Josuué 2:24 - O Mikanda Ikola

²⁴ Ambela Josuué, exi: O kutanga kidi, ixi ioso iii Jihova ua i bhana kiá bhu makuʼetu kuma akuaʼxi ene oso iá teketa kiá ni uoma mukonda dietu.

Josuué 2:24 ပူးပေါင်းရင်းမြစ်များ

Makatukilu 15:15

Mavunda a Idomo a diuana; mazonda a Mouabhe kua exa kìmbulambula; akuaʼaxi ia Kanana a botomoka.

Makatukilu 23:31

Ngi ta mbambe ienu tunde mu Kalunga Kakusuka katé mu Kalunga ka akua Fidíxia, tunde mu kikangalakata katé mu honga ia Eufalate; mbata akuaʼxi ioso a tungu mumu, ngʼa a bhakula bhu maku menu, phala enu-phe muende ni ku a kaia katé kia bhua-mu.

Jisabhu 25:13

Kala ki kala o utalalu ua neve mu tembu ia ku muna idima, kiene ue kia soko ni phunga ia fiiele kua ió oso a mu tuma; mukonda uximbakatesa muenhu ua jingana jê.

Josuué 1:8

Divulu didi, dia ngonge, ki di bhue mu kanu; kota u kala mu ku di banza jinga mu muanha ni mu usuku, mbebhu uijiie kubhanga ima ioso ni muanu kala kia i soneka muenhomo; kuma hé kiene ki u bhanga, uendelu ué u kala ua kubhanduluka, o kuenda kué ku kala kua madimu.

Josuué 2:23

Kala kiki, mala kiiadi iá a vutuka, a kulumuka mu mulundu, a zaúka, anga a bhiẋila kua Josuué dia Nune, a mu tangela ioso ia bhiti na-iu.

Josuué 5:1

Mu kubhanga izuua, jisobha joso ja Mamodi ku sámbua dia Njolodá ku luiji ni jisobha ja ákua Kanana, a zukama ku kalunga, kia zubha kuívua kioso Jihova kia kukutisa menha a Njolodá bhu pholo ia anʼa Izalaiele, katé ki tua zaúka kiambote, miẋima iâ ia botomoka, uiala ki u moneka dingi ua kubhânga ni anʼa Izalaiele.

Josuué 6:2

Jihova anga uambela Josuué, uixi: Ua mono, Jedikó nga ku bhakuila o mbonge iê bhu maku, ni sobha iê, ni indanda iê akua nguzu mu ita.

Josuué 8:1

Jihova anga uambela Josuué, uixi: Kana kukala ni uoma, kana kubhuuama. Katula makuenze oso a ita, u bande-nâ ku Hai; tala-ze, ni sobha ia Hai ni kifuẋi kiê, ni mbonge iê ni ixi, iene ioso nga i bhakula bhu makuʼé.

Afundixi 1:2

Jihova-phe, uixi: Juda muene u banda; talesenu, ixi ioso iii nga i bhakula bhu lukuaku luè.

Afundixi 18:10

O ki muia, mua kà sanga athu kala ni hele ia kima, ixi iene ia kulu muene, Nzambi-phe ua mi bhana-iu enu ku i vua, ixi ia bhingi ima iene ioso iii momo, kana kima kia kambe-mu.

Afundixi 7:9

Mu kukala-pe usuku uenhó, Jihova u ambela Ngidiione, uixi: Balumuka, u kulumuke mu kúlua kilômbo; kuma nga ki bhakula bhu lukuaku lué.