Josuué 22:4 - O Mikanda Ikola

⁴ Leluʼidi-phe kuma Jihova Nzambi ienu ua bhana kiá o thungu ni somo ku jiphange jenu, ia a nhoha kala kia ambelele muene, vutukilenu-phe kiá ku jibalaka jenu, ndé-nu kiá kʼoxi ia ubhinganu uenu, ua mi bhele Mozé, selevende ia Jihova, ku sámbua dia Njolodá kunhá.

Josuué 22:4 ပူးပေါင်းရင်းမြစ်များ

I Malunda 22:18

Manhi, o Jihova, Nzambi ienu, kala ni enu? O muene ka mi nhohesa ku jimbandu kuene kuoso? Kuma ni kidi kiene, muene ua bhakula bhu lukuaku luami o athu atungu mu ixi, o ixi iii ia toloka kienhiki bhu pholo ia Jihova ni bhu pholo ia mundu uê.

Makatukilu 33:14

Kuala muene: Pholo iami iene ia-nda ku ku tuamenena, eme muene ngi ku bhana kunhoha.

Dialuilu 32:18

Etu-phe, ki tu vutuka luua ku mabhata, katé anʼa Izalaiele oso a tambula kala muthu undundu uê.

Matendelelu 12:9

Kuma kindalʼiki hanji-phe, kiluua mu bokona mu dinhohenu ni mu undundu ua-nda ku mi bhana Jihova Nzambi ienu.

Matendelelu 29:8

Oxi anga tu a tambula-iu, etu tua i bhana akua Lubene ni akua Ngadi ni kaxaxi ka muiji ua Manasa, mu ubhinganu.

Matendelelu 3:20

Katé Jihova kia bhana jiphange jenu o dinhohenu, kala kia mi bhana enu; nda ene a lundule uâ oxi ioso ia-nda ku a bhana Jihova ku sámbua koko dia Njolodá, anga mua kà vutuka kiua, kala muthu ku undundu uê u nga mi bhana kiá.

Jihebeleu 4:8

O ki kala Josuué ua a bhele dinhohenu, Nzambi hinu keji ku di kumuna dingi ku pholo kunu, anga u tanga kizuua kiamukuâ.

Josuué 1:15

Katé Jihova kia kà bhana akuenu kunhoha, kala kia mi bha-ku enu, ni a xikame mu jixi jâ, ja a bhana Jihova Nzambi ienu; kiene kiua ki mu vutuka, mu xikame kiambote mu jixi jenu ja mi bhana Mozé, ngunza ia Jihova, ku sámbua kuná dia Njolodá, ku tundila dikumbi.

Josuué 12:6

Enhá, Mozé, o ngunza ia Jihova, ni anʼa Izalaiele, ene a a jibhile; Mozé-phe, o ngunza ia Jihova, oxi ienhiʼii iu ua i bhana akua-Lubene, ni akua-Ngadi, ni kaxaxi ka muiji ua Manasa, mu ubhinganu.

Josuué 13:15

Mozé-phe kia bhana ku muiji ua anʼa Lubene, ku majiku majiku kienhiki:

Josuué 13:8

O kaxaxi kenhaka akuâ a tambuila kiá bhuamoxi ubhinganu uâ ni akua muiji ua Lubene ni akua Ngadi; Mozé muene ua a bhana-u ku sámbua diodio dia Njolodá, ku thunda; kala kia a xindilile Mozé, ngunza ia Jihova.

Josuué 22:3

Phange jenu mua ji bande muene, tundé bhuoso bhanha, katé lelu; inda ngonge iangene ia Jihova Nzambi ienu, mua i aiuka muene ni muanu uoso.