kuividila o dízui dia Jihova Nzambi ié, anga ufula kulunda, ufula kubhanga o ima ioso ia xindi mu ijiia iê ni jingonge jê, ji ngala ku ku tendelela lelu, ua-nda kutala hadi ni mázui kala iá, a-nda kuiza ku thandu dié.

Matendelelu 6:15

Mbata o Jihova Nzambi ienu, Ió ua tungu mu kaẋi kenu, uene Nzambi ia difuba, muendamê ni muanu, phala o njinda ié ki i mi uamene ku thandu, anga i mi jikinisa, mʼoxiʼomo hé mubhua-mu.

Afundixi 2:14

Njinda ia Jihova anga i uamena Izalaiele, Muene hé u a bhakula bhu maku a ingumba i kala mu ku a bhûnda; anga u a tambuisa bhu maku a jinguma jâ, ja a kala mu jimbandu, katé ka tena dingi kuimana mu kubhânga ni jinguma jâ.

Afundixi 2:20

Njinda ia Jihova anga i uama ku thandu dia Izalaiele, uixi: Mukonda dia mundu uenhú kutondala kikutu kiami, kioso ki nga lekela o jitata jâ, ni kukamba kuívua dízui diami;

I Samuuele 12:25

Se mu jijila-phe kubhanga ima ia kubhukumuka, mua kà buika, ni enʼuenu ni sobha ienu.