Josuué 2:5 - O Mikanda Ikola

⁵ Kutula-phe mu kumbi dia kujika bhu muelu ua kimbaka, kuila kua vundu kiá, malʼó a i tundu, ene-phe kua di tela ki nga mono-ku; a kaiedienu ni lusolo, kindala mua-nda ku a kuata.

Josuué 2:5 ပူးပေါင်းရင်းမြစ်များ

Nehemiia 13:19

Anga ki bhita-phe kuma, o mabhitu ma Jeluzaleme kia bhana kiá o kilembeketa, kuila o sabhalu kiluua i bhixila, ngi tuma o kujika mabhitu; anga ngi tumina kuila ka ma jikule katé sabhalu ia bhiti; anga ngi ta o minzangala iami imoxi-mu bhu mielu, mbé kuila kana kimbamba kioso-kioso ki bokona mu kizuua kia sabhalu.

Izaía 60:11

Kala kiki, mabhitu mé ma kà jikuka muene mu thembu joso; né mu muanha mba mu usuku ka kà ma jika; nda mundu a ku bhekele maumvuama ma akua-jixi, kumoxi ni jisobha jâ.

Jelemiia 50:20

Mu izuuʼomo ni mu kithanganʼokio, Jihova uixi, kuiibha kua Izalaiele a-nda kuà ku sota, maji ki kuanda kumoneka dingi; ni ituxi ia Juda ue, maji ki ia kà moneka; kuma eme nga-nda kuloloka oso u ngi xisa masubhu.

Izekiiele 47:12

O ku mbanduʼa honga, ku kibumu kiê, ku sámbua ni sámbua, ku sabhuka ídifua ioso ia miẋi i bhana o ibundu ia kúdia; o dífue diê ki di lela, o kibundu kiê ki kiene dingi mu ku kamba; o bhu jimbeji ja tokala, i lukula jinga ibundu ia ubhe, mukonda o menha mê a mu tunda muene bhu dibhezelu; o ibundu iê ia kà uabhela ku i dia, o mafe mê milôngo.

Josuué 2:4

Muhatu anga u katula malʼaiadi enhá, u a sueka, uixi kiki: Kua ngi sangele muene mala, inda eme ki nga ejiia kuoso kua tundu.

Josuué 2:6

Muene-phe u a bheka ku thandu diaʼnzu, iu ua a sueka mu ixina ia linho ianeka muene ku thandu diaʼnzu.

Josuué 2:7

Athu anga a kaiela malʼó mu njila ia Njolodá, katé muene bhu tabhu; aii mu kukaiela kia zubha kutunda, muelu ua kimbaka a u jika.

Dijingunuinu 21:25

O mielu ia mbanza ia kà kala jinga ia jikuka kumbi dioso dia kambàmba, kà kala mu ku i jika, mukonda koko o usuku ki uene-ku.

I Samuuele 19:14

Saúlo-phe kia tumu athu kukuata Davidi, muene-phe uixi: Uala kukata.