Josuué 22:20 - O Mikanda Ikola

²⁰ Akane monʼa Zela ua tele kituxi, kia ku minha ima iókidike; o mulonga uê ki uejile ku thandu dia kionge kioso kia Izalaiele? Muthu umoxi ua te kituxi, kuabhingi kia bhitula mienhu ia ndumba!

Josuué 22:20 ပူးပေါင်းရင်းမြစ်များ

II Malunda 24:18

Hé a xa inzu ia Jihova, Nzambi ia jitata jâ, aia mu kuxibhidila mahamba mu mikáu, ni kubhikila iteka. Kienhokio-phe, ku thandu dia Juda ni Jeluzaleme, anga kutuluka njinda ionéne, mukonda dia kikuma kiâ kienhiki.

Jobe 35:8

O kikexilu kié kia ku kamba henda ki tena ngó ku bhanga kia ibha ku muthu ni mukuenu kala eie; o kuiuka kué kuzediuisa ngó monʼa muthu.

Ijila 10:6

Mozé anga u ambela Alá, ni anʼê Eliiezale ni Itamale, uixi: Kana kuehela ndemba ienu kuila ngó fuandu-fuandu, kana kutandula ue o izuatu ienu, phala ki mu fue, mba kuiza njinda ia Jihova ia dikota ku thandu dia kilômbo kioso; maji ehelenu akuenu, o dibhata dioso dia Izalaiele, ene a dila o thambi ia kujokota kuenhuku kua túbhia tua tundu kua Jihova.

I Kolindo 10:6

Ima ioso iii ia bhiti mu kukala ijimbuete ietu, phala ki tu kuate jihanji ja ima iaiibha, uila ene kia ji kuatele,

Josuué 22:21

Bhenhobho anʼa Lubene, ni anʼa Ngadi, ni Kaxaxi ka muiji ua Manasa, a vutuila ilolo ia tundu ku jimidi ja Izalaiele, exi:

Josuué 7:1

Anʼa Izalaiele-phe anga a tondala mu somboka kijila kia ima iókidike; kuma Akane, monʼa Kami, monʼa Zabedi, monʼa Zelahe, mukua muiji ua Juda, ku ima ia kidika ua katula-ku; njinda ia Jihova anga i uama ku thandu dia anʼa Izalaiele.

Josuué 7:18

anga u bhongolola dibhata dia Zabedi ko mala-mala; anga a kuata-bhu Akane dia Hami, dia Zabedi, dia Zelahe, mukua muiji ua Juda.

Josuué 7:24

Bhenhobho Josuué, ni anʼa Izalaiele oso, a kuata Akane dia Zelahe, ni phalata, ni kapote, ni mutàdi ua ulu, ni anʼê a mala ni a ahatu, ni jingombe jê, ni jibulu jê joso, ni jimbudi, ni balaka iene, ni ima ioso kiá ia kexile na-iu, anga a i bheka mu honga ia Akole.

Josuué 7:5

Akua Hai anga a jibha-bhu mba makuinhi atatu a muthu ni kisamanu, anga a a bhesa lusolo, tunde bhu muelu ua kimbaka kiâ, katé bhu Xebadimi bhene kubula o matadi, anga enda ni ku a beta dingi kioso kia mu kulumuka o mulundu ni kulenga. O miẋima ia kifuẋi anga i botomoka, i kala kala menha.

II Phetele 2:6

Ni jimbànza ja Sodoma ni Ngomola Nzambi ua ji bhange uthôkua, ua jʼêlesa ni ji kale ngó jingundu, mbé ji kale kijimbuete kua ió oso enda ni kubhuma.