Josuué 22:15 - O Mikanda Ikola

¹⁵ Enhá o kieza, a sanga anʼa Lubene, ni anʼa Ngadi, ni kaxaxi ka muiji ua Manasa, mʼoxi ia Ngiliiade, anga a di kunda-nâ, exi:

Josuué 22:15 ပူးပေါင်းရင်းမြစ်များ

I Malunda 21:3

Jouabe hé u mu vutuila-phe, uixi: Jihova a-tê-ku dingi luhama ku mundu uê kala kiki ki uasoko kiá; manhi, eie u sobha, ngana iami, tata, ene oso muene ki abhikʼé? Mukonda diahi-phe ki u bhindamena dingi kimʼiki, ngana iami, tata? Mukonda, kienhiki, hádia kia kà kala kima kia kikuma ni mulonga phala Izalaiele!

II Malunda 10:19

Kienʼiki anʼa Izalaiele kia salumukina inzu ia Davidi, katé mu kizuua kia lelu.

II Malunda 25:27

O mu Jeluzaleme-phe, tunde kiá Amaziia kia xisa o ku kaiela Jihova, a mu te kikutu kia ku mu jibha, muene hé u lengela ku Lakiji; maji a tumikisa athu a mu kaiela kuema diê anga a mu jibhila kueneʼoko.

II Malunda 26:18

A fudisa sobha Uziia, anga a muʼambela, exi: Eie Uziia ki ki ku fuama, kuoha o uasu ua dizumba bhu pholo ia Jihova, maji kia a fuama o jinganga, anʼa Alá, athu a a lumbu, mbebhu o kuoha uasu ua dizumba; mu kididi kikôla tunda-mu, kuma ua tondala; kuma kienhiki ue ki ki tena ku kukala ujitu ué-eie, ku mbandu ia Jihova Nzambi.

II Malunda 28:13

A ambela, exi: O iá u mua kutuʼâ, ki mua-ndu tena ku a bokuesa mumu, mukonda o ku kituxi ni kikuma kietu ki tuala na-kiu kiá kua Jihova, enu mua mesena mu ta-ku dingi ku ituxi ietu ni ku ikuma ietu, sumbala o kikuma ki tuala na-kiu kia vulu kiá, o kualala kua njinda ia Jihova kuala kiá ku thandu dia Izalaiele.

Ejidala 9:15

Ahá! Jihova, tata! Nzambi ia Izalaiele! Eie u mukua kidi! Kuma etu tua bhulaka, tu tumbalumbalu ngó, kala ki kia di monekena leluʼidi. Kiki-phe, tuala bhu pholo ié mu kuêla kuetu, kuma ki kuala dingi muthu uengi u tena kukala bhu pholo ié mukonda dia kikuma kiki.

Ejidala 9:2

Mbata a tambula ku anʼa akuaʼxi, ahatu phala ene kusakana ni kusakanesa anʼâ a mala. O mu kubhanga kienhiki, o muiji ukôla iú, ua di fungisa ni akua jixi jenʼiji, katé o lukuaku lua adiakimi mudietu ni atumini luene lua dianga mu kutondala kuenhuku.

Jisálamu 78:8

Ka soke dingi ni jitata jâ, muiji ua thathamana, ua xibhaka, muiji ua bhengalala o mixima, ku di tuma ni Nzambi a ki tokoka.

Makatukilu 32:8

Kindalʼiki a bhambuka kiá mu njila i nga a tumina kuenda; a di iudikila kiteka kia ndumbe ia ngombe, kia utadi ua kuzunza, a ki bheza, a ki satela, exi: Jene-ze o jinzambi, enu mu Izalaiele, ja mi katula mʼoxi ia Ijituʼiji.

Izaía 63:10

Maji ene a baluka, a luualesa o Nzumbi iê Ikôla; kia mu bhangesa ku kituka nguma iâ, anga muene-muène u zoka-nâ.

Ijila 26:40

Bhenhobho a kà di ẋikina ufusa uoso, ni uâ ene, ni ua jitata jâ, ni itondalu iâ ioso ia ngi tondalela-na-iu Eme; ni kia ngi balukila jinga mu uendelu uâ.

Ijila 5:19

Kifua sata ia kituxi mukonda dia kuêla, kuma ka kambe kuêla kuê bhu pholo ia Jihova.

Dialuilu 14:43

Mukonda akua Amaleke ni akua Kanana iá kuenhuku ku muia, mua kà fuila ku xibhata; kuma mua ditunu kukaiela Jihova, muene kʼàia dingi ku mi bheka.

Dialuilu 32:15

Hé mua mu baluka dingi, muene-phe u mi ehelela dingi mu kikangalakata; ni kikuẋi kioso kiki mua-nda ku ki buidisa ngó.

Dialuilu 5:6

Tangela anʼa izalaiele, hé diiala mba muhatu u ta kituxi kioso-kioso, kiene kuta muthu, anga u bhukumukina Jihova, muthu ió uala ni kuêla.

Matesu 18:17

Kia di tuna kua evua ene, ka ki tangele ngeleja; o ngeleja ue se ua di tunu ku ívua, a ku kale mukuâ ni mukua matumbu, mba mukua kutambula lubhaku.

I Kolindo 1:10

Nga mi diondo-phe, jiphange, mu dijina dia Ngana ietu Jezú Kristu, kuila mu dʼivua jinga kiambote mu kuzuela, ki mu kale mu kudiuana-uana ku ibuka-ibuka mudienu. Inda mu kala kumoxi kiambote mudienu, mu kala ni kilunji kimoxi, mu fika kiene kimoxi.

I Kolindo 5:4

Kioso ki mu bhongoloka, nganda kukala ni enu mu nzumbi. Kienhokio, mu nguzu ia Ngana ietu Jezú, uanda kukala ue kuenhoko ni etu kumoxi,

Matendelelu 30:17

Maji o ki uila-phe o muxima ué u ngi landuka Eme, anga eie u dituna kubhana mátui, katé kia ku sèndula phala kubheza jinzambi jengi, ni ku ji kalakela;

Matendelelu 7:4

kuma enhó asoko-bhu ku hunganesa anʼé a mala nʼa lémbua ku di tuma nʼeme anga a kuata ku bheza jinzambi jengi; kiókio-phe o njinda ia Jihova i mi uamena anga mu jima o mbutu kindala.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!

Josuué 22:12

Kienhiki kia zubha ku kʼivua, anʼa Izalaiele a di phopha kumoxi, kionge kiâ kioso muene, bhu Silu, a di bhànga kilômbo kia ita mbé kuia kulua-nâ.

Josuué 22:14

ni kuinhi dia ilamba kumoxi-nê; ku muiji ni muiji kua tundu kilamba, miji ioso ia Izalaiele mu kilamba-kilamba, ilamba ienhiʼii ene o adiakimi mu jitata-jitata, a a sola mu jimidi ja Izalaiele.

Josuué 22:16

Kionge kioso kia Jihova azuela kiki, exi: Kituxi kiosuʼiki kiahi ki mu tondala na-kiu, hé mu ta mulonga kua Nzambi ia Izalaiele, anga mu ta kíá dikunda kua Jihova leluʼidi, hé mu di tungila kiá kalatódio kenu mu ku kitukila Jihova anga mu zoka-nê muene?

Josuué 22:18

Lelu mu batuka dingi kua Jihova? Mua-nda kuila-phe mu zubha ku kitukila Jihova lelu, o mungu ki kua-nda kúkia, phônzo-phe ia tuluka ku thanduʼa kionge kioso kia anʼa Izalaiele.

I Samuuele 15:23

Kuma o kuxibhaka mukuâ ni kituxi kia uoloji; o kubhukumuka, mukuâ ni kudianguka ni iteka mba kubheza mahamba mʼonzo. Kaia kiki, mukonda eie ua ditunu kuíva o kizuelu kia Jihova, muene ue ua ditunu ku ku bhaka ku usobha phala ku kale dingi ku ungana.