Josuué 22:5 - O Mikanda Ikola

⁵ Kima kimoxi-phe, kia mi fuama: kuatenu muanu ua kualuka kiambote o ngonge ni kitumu kia mi lekelela Mozé, ngunza ia Jihova; uixi; Zolenu Jihova Nzambi ienu, mu endele jinge mu jinjila jê muene, jingonge jê mu ji lange, mu zuame kua Muene, mu kuate jinge ku mu bhikila ni muẋima uenu uoso ni muenhu uenu uoso.

Josuué 22:5 ပူးပေါင်းရင်းမြစ်များ

Jisálamu 106:3

Azediua ió oso a kumbidila o kidi kia fuama; ni ió izuua ioso a bhanga o ima iaiuka.

Jisálamu 78:7

Phala a kolokote kudielela kua Nzambi, mbé ka jimbe-ku dingi ku ikalakalu ia Nzambi, ka kambe kukuata ijila iê.

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Makatukilu 20:6

ngi kuatela henda katé ku midi ia miji ua iâ a ngi zola anga aia ni kualuka ijiia iami.

Makatukilu 23:13

Ima ioso i nga mi tendelelʼiii, alukenu-iu; kana kutumbula nzambi jengi; o dijina diâ mu kanu dié ki di bhite-mu, mba ku ji banza ngó.

Makatukilu 23:25

Enu-phe mua kà bhikila ngoho Jihova Nzambi ienu, o muene-phe anga u ta o kizediuise kiê ku mbolo ienu, ni ku menha enu; o mahaxi muʼaxaxe kenu ngi a katula-mu.

Jisabhu 4:23

Ku ioso ia fuama ku langa, langa o muẋima ué, kuma mu muẋima muene muala o dimatekenu dia matundilu moso ma muenhu.

Izaía 55:2

Kitadi kienu mua mu ki zangela-hi ku ima ia ngoho ki kúdia? O ima i tunda mu ikalakalu ia maku menu anga mu i zangela ngoho mu ioio ki i tena kuikutisa? Kuatenu kilunji mu ngʼivue, nda mu die kiauabha, o muenhu uenu u tane ni ima ianete.

Jelemiia 12:16

Anga kia kà bhita kuila, se ene a kuata muanu ua ku di longa mauendelu ma mundu uami, ni kuloka mu dijina diami, kuamba: Ni Jihova muenhú! Kala kia longo o mundu uami o ku lokela Bale, kienhokio kiá mu kaxi ka mundu uami a tunga a soma.

Matesu 22:37

Jezú ua mu vutuila, uixi: Zola Ngana, Nzambi iê, ni muẋima ué uoso, ni muenhu ué uoso, ni kilunji kié kioso.

Matesu 4:10

Jezú u mu vutuila, uixi: Tunda bhabha Satana! Mukonda kiosoneke kuma: Mu kubheza kikale u bheza Jihova, Nzambi ié, mune ngó u mu tumaka.

Matesu 6:24

Kana muthu u tena kubhikila ngana jiiadi. Mukonda bhu kala ni iú u mu zemba, o iú u mu zola; mba iú a di tuma, o iú a di bhonza. Enu ue ki mu tena kubhikila Nzambi ni Mamunu (kilundu kia jimbongo).

Luka 1:74

kuila u tu kudila bhu maku ma jinguma jetu, phala tu mu kalakele muène sé uôma,

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.

Nzuá 14:15

Jezú uixi dingi: Se mua ngi zola, alukenu o ijila iami.

Jipoxolo 11:23

Muene kia zubha kutula, anga u mona kiadi kia Nzambi ku athu ió, u kala ni ngalasa iavulu. Anga u a suinisa ene oso kuma a kolokote kuenda mu kidi ni Ngana, ni kutetuluka kua muẋima.

Jipoxolo 27:23

Nga zuela kiki, kuma usuku ua lelu, kua ngi tukulukila anju ia Nzambi, nga mu tokala, ngene ku mu sedivila,

Loma 1:9

Mbata, o Nzambi ngene ku mu bheza ni muẋima uami uoso, mu kutula o Njimbu Iambote ia tokala Monʼ ê, uala mbangi iami kuila nga zuela kidi. Ngana Nzambi ua kʼijiia kuila izuua ioso ngene ku mi lembalala,

Loma 12:9

O henda ki i kale ia kádia. Iaiibha mu i lenga, iauabha mu i naminina.

Loma 8:28

Kuma tua kʼ ijiia kuila mu ima ioso Nzambi u kalakala mu kubhanga o mbote kua iá oso a mu zola, oso kiá a exana mu vondadi ia muène.

Matendelelu 10:20

Endenu-phe ni kuxila Jihova Nzambi ienu, muenda jinga ni ku mu bhikila muene ngó, mu jijidienu muene ngó; o ki muila mu loka, lokelenu mu dijina diê-muène ngó.

Matendelelu 11:1

Zola-phe Jihova Nzambi ié, ukuate kualuka ni muanu o ima ioso ia ku tendelela, ni ijiia iê, ni mabatuilu mê, ni jingonge, ni itumu iê, izuua ioso.

Matendelelu 11:13

Kia kà kala kiki-phe kuila, se mu kuata muanu ua kutumaka ijiia iami i ngala ku mi bhana lelu iii, ia kuzola Jihova Nzambi ienu, ni ku mu sedivila ni muxima uenu uoso ni muenhu uenu uoso,

Matendelelu 11:22

Xi! Mbata se mua kuata muene muanu ua kubhaka kiambote o jingonge josuʼiji ji nga mi tendelela ku ji langa, anga mu zola Jihova Nzambi ienu, ni kuenda jinga mu njila iê ni kitongola kioso,

Matendelelu 13:4

Muenda jinga-phe ni kukaiela Jihova Nzambi ienu; mu mu kuatela jinga uoma; ijiia iê mu i aiuka; muenda ni ku ívua jinga o dízui diê; muene ngó mu mu sedivila, anga mu zukama ngó kua muene.

Matendelelu 4:29

Kienhokio-phe, kuenhoko ua kà sota Jihova Nzambi ié, anga u mu sanga, se u mu sota ni muxima uê uoso ua muvimba, ni muenhu uê uoso ua muvimba.

Matendelelu 4:4

Maji-phe, enu mua di bandeka ni kitongola kua Jihova Nzambi ienu, enuʼenuoso katé kiki enuʼenú hanji ni muenhu.

Matendelelu 4:6

O jingongʼiji mu ila ni ku ji langa ni ku ji kumbidila, kuma uene o unjimu uenu ni kutetuluka kuenu bhu mesu a ifuẋi; oso a-nda kuívua o jingonge josoʼiji, a-nda kuila: O mundu iú uónene, ni mu unjimu ni mu kutetuluka kamoneka soko diâ.

Matendelelu 4:9

Hé kima, di lange-phe ngó kiambote eie-muène, enda ni kuinga ue kiambote o muenhu ué, o ima i ua mono ni mesu mé ki i ku jimbe, ki i ku bhue ku muxima, enda ni ku i banza katé bhua kà suka o muenhu ué, uende ni ku i longesa ku anʼê katé ku mululu ni ku muláula.

Matendelelu 5:10

maji ngi kuatela henda katé ku jimidi ja muiji ua iá a ngi zola, aiuka o ijiia iami.

Matendelelu 6:17

Kala kiki, kalenu ni muanu ua kualuka o ijiia ia Jihova Nzambi ienu; alukenu ue o ma-umbangi mê, ni jingonge jê jene ku mi lekela.

Jihebeleu 12:15

Muila ni ku di langa kiambote, phala mudienu ki mu kale muthu u tokoka o kiadi kia Nzambi. Di langienu, phala ki bhu kale muthu uila kala muxi ua lulu, u sabhuka, ni u mi tatese, hé u sambukisa athu avulu ni ndululu iê ia kulula.

Tiiaku 1:12

Ua zediua o muthu u kolokota mu lamba, anga u kala fiiele. Kuma kia zubha ku mu lola mu malamba enhó, ua kà tambula kitundu kia muenhu, kia tange Nagana kubhana oso a mu zola.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.

Josuué 23:8

Inda enu mu naminina kua Jihova Nzambi ienu, kala ki mua bhange kiá katé bhu kizuua kia lelu.

Dijingunuinu 15:3

Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!

I Samuuele 12:20

Samuuele-phe u ambela o mundu, uixi: Ki mu kale ni uoma. Mua bhange kiá kiaiibha, kidi muene; kana-phe dingi kuabhuka mu kukaiela Jihova, bhikilenu kiá Jihova ni muẋima uenu uoso.

I Samuuele 12:24

Kima kimoxi ngó: kolokotenu kukala ni uoma ua Jihova, mu mu bhikile mu kidi ni muẋima uenu uoso; endenu ni kuxinganeka jinga o ima ia makota ia mi bhange muene.

I Samuuele 7:3

Samuuele anga u zuela ni muiji uoso ua Izalaiele, uixi: Se muedi mu vutuka kua Jihova ni muẋima uenu uoso, hé mu tubhula jinzambi ja matumbu ni Axitalote muʼaxaxi kenu, ni mu lunge mixima ienu kua Jihova, ni mu mu bhikile muene ngó ubheka uê; muene-phe u mi kudila bhu maku ma akua Fidíxia.