Josuué 23:14 - O Mikanda Ikola

¹⁴ Mua mono-phe kuila, lelu eme nga lungu kiá muʼalunga muene ku di tutila oxi ioso; enu-phe mua kʼijiia ni muẋima uenu uoso, ni muenhu uenu uoso, kuila ima ioso ia mi dielelesele Jihova Nzambi ienu, ki kua sonoka kima; iene ioso ia mi bhiti muene, ki bhuala kizuelu kia sukamena.

Josuué 23:14 ပူးပေါင်းရင်းမြစ်များ

Dimatekenu 47:29

Thembu anga i zukama ia Izalaiele kúfua; anga uixana monʼê Zuze, uixi: Ki ngalʼiki, se nga sange ngalasa ku mesuʼé, nga ku diondo, ta lukuaku lué koxi a ditabela diami, kuma u ngi bhanga kiadi ni kidi; kana ku ngi fûnda mu Ijito kunu, nga ku diondo!

I Jisobha 2:2

Eme nga muia mu njila iene mu kuila o mundu uoso; eie-phe kola muẋima u kale u iala

I Jisobha 8:56

Jihova a taneku, ua nhohesa o kifuxi kié kia Izalaiele kala kioso kia tangele, ku izuelu ioso iambote ia zuelele mu ukunji ua ngunza iê, Mozé, ki bhua sonoka né ngó kimoxi.

Jobe 30:23

Maji-phe, eme nga kʼijiia, kuila hádia u ngʼambata kuʼalunga, ku inzu ia dibhongolokelu, ia kinga ene oso ala ku muenhu.

Makatukilu 3:8

Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Ndongixi 12:5

Kala ue ki u kuata kiá uoma kiókio ki ala bhulu, o mu njila anga mu kala kiá isunji, O (mu mútue hé mu zela mukua ni) muxi ua mumendouela ua temuna itulu, o dihoho di kituka kimbamba, o hânji ia kúdia ki iala-ku dingi; mukonda o muthu ua-nda kuia kiá mʼonzo iê inangenena, o akua kudila ni kuta jingololo anga a kuata kuimajana mu nzunga.

Ndongixi 9:10

Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.

Izekiiele 20:28

Mukonda, kioso ki nga zubha o ku a bokuesa mu ixi i nga a lekelele o lukuaku luami, phala ku a bhana-iu, ene-phe bhenhobho a kengelela ku tumilundu tuoso tua di leka, ni ku miẋi ioso ia-di-zandela, ia a satela o jisata jâ ja mahamba kuenhoko, ia a lenguluisa o ku ngi lokalala o njinda iami ni kubhana o maujitu mâ kuenhoko, ni mazumba mâ ma mbote a ma tula ue kuenhoko, ni makunua mâ kuenhoko ue kua ma lunduluila.

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?

Luka 21:33

O diulu ni oxi di bhue-ku, o maka mami-phe ki ma kà bhua.

Jihebeleu 9:27

Kala ue o athu kia a xindi kufua ngó lumoxi, o kia zubha o kufua, hé ku kala o ku a fundisa kuala Nzambi.

I Samuuele 3:19

Samuuele anga uia ni ku kula, Jihova anga u kala-nê, kehela maka-mê moso-moso kuláuka bhoxi.