Josuué 22:10 - O Mikanda Ikola

¹⁰ Anʼa Lubene, ni anʼa Ngadi ni kaxaxi ka muiji ua Manasa, kia zubha kubokona mu jimbambe ja Njolodá, mʼoxi ia Kanana, a tunga kalatódio ku Njolodá; kikalatódio kiʼonène, mu ku ki tala ni mesu!

Josuué 22:10 ပူးပေါင်းရင်းမြစ်များ

Dimatekenu 12:7

Jihova anga u tukulukila Mbalamu, u mu ambela, uixi: O mbutu ié-eie hinu nga kà a bhana o ixi ienhiʼii. Muene anga u tunga-bhu kalatódio, phala Jihova ua mu tukulukila.

Dimatekenu 12:8

Anga u tunda-bhu uia ku mulundu ku mbandu ia thunda ia Betele, u ximbika-bhu balaka iê, Betele ua mu kala ku mbandu ia musanza, o Hai ua mu kala ku mbandu ku tundila dikumbi, muene uala mu kaẋi. Bhenhobho anga u tunga-bhu Kalatódio phala Jihova, u hingila o dijina dia Jihova.

Dimatekenu 28:18

Jakobo anga u balumuka mu kimenemene, u kuata ditadi diene dia bhetuilile, u dʼimika kala philadi, u lundulula maji ku thandu diê.

Izaía 19:19

O mu thembuʼomo, Jihova u kala ni kalatódio kê mu kaẋi ka oxi ia Ijitu; anga Jihova a muʼimikina kimaku ki nangenena mu mbambe iê.

Josuué 22:11

Anʼa Izalaiele-phe hé a kívua, kuila: Anʼa Lubene, ni anʼa Ngadi, ni kaxaxi ka muiji ua Manasa, atungu kalatódio ka zukamena ku oxi ia Kanana, mu jimbambe ja Njolodá, ku kisambu kiatokala anʼa Izalaiele.

Josuué 22:9

Kienhiki anʼa Lubene, ni anʼa Ngadi, ni kaxaxi ka muiji ua Manasa, a vutuka kiá, hé a tunda ku Silu, a xa anʼa Izalaiele, mu ixi ia Kanana; anga aia ku ixi ia Ngiliiade, kʼoxi ia ubhinganu uâ, ua a lunduixile, mu ngonge ia Jihova bhu thembu kiala-ku hanji Mozé ku ukunji.