Josuué 23:13 - O Mikanda Ikola

¹³ tumenu-phe ku kʼijiia, kuma Jihova Nzambi ienu, ka kà mi kaiesela dingi o ifuẋi iii ia mi kala ku mesu; inda ia kà mi kala kiá mubhetu, mukàla, kibetu mu jimbanji jenu, i di bhanga mukua ni mínha mu mesu enu; katé ki mu jima o mbutu, o ixi ia uabha kiki ia mi bhana Jihova Nzambi ienu, anga mu i xa muene.

Josuué 23:13 ပူးပေါင်းရင်းမြစ်များ

I Jisobha 11:4

Mukonda ki bhita kuma, Solomá kia kukuka kiá akajʼê a mu diangula o muẋima uê, hé u kuata kiá kukaiela jinzambi jengi; anga kua Ngana dia Nzambi iê muẋima uê u dituna kiá kutenena, kala kia tenenene o muẋima ua tatʼâ Davidi.

II Jisobha 17:18

Kiene kia bhekesa Jihova ku thathamena kiavulu Izalaiele, iú ua a sondolola ene oso ku mesu mê; ka xisamu dingi kima, kikale ngó o muiji ua Juda, kuabhu!

II Jisobha 17:20

Kala kiki-phe, o Jihova ue mbutu ioso ia Izalaiele ua i jini, iú ua a bhondeleka, ua a bhakula bhu maku ma ingumba, o abhundi, iú ua a kaiesa bhu pholo iê.

II Jisobha 25:21

Anga sobha ia Babilónia u a kuamena bhu Dibaia bhenhobho hé u a jibhila mu ixi ia Hamate; Juda hé a mu katula mu ixi iê anga a mu bheka kuengi mu ubhika.

II Jisobha 25:26

Kienhokio o mundu uoso ua zangumuka tundé ku monʼa ndenge tulé ku muadiakime, kumoxi ni jikabhitangu ja ifuẋi anga eza ku Ijitu, mbé o uoma ua akua Kaldeia ua a kuatele mukonda dia ió a a jibha bhu Mixpa.

Jisálamu 69:22

Enhó-phe, o meza mâ ma zale, ma kituke múkala; kia fika kukala kiambote, mubhetu u zabuke.

Makatukilu 10:7

Akua mbèle ia Falaó a mu ambela, exi: Mbambe bhebhi bhu suka muthu muenʼíú ni ku tu tatesa? A ehe, mala enhá, aie, a bhikile Jihova Nzambi iâ; kífua kua kʼijiia luua kuma Ijitu a mu sengulula?

Makatukilu 23:33

Ka tunge dingi mʼoxi ienu, phala ka mi tese ituxi kokuami; kuma se mu bheza jinzambi jâ, mu fua muene mu múkala.

Makatukilu 34:12

Dilange-phe, kana kuta kikutu kia ukamba ni akuaʼxi kuku ku uia, kuma ki u ki bhanga, ki kala múkala u ua di lungila.

Makatukilu 34:16

Anga muʼijila kiá o kubhenga anʼâ a ahatu phala anʼenu a mala, o anʼâ a ahatu ki aia ni kubhanga undumbu bhu pholo ia jinzambi jâ, ni anʼenu a mala a a sendula ue mu undûmbu ua jinzambi jâ.

Izekiiele 28:24

Phala o muiji ua Izalaiele, ki mungu dingi u kala ni muinha uia ni ku mu ẋuka, mba muinha uia ni ku mu bhana misusu, ia uoso-uoso uia ni ku a nhana mu jimbandu jâ; hé a kà kʼijiia kuila emʼeme ngi Jihova Nzambi.

Dialuilu 33:55

Maji akua-xi-phe, ki mu fula o ku a kaiesa, ku pholo ku muia, oso mua ehela-mu, a kà di bhanga kala minha mu mesu enu, jisongo mu jimbanji, à kʼenda ni ku mi tatesa, mʼoxi i mua tungu.

Luka 21:24

Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.

Matendelelu 29:28

Jihova ue, iu ua a katula ni njinda ni kutema, ni kudimbuluka kuònene, iu ua a takuila kʼoxi iengi, kala ki kia di monekena leluʼiki.

Matendelelu 30:18

eme nga mi dimuna-phe lelu, ngixi, mua-nda kujikinina muene nga tange kidi; muanda kuila o Njolodá mua mu zaúka kiua, maji oxi ki mua xalela-na-iu, i mua fuamene o ku kutuka anga mu i vua.

Matendelelu 4:26

Eme-phe lelu ni oxi ni diulu, akale jimbangi jami; mukonda, nga tange kidi kuma, mua-nda kutukumuka mua jimi o mbutu, mʼoxiʼomo anga mu bhua-mu, anga mu ila Njolodá mua mu záuka kiua, maji oxi ki mua xialela na-iu, kuma ki mua-nda kunakina-mu; mua-nda kujikinina muene kindala.

Matendelelu 7:16

Ifuẋi ioso i mi seiela Jihova Nzambi ienu, enu mu i jikinisa muene; ki mua kuatela henda, kana; o mahámba mâ ki mua a bheze, kuma kienhókio ki di bhanga mubhetu phalʼenu.

II Timote 2:26

Mbe a tambule kilunji kia kusukunuka mu mubhetu ua Diabhu, mukua ku a kuika ni ku a bhangesa kutumaka o vondadi iê.

Afundixi 2:21

eme uami ku pholo ku tuia, nguami dingi kukaia akuaʼxi oso a xala-ku tunde kiʼáfua Josuué,