Josuué 2:9 - O Mikanda Ikola

⁹ anga u ambela mala, uixi: Eme ngejiia kuma, Jihova ua mi bhana muene ixi ienhiʼii, tua bhuuama kiá ni uoma uenu, akuaʼxi ene oso a botomoka bhu pholo ienu.

Josuué 2:9 ပူးပေါင်းရင်းမြစ်များ

Dimatekenu 35:5

Anga a katuka, Nzambi anga u ta uoma uavulu ku thandu dia madiembu mâ a kala mu jimbandu, ki bhuala ua tena kukaiela ana a Jakobo.

II Samuuele 17:10

Bhenhobho-phe, ni iú uasuina, uala ni muẋima uê mukuâ ni muẋima ua hoji, u botomoka-phe kiá muene kuma akua Izalaiele oso a kʼijiia kuila tatʼenu dizonda, ni athu oso aia-nê kumoxi, mala a nguzu ku ita.

II Jisobha 5:15

Bheneʼobho u vutuka kua muthu ua Nzambi, ni muene ni oso a kexile mu kuenda-nâ, hé uiza, uimana bhu pholo iê, uixi: Tala, nga kʼijiia kiá kuila mungongo ioso kana-mu Nzambi, kikale ngó mua Izalaiele, kuabhu! O kindala-phe, nga ku diondo, tambula ujitu kua mubhikʼé.

II Jisobha 7:6

Mukonda mu kilômbo kia akua Sídia Jihova ua bhangesa-mu kuívua mixindu ia makalu ni mixindu ia jikabalu, mukuâ ni mixindu ia kifuẋi kionéne kia masoladi; ki kia a bhekesa o ku diambela mudiâ, exi: Tala, o sobha ia Izalaiele, mu kuzoka nʼetu, ua tuʼixanena o jisobha ja Mahiti ni jisobha ja Ijitu phala kuiza mu ku tu lua.

Nehemiia 6:16

Anga ki bhita kuma, o jinguma jetu joso, ki a kʼivu, uoma u a kuata, matumbu oso muene a tu kondolokele mu jimbandu, anga a bhuila ku mixima iâ-ene muene; mbata a tetuluka kuma Nzambi ietu muene ua bhange o kikalakalu kiki.

Estere 8:17

Ku jisengu joso ue ni ku jimbonge joso, kuoso kua tula o kizuelu kia muenexi ni ngonge iê ia xikisa, jijudé ji kala mu sanguluka ni ngalasa iavulu, a bhanga fesa, exi lelu kizuua kiambote. Ku kala ue athu avulu mu jixi, a di bhanga kiá jijudé, mukoda jijudé a ji kuata kiá uoma uavulu.

Jobe 19:25

Mbata eme nga kʼijiia kuma Mukudi uami iú-ué ni muenhu, kuila ue ku dizubhilu, Muene ua kà zangalala mu ngongo!

Jisálamu 112:10

O kisuéia-phe u ki mona mesu, hé ki mu iibhila; hinu u kokota mazu, u botomokena bhobho; kuma o vondadi-phe ia kisuéia hádia a i kakula.

Jisálamu 115:16

Diulu, diulu diangene dia Jihova, maji o ixi-phe, ua i bhana anʼa athu.

Makatukilu 18:11

O kiki nga kʼijiia kuma Jihova kota, jinzambi joso ndenge; mukonda enhó a di zangeleka ni ku mi tatesa, ua a katula o mahanha.

Makatukilu 23:27

Ngi tumikisa uoma uami bhu pholo ienu, kuma uene u bhesa lusolo ifuẋi ioso i mua kà sanga; ngi bhangesa kuila o jinguma jenu ji mi bhana makunda mu ku mi lenga.

Ndongixi 8:12

O mukua ituxi némbe o kuiibha u ku bhanga mu luhama, anga o izuua iê i vula muene, hanji kima kimoxi ki ngejiia mu kidi, kuila ió oso a xila Nzambi ene a zediua, oso muene kiá a kala ni uoma bhu pholo iê.

Izaía 19:1

Muzambu ua Ijitu. Talesa koko, Jihova iu uiza, ua di-longo mu dituta dia ngelephephe, ua-nda ku tula mu Ijitu; mahamba ma Ijitu a kà ma tungutisa bhu pholo iê, anga muẋima ua akua-Ijitu ua kà botomoka mʼoxi diâ.

Izaía 23:5

Kioso kianda kuiza njinbu ia Tilu, bhua-ndu kala misusu kala kiejile jinjimbu ja divuua dia Ijitu.

Jelemiia 27:5

Eme nga bhange oxi, ni muthu, ni iama iala ku thanduʼa mavu mu ngongo, ni kutena kuami eme-muène, ni lukuaku luami lua nguzu, hé ngi i bhana ue uoso ua ngi uabhela ku mesuʼami.

Nahumu 2:10

Ninive ia xala ngó, loló! A i bhûndu, a i nhana, a i muanga-muanga, la di bhange ngundu muene! Muẋima ua botomoka, o jiphuna ji ji di beta-beta, mu miongo ioso muezala misusu, o jipholo jene joso ja kakuka, ja lombo.

Dialuilu 20:14

Kia bhiti imʼiii, Mozé u katula jiphunga bhu Kadexi, u a tuma kua sobha ia idomo, uexi: Phangʼié Izalaiele uambe kiki: Eie uejiia o jiphaxi joso ji tua mu bhita na-ju,

Dialuilu 20:24

Alá a-nda ku mu bhongololuela kiá kuʼaia malembʼê, mukonda mu ixi i nga bhana anʼa izalaiele muene ka-nda ku bokona-mu, mbata mua xibhaka o kizuelu kiami bhu menha ma Mediba.

Matesu 20:15

Kífua o kiami eme-muène, ki ngi bhangeʼami na-kiu kioso ki nga mesena? Eie o diesu diê di kala ni dixinga, mukonda diami eme nga bhange o mbote?

Matendelelu 11:25

Ki bhua-nda kukala muthu utena kubhânga nʼenu; kuoso kiá ku mu ditela Jihova Nzambi ienu ua-nda kuta-ku kimbuua kia uoma ni kiteketela, kala kiene ku mi ambela kiá.

Matendelelu 2:25

Tunde lelu dienhidi nga-nda kuandeka kuta kimbuua ni uoma ué ku thandu dia mundu uoso bhoxʼabha; oso kiá a ku ivua o fuma, enda ni kuteketa bhu pholo ié a bhondalala ni uoma, mukonda dié-eie.

Matendelelu 28:10

O ifuẋi ioso mu ngongo a-nda kumona kuma, enu mu akua Ngana mu kidi, anga enda ni ku mi ẋila.

Matendelelu 32:8

Kioso kia kexe Suke-ku mu kuuanena miji iʼathu o undundu uâ, anʼa Adá anga u kuata ku auanuna ku ibuka-ibuka ia di kexidila mudiâ, hé u ta jimbambe phala ifuẋi mu ngongo, o anʼa Izalaiele ua a zongela kala kiasoko o ndumba iâ.

Jihebeleu 11:31

Kiejila mu kuxikana, Lahaba dia kidianzunga kia kambele kufuila kumoxi ni akuâ a xibhakele Nzambi, mukonda muène o ilolo ia anʼ a Izalaiele ua i tambuluile kiambote.

Josuué 2:11

Tuedi tuívua ngó ima ioso iii, miẋima ia tu botomoka, kana-ku dingi diiala u tena kukola muxima bhu pholo ienu; kuma Jihova Nzambi ienu, muene Nzambi ni ku diulu ku thandu, ni mu ngongo bhoxi.

Josuué 2:24

Ambela Josuué, exi: O kutanga kidi, ixi ioso iii Jihova ua i bhana kiá bhu makuʼetu kuma akuaʼxi ene oso iá teketa kiá ni uoma mukonda dietu.

Josuué 2:8

Kioso-phe kiluua a zeka, muhatu u a sanga ku thandu diaʼnzu,

Josuué 5:1

Mu kubhanga izuua, jisobha joso ja Mamodi ku sámbua dia Njolodá ku luiji ni jisobha ja ákua Kanana, a zukama ku kalunga, kia zubha kuívua kioso Jihova kia kukutisa menha a Njolodá bhu pholo ia anʼa Izalaiele, katé ki tua zaúka kiambote, miẋima iâ ia botomoka, uiala ki u moneka dingi ua kubhânga ni anʼa Izalaiele.

Josuué 6:2

Jihova anga uambela Josuué, uixi: Ua mono, Jedikó nga ku bhakuila o mbonge iê bhu maku, ni sobha iê, ni indanda iê akua nguzu mu ita.

Josuué 9:10

ni ima ioso ue ia bhange ku sobha jiiadi ja Mamodi, a kexi ku sámbua dia Njolodá, a Sihone, sobha ia Hexebone, ni Hoke, sobha ia Basane, ua kexi mu Jitalote, ioso muene tua ivu.

Josuué 9:24

Ene-phe a kumbulula Josuué, exi: Etu, o kia tu bhangesa kiki, uoma ua kúfua, mbata kutanga o kidi, tuevu a tu kundu-kiu muene kuma o Jihova Nzambi ié ua tangela Mozé, selevende iê, kuila oxi ioso iii hinu u mi bhana-iu enu, o mundu uoso ua tunga-mu u u jikinisa; tuexi-phe, etu tuafu-ó.

Josuué 9:9

Ene anga a mu vutuila, exi: Abhikʼé atundu kanga dia lebha muene, mbebu o dijina dia Jihova Nzambi ié; mbata fuma iê tua ivu, ni ima ioso ia bhange mu Ijitu tua ivu ue;

Afundixi 7:14

Mukuá anga u mu kumbulula, uixi: Kienhiki, ki kima kiengi, kana; ki tokala o xibhata ia Ngidiione monʼa Jouaji, mukua Izalaiele. Mukonda Nzambi ua bhakula Midiiana ni kifuẋi kioso bhu lukuaku luê.