Josuué 22:18 - O Mikanda Ikola

¹⁸ Lelu mu batuka dingi kua Jihova? Mua-nda kuila-phe mu zubha ku kitukila Jihova lelu, o mungu ki kua-nda kúkia, phônzo-phe ia tuluka ku thanduʼa kionge kioso kia anʼa Izalaiele.

Josuué 22:18 ပူးပေါင်းရင်းမြစ်များ

II Samuuele 24:1

Njinda ia Jihova anga i uamena Izalaiele luamukuá dingi, anga u vunza Davidi ku a bhanga-kiu, uixi: Ndeie, ka kuate konda ia Izalaiele ni Juda.

I Jisobha 9:6

Maji enu-phe ni anʼenu, se bhu kala kima ki mi sandula ko kuami, anga mu kamba kubhaka o ijila iami, ni i tumu iami, i nga diangele ku mi bhana, hé muia mu kubheza jinzambi jengi, ni kubhetama bhu pholo ia jinzambi jenhojo,

II Jisobha 17:21

Mbata a tandula Izalaiele ku dibhata dia Davidi, iá a hingisa Jelubouamu, monʼa Nebate, ku usobha; o Jelubouamu iú ua bhambula Izalaiele ioso mu ku kaiela Nzambi iê, iú ua a bhangesa kuta muene kituxi kia dikota.

I Malunda 21:1

Bhenehobho Satana hé u balumuka, hé ubilukila Izalaiele, anga u funhisa Davidi phala kualula o mundu ua Izalaiele.

I Malunda 21:14

Ngana phe anga utumikisa o dibhebhu dia kibuika kua Izalaiele, anga mua Izalaiele mu dibhala makuinhi sambuadi a midi ia muthu, hé a fua.

II Malunda 25:27

O mu Jeluzaleme-phe, tunde kiá Amaziia kia xisa o ku kaiela Jihova, a mu te kikutu kia ku mu jibha, muene hé u lengela ku Lakiji; maji a tumikisa athu a mu kaiela kuema diê anga a mu jibhila kueneʼoko.

II Malunda 34:33

Joziia anga u katula ima ioso ia isunji mu jixi joso ja tokalele anʼa Izalaiele, hé u jijidika ene oso a kexile mua Izalaiele kuila Jihova Nzambi iá, a mu bhikile ni ubhezelu u kala kiki; o mu izuua ioso ia Joziia, ka tondalele mu ku kaiela Jihova, Nzambi ia jitata jâ.

Ijila 10:6

Mozé anga u ambela Alá, ni anʼê Eliiezale ni Itamale, uixi: Kana kuehela ndemba ienu kuila ngó fuandu-fuandu, kana kutandula ue o izuatu ienu, phala ki mu fue, mba kuiza njinda ia Jihova ia dikota ku thandu dia kilômbo kioso; maji ehelenu akuenu, o dibhata dioso dia Izalaiele, ene a dila o thambi ia kujokota kuenhuku kua túbhia tua tundu kua Jihova.

Dialuilu 16:22

Maji-phe ene a di ṗhudikila o jipholo jâ bhoxi, anga ela exi: Uá! Nzambi, tata! Eie u Nzambi ia jinzumbi ja xitu ioso, abha mukonda dia muthu umoxi ua-te o kituxi, eie u thathamena kiavulu kiki o kilômbo kiosuʼiki?

Dialuilu 32:15

Hé mua mu baluka dingi, muene-phe u mi ehelela dingi mu kikangalakata; ni kikuẋi kioso kiki mua-nda ku ki buidisa ngó.

Matendelelu 7:4

kuma enhó asoko-bhu ku hunganesa anʼé a mala nʼa lémbua ku di tuma nʼeme anga a kuata ku bheza jinzambi jengi; kiókio-phe o njinda ia Jihova i mi uamena anga mu jima o mbutu kindala.

Josuué 22:15

Enhá o kieza, a sanga anʼa Lubene, ni anʼa Ngadi, ni kaxaxi ka muiji ua Manasa, mʼoxi ia Ngiliiade, anga a di kunda-nâ, exi:

Josuué 22:16

Kionge kioso kia Jihova azuela kiki, exi: Kituxi kiosuʼiki kiahi ki mu tondala na-kiu, hé mu ta mulonga kua Nzambi ia Izalaiele, anga mu ta kíá dikunda kua Jihova leluʼidi, hé mu di tungila kiá kalatódio kenu mu ku kitukila Jihova anga mu zoka-nê muene?

Josuué 22:20

Akane monʼa Zela ua tele kituxi, kia ku minha ima iókidike; o mulonga uê ki uejile ku thandu dia kionge kioso kia Izalaiele? Muthu umoxi ua te kituxi, kuabhingi kia bhitula mienhu ia ndumba!

Josuué 7:1

Anʼa Izalaiele-phe anga a tondala mu somboka kijila kia ima iókidike; kuma Akane, monʼa Kami, monʼa Zabedi, monʼa Zelahe, mukua muiji ua Juda, ku ima ia kidika ua katula-ku; njinda ia Jihova anga i uama ku thandu dia anʼa Izalaiele.

Josuué 7:11

Izalaiele uate kituxi; ua somboka muene o kikutu kiami kioso ki nga mu tendelela; ku imbamba iókidike ua katula-ku, ua nhana, ua te makutu; katé ua ki suekela mu kaẋi ka imbamba iê muene.

Josuué 7:21

kioso ki nga mono ku madibongela kapote ka Babilónha ka uabha kiavulu, ni hama jiiadi ja xikuli ja phalata, ni mutàdi ua ulu u pezala makuinhi atanu a xikulu, luimbi lua ngi kuata, eme nga i katula iene ioso nga i kandeia bhoxi, eme nga i sueka mu balaka iami, ni kitadi kiene-ze kí bhobho.

I Samuuele 12:14

Se mu kala ni uoma ua Jihova, se mu mu bhikila muene, se mu mu ívua dízui diê, se mu kamba kuxibhaka o kijila kia Jihova Nzambi ienu, kixi enu kixi o sobha uala ku mi tumina, kiauabha! Mu disanza mu di hiha bhu pholo ia Jihova Nzambi ienu.

I Samuuele 12:20

Samuuele-phe u ambela o mundu, uixi: Ki mu kale ni uoma. Mua bhange kiá kiaiibha, kidi muene; kana-phe dingi kuabhuka mu kukaiela Jihova, bhikilenu kiá Jihova ni muẋima uenu uoso.