Josuué 22:31 - O Mikanda Ikola

³¹ Nganga Finehase, monʼa Eliazale uambela anʼa Lubene, ni anʼa Ngadi, ni anʼa Manasa, kuamba: Leluʼidi tua kiʼjiia muene, kuila Jihova iú muʼaxaxi ketu, kuma Jihova ki mua mu te kituxi. Anʼa Izalaiele-phe mua a bhulula bhu lukuaku lua Jihova.

Josuué 22:31 ပူးပေါင်းရင်းမြစ်များ

II Malunda 15:2

Muenʼiú anga u tunda, uia mu kutakana ni Aza, u muʼambela, uixi: Enu Aza, ni Juda dioso ni Bejamí ngʼivienu! O Jihova uala ni enu, kiosuʼiki enu muala ni muene; se mu mu sota, mua-nda ku mu sanga; o ki muʼila mu mu xa, muene ue ua-nda ku mi xa.

Ejidala 7:5

monʼa Abisuua, monʼa Fineia, monʼa Eleazale, monʼa Alá, nganga ia dikota, phangeʼa Mozé.

Jisálamu 68:17

Makalu a Nzambi a ita makuinhi aiadi a midi, ni jimidi ja jimidi ja ndumba; o Ngana uala muʼaxaxi kâ, mukuâ ni mú Sinai, o kididi kiê kia isuma!

Makatukilu 25:8

A ngi iudikile kibúta kikôla phala ngi tunge muʼaxaxi kâ.

Izaía 12:6

Eie ua tunga mu Ziione, imba ni kutana, sanguluka, mbata Dilemba dia Izalaiele, uene momuè, Ukôla.

Zakadiia 8:23

Jihova dia Ilombo Ieta uambe, kiki: Bhu kizuuʼokio kia kà bhita-phe kuma kuinhi dia muthu a tokala ku madimi mʼengi ma miji ioso mu ngongo, a kà naminina, ni kidi-ze muene, a kà naminina ku muxiku ua kizuatu kia Judé imoxi, anga a muambela, exi: Tuanda kuia ni enu, mukonda tuene mu kuívua kuila o Nzambi uala ni enu.

Matesu 1:23

Talesenu! Ku kala muhatu ua mon-ndenge uimita hé u vuala mona; O dijina diê, a kà mu luka Imanuuele. Dienhidi, ku di jimbulula, edi: Nzambi tuala-nê.

I Kolindo 14:25

O ikutu ia muẋima uê anga i tukuluka hé ki mu bhangesa kufidimika pholo bhoxi ni kubeza Nzambi, anga u zuela, uixi: Nzambi uala mudienu, ni kidi kiene.

Josuué 22:30

Finehase phe o nganga, ni ilamba ia kionge, ni adiakimi ku jimidi ja Izaleiele, kia zubha ku kʼivua, kia vutula anʼa Lubene, ni anʼa Ngadi, ni anʼa Manasa, kia a ximbakatesa o muẋima mʼoxi, kuma a ki mono kia iuka.

Josuué 22:32

Bhenhobho Finehase, monʼa Eleiazale, o nganga, iú ua vutuka, ni ilamba, a xi anʼa Lubene, ni anʼa Ngadi, mʼoxi ia Ngiliiade, anga eza mʼoxi ia Kanana, ku anʼa Izalaiele; hé a a tudila mahezu.

Josuué 3:10

Josuué uixi: Kiene ki mu kʼijidila, kuma Nzambi ia muenhu muala-nê muʼaxaxi kenu, mukonda muene sé ngó kufula, ua-ndu kaia bhu pholo ienu akua Kanana, ni Mahiti, ni Mahivi, ni Mapelezi, ni Jijidingaze, ni Mamodi, ni Majebuzi.