Josuué 2:3 - O Mikanda Ikola

³ Sobha ia Jedikó anga u tuma kua Lahaba, uixi: Tubhula bhu kanga mala enhó a ku sange, iá ia tula mʼonzo ié, mukonda eza kulonda ixi ioso.

Josuué 2:3 ပူးပေါင်းရင်းမြစ်များ

Dimatekenu 38:24

Ki bhua zubha kubhita mbeji jitatu, a ki kunda Juda exi: Mukajiʼa monʼé Tamale ua di bhange ndumbu; ua mono uala ni divumu dia lumbula mu undumbu. Juda uixi: Mu tubhudienu, a mu ohe mu túbhia.

Dimatekenu 42:31

Maji etu tua mu ambela, tuixi: Tu athu a kidi muene; ki tu alondi, kana;

II Samuuele 10:3

O makota-phe ma jitata ja anʼa Amone, ambela Hanuni, muadiʼâ, exi: Eie ua fika Davidi ua ki bhangela ujitu ua tatʼenu, kia tumu ku ku konda malambʼiki? Manhi Davidi ka tumikisa akua mbèle iê mu ku ku lónda o mbànza, ni ku i ijiia kiambote, phala ku i lundumuna?

II Samuuele 17:20

Makuenze a Abisalone anga a tula kua muhatu bhu bhatʼabha, exi: O Jonata ni Ahimaaze, iá kuebhi? Muhatu uixi: A zaúka kiá kahonga ka menha. Kia zubha-phe ku a sota ni ku a lembua, a vutuka mu Jeluzaleme.

I Malunda 19:3

Maji ene kioso kia bhixila mʼoxi ia akua Amone, o ilamba-phe ia ana a Amone, ambela Hanume, exi: Kifua eie ua fika kuma Davidi ua bhana ujitu kua tatʼenu, bhu pholo iê, mukonda ua ku tumikisa athu mu ku ku konda o malamba? Manhi abhikʼê kʼeza kokué, phala ku ku tongolola, ni kusota kulonda kiambote o ixi ié, phala ku ku muanga ni ku ku sengulula?

Jobe 21:30

Kuila athu a ibha kizuua kia uíndua ene mu ku a langa, o bhu kizuua kia njinda a a kudila?

Ijila 24:14

O ió ua ẋongueneʼó mu tubhule muʼaleia, muie-nê katé ku maxilu ma kilômbo: oso-phe a mu ivile o kuẋongona, a te maku mâ ku thandu a mútue uê; bhenhobho-phe kionge kioso nda ki mu bûbe ni matadi.

Nzuá 19:4

Pilatu anga u tunda dingi, u ambela Jijudé, uixi: Talesenu! Nga-nda ku mi bhekela-nê bhu kanga, ni mu ijiie kuma eme ki ngi mu mono ni kituxi.

Jipoxolo 12:4

Kia zubha ku mu kuata, Helode u mu ta mu ʼaleia, hé u mu bhakula ku ibuka iuana ia masoladi ia kiuana-kiuana, phala ku mu inga. Oko Helode ua fika kuila ki zubha o Phasu kubhita, u mu katula nʼ a mu bheke bhu pholo ia mundu.

Jipoxolo 12:6

Kutula mu usuku, ua kuila kimene kiê Helode uanda ku mu katula nʼa mu bheke bhu pholo ia mundu, Phetele u kala ku kilu ni masoladi maiadi a mu bhake bhu kaxi. Muene a mu jika malubhambu maiadi, ni alangi bhu kanga a lange o dibhitu dia kaleia.

Josuué 10:23

Athu kiene kia bhange, anga a mu bhekela jisobha jitanu, a ji fomona mu dibânda: sobha ia Jeluzaleme, ni sobha ia Hebolone, ni sobha ia Jalemute, ni sobha ia Lakiji, ni sobha ia Engolone.

Josuué 2:2

Anga a ki tangela sobha ia Jediko, exi: Usuku ua lelu-ze, kua bokona mala a tokala ku anʼa Izalaiele, eza kulonda ixi.

Josuué 2:4

Muhatu anga u katula malʼaiadi enhá, u a sueka, uixi kiki: Kua ngi sangele muene mala, inda eme ki nga ejiia kuoso kua tundu.

Afundixi 4:20

Xixela, anga u mu ambela, uixi: Imana bhu muelu ua balaka, o ki kala bhu iza muthu u ku ibhula, kuila: Momo ki muala diiala? Eie ua kèla: Ki muala.