Josuué 2:19 - O Mikanda Ikola

¹⁹ Hé bhu kala muthu u tunda mu nzunga, manhinga mê ma kala ku thandu dia mútue uê muene, ki ki kala kikuma kietu; uoso-phe uala mʼonzo, manhinga mê ma kala ku thandu dia mútue uetu, se bhu kala muthu u mu tula lukuaku.

Josuué 2:19 ပူးပေါင်းရင်းမြစ်များ

II Samuuele 1:16

Davidi anga u mu ambela, uixi: Manhinga mé ma kale ku thandu dia mútue ué eʼmuene, kuma dikanu dié muene diene dia ku bhela umbangi ua kuêla, uixi: Eme-muène nga jibha muthu a mu undu kuala Jihova ku ungana.

II Samuuele 4:11

Kuambe dingi o athu iá, o isuéia a jibhila o muthu ua iuka mʼonzo iê, bhu hama iê bhua zeka; manhi o manhinga mê ngi kamba ku mʼebhula bhu lukuaku luenu, ni ku mi jimisa ue o mbutu mu ngongo?

I Jisobha 2:32

Jihova a mu vutuile o manhinga mê ku thandu dia mútue uê-muene, kuma muene ua balukila malʼaiadi a mu tundu muene kuiuka o muẋima ni mu ukota, iu ua a jibha ni mukuale uê, sé tatʼetu Davidi ku kʼijiia, ana a Abinele monʼa Nedi, kabhitangu ka kifuxi kia Izalaiele, ni Amasa monʼa Jetele, kabhitangu ka kifuxi kia Juda.

Makatukilu 12:13

O manhinga-phe ma kale kijimbuete ku jinzo joso mu mualʼenu; o ki ngi mona manhinga ngi mi somboka, kana dibhebhu di mi tula enu mu ku mi buidisa, kioso ki ngi kuama o ixi ia Ijitu.

Makatukilu 12:22

Mu kuata ni kakiezu ka hisopo, mu ka bonde mu manhinga mala bhu mbasinha, mu sangele ku mikangala iiadi ni phidika ia thandu ia dibhitu ni manhinga ala bhu mbasinha; anga mu di jikila mʼonzo, kana muthu u tunda bhu kanga diê, katé ki kúkia.

Makatukilu 12:23

Kuma Jihova ua-nda kubhita mʼoxi ioso mu kuama akua Ijitu; o kia-nda kumona manhinga ku phidika ni ku mikangala iiadi ia dibhitu, Jihova u somboka dibhitu diodio, kehela mubuikixi kubokona mu jinzu jenu phala ku mi kuama.

Ijila 20:11

Se bhu kala diiala u zeka muhatuʼangeneʼa phaiiʼâ, ua vungununa-phe o mukutu ua phaiiʼâ; kiiadi kiâ a fue muene, sé phata; o manhinga mâ a soke-nâ ku thandu diâ.

Ijila 20:9

Se bhu kala muthu u xinga tatʼâ, mba mamʼâ, a fue muene, sé phata; kuma ua lebhula tatʼâ, mba ua lebhula mamʼá; o manhinga mê a soke-nâ-u ku thandu diê.

Matesu 24:17

Uoso uala ku thandu dia ʼnzo iê a lengele kuengi ni lusolo, ka tuluke hanji mu katula o imbamba iê mʼonzo.

Jipoxolo 18:6

Ene-phe a lungulukila Phaulu, hé a ẋinuka ni ku mu xinga. Muène anga ua a kukumuina izuatu iê, uixi: Enu se mu texika, o manhinga menu ma kala ku thandu dienu! Eme nga zele, tunde kiki ngi di lunga kiá ni akua matumbu.

Jipoxolo 20:26

Kiene ki nga mi bhela-phe umbangi kizuua kia lelu, kuma nga zele, kana muthu mudienu u texika, o manhinga mê ni ma ngi kala ko-kuami.

Jipoxolo 27:31

Bhenhobho, Phaulu uambela Kabhitangu ni masoladi, uixi: Akua kutabhula enʼiá se a kamba kuxala mu naviiu, enu ki mu tena kubhuluka.

Filipe 3:9

O kulunga kuami, ku ngi kala na-ku, ki ku kale kua kulungila mú kualuka o Kitumu, maji kua kulungila mù xikana Kristu, kuene o kulunga ku tunda kua Nzambi, kuijiia mu kuxikana.

Jihebeleu 10:29

Abha-phe kia kà bhita kiebhi ni ió ua ditunu o Monʼ a Nzambi, iú ua mono kuila o manhinga ma kikutu kia Nzambi ma mu kolêsa, kima kia ngoho? Kia kà bhita kiebhi ue ni uoso u lokalala o Nzumbi ia kiadi kia Nzambi? Xinganekenu-phe, se o kaxtiku kê ka mu tokala, ka kà soka kiebhi!

Josuué 2:12

Kiki-phe, nga mi diondo, ngi lokedienu mu dijina dia Jihova, kuma eme nga mi bhange mbote, enu uenu mu kala ni henda ia dibhata dia tatʼetu, mu ngi bhana kijimbuete kia kidi:

Josuué 2:14

Mala anga a mu vutuila, exi: Mienhu ietu iene i futa o mienhu ienu, hé muafu, kikale-phe u di xibha na-kiu, kioso kia tu bheka ku ki tange ku muthu. Hinu-phe kuila Jihova ua tu bhana kiá ixi ii, eie tu ku bhanga kiambote ni kidi.

Josuué 2:20

Eie-phe, hé u fueta maka metu oso a tu bheka, ku muthu uoso-uoso, tua jituka kiá ku mulôko ué u ua tu lokesa.