Josuué 22:27 - O Mikanda Ikola

²⁷ Maji phala umbangi bhu kaẋi kʼetu, mbé ku pholo ku tuia nʼetu, nʼenu, ni miji ietu ioso hádia i tu bhingana, mbé o ku tu enzela phala tu kuatienu kumoxi o kikalakalu kia Jihova bhu pholo iê, ni kubhana jisata jetu ja kuoha, ni mibhaku ietu, ni maujitu etu a kudifikixila. Mbé hádia, anʼenu ka kakule anʼetu, kuila: Enu Jihova ki muala-nê ni kima.

Josuué 22:27 ပူးပေါင်းရင်းမြစ်များ

Dimatekenu 31:48

Labano anga u zuela, uixi: Lumu iii i kale mbangi bhu kaẋi kami ni eie, kizuua kia lelu. Kiene kia ixanena dijina dia Ngalede,

Dimatekenu 31:52

O lumu iii i kale mbangi, philadi iii i kale mbangi, kuma eme hádia ki ngi somboka o lumu iii, eie ue ku somboka o lumu iii ni philadi iii, mu ku di bhanga kiaiibha.

Jisálamu 16:5

Jihova muene u kala undundu uami, muene kimanga kiami; kubhanduluka kuami ku tunda bhu maku ma muene.

Izaía 19:19

O mu thembuʼomo, Jihova u kala ni kalatódio kê mu kaẋi ka oxi ia Ijitu; anga Jihova a muʼimikina kimaku ki nangenena mu mbambe iê.

Matendelelu 12:11

Kiene kiua Jihova Nzambi ienu kia kà sola kididi bhua kà tunga ue kiá o Dijina diê; o bhenhobho bhene bhu mua kà bheka jinga ioso-lolo i nga mi xindi: jisata jenu ja kuoha, mibhaku ienu ia kusatela, ni madijimu menu, ni ma-ujitu menu ma ku di fikixila bhu lukuaku luenu, ni ioso kiá i mu sola kubhakula ni hasa ioso i uate kua Jihova.

Josuué 22:10

Anʼa Lubene, ni anʼa Ngadi ni kaxaxi ka muiji ua Manasa, kia zubha kubokona mu jimbambe ja Njolodá, mʼoxi ia Kanana, a tunga kalatódio ku Njolodá; kikalatódio kiʼonène, mu ku ki tala ni mesu!

Josuué 22:26

Tuexi-phe: Kiosuʼiki, sembele tu tunge-bhu kalatódio; ki ka ku tela jisata ja kuoha, kana, ki ka ku tela ue mubhaku.

Josuué 22:28

Kienhiki-phe tuexi: Né hádia kia tu âmba kiki, nʼetu ni miji ietu, etu-phe tua kà ambela, tuexi: Talesenu kalatódio kʼaxi adietu, ka di fué ngó ni kalatódio ka Jihova; Ene ka ka bhangela mibhaku ia kuoha, kana, mba kubhela-ku sata; maji a ka bhangele mu kúxia umbangi phala etu nʼenu.

Josuué 22:34

Anʼa Lubene ni anʼa Ngadi anga aiuka kalatódio kaka exi: Ede. Mbata ambe exi: Inda kalatódio kaka ka tu kale Umbangi muʼaxaxi ketu, kuma Jihova muene Nzambi.

Josuué 24:27

Josuué anga uambela o kifuẋi kioso, uixi: Ditadi didi hádia di tu kala mbangi; mukonda diene dievu o maka oso a tu ambela Jihova; hádia di mi kala ue ku umbangi ua ku mi kuzala, phala Nzambi ienu ki mu mu tele makutu.

I Samuuele 7:12

Samuuele anga u katula ditadi u dʼimika bhu kaẋi ka Mixipa ni Sene, anga u di luka dijina dia Ebenezele, kífua uixi: Katé bhu tuezʼabha, Jihova muene ua tu kuatekesa.