Josuué 2:14 - O Mikanda Ikola

¹⁴ Mala anga a mu vutuila, exi: Mienhu ietu iene i futa o mienhu ienu, hé muafu, kikale-phe u di xibha na-kiu, kioso kia tu bheka ku ki tange ku muthu. Hinu-phe kuila Jihova ua tu bhana kiá ixi ii, eie tu ku bhanga kiambote ni kidi.

Josuué 2:14 ပူးပေါင်းရင်းမြစ်များ

Dimatekenu 24:49

Kiki-phe, se mu bhanga o henda ni kidi kua muadiʼami, ngʼambedienu; o ki muila kana, ngʼambedienu ue; phala ngi di tele ku kúdia mba ku kiasu.

Dimatekenu 47:29

Thembu anga i zukama ia Izalaiele kúfua; anga uixana monʼê Zuze, uixi: Ki ngalʼiki, se nga sange ngalasa ku mesuʼé, nga ku diondo, ta lukuaku lué koxi a ditabela diami, kuma u ngi bhanga kiadi ni kidi; kana ku ngi fûnda mu Ijito kunu, nga ku diondo!

II Samuuele 2:5

Davidi anga u katula jiphunga, ua tuma ku akua Jabezi-Ngiliiade, uixi: Jihova a mi benzele, kuma muedikiza ujitu kua muadiʼenu Saúlo, mua mu fûndu!

II Samuuele 2:6

Kiki-phe Jihova a mi sakidile o henda ienu, a mi bhange kidi; eme uami ngi mi sakidila o henda ienu, ki mua tena kubhanga kienhiki.

II Samuuele 9:1

Davidi anga u ibhula, uixi: Hanji kua xala muthu ku dibhata dia Saúlo, phala ni ngi mu idikiza henda mukonda dia Jonata?

I Jisobha 20:39

Anga ki bhita kuma, sobha kia kala mu bhita, muene u dikolela sobha, uixi: Mubhikʼé ua tundu mu kaẋi ka ita, ku kua tundu dikuenze, ni muthu a ngi bhekela-nê uixi: Ngi bhakele muthu iú; o kia kamba-bhu, muenhu ué-eie ua kà bhingana bhu kididi kia muenhu uê, mba ua kà futa talendu imoxi ia phalata.

Jisabhu 14:22

Mbé oso a bhanga kiaiibha, ka mu zanga muene? Oso-phe a bhanga kiaiuka, kua a xikamena mbote ni kidi.

Jisabhu 18:24

Muthu u vula makamba, ua-lu di sotela kukakuka; maji sai-phe dikamba di beta kota, o phange ndenge.

Matesu 5:7

A zediua akua henda, ene ue Nzambi u a kuatela henda.

Jipoxolo 23:22

Komanande anga u sulula o munzangala ni ku mu tendelela, uixi: Kana ku ki tangela muthu, kuila imʼ iii ua ngʼ ivisa-iu.

Josuué 2:13

Nga mi bhingi kukondeka muenhu ua tatʼetu ni mamʼetu, ni ʼphange jami ja mala ni ja ahatu, ni ima ioso iala na-iu, mbé mienhu ietu ki i di bote ngó mu bômbo dia kalunga.

Josuué 2:15

Bhenhobho muene u a tundisila bhu njanena, a tulukila ku mukolo, kuma inzu iê a i tungu ku thandu dia lumbu lua kondoloka mbanza iâ, muene kuene kua tungu.

Josuué 6:17

O mbonge-phe a i koleka kuala Jihova, ni ima iê iene ioso iala-mu; Lahaba ngó dia kidia-nzunga, muene ngó ni muene ni jindandu jê aia-nê mʼonzo, mukonda muene ua suekele o ilolo i tua tumikisine, ene ngó a kola o muenhu.

Josuué 6:22

Josuué anga uambela mala kiiadi ejiie mu londa ixi, uixi: Ndenu, mu bokone mu inzu ia kidia-nzunga, muhatu mu mu katule-mu, muize-nê, ni ioso ia mu kala mʼonzo iê, kala ki mua mu lokela.

Josuué 6:25

Lahaba-phe dia kidia-nzunga, ni dibhata dia tatʼâ, ni imbamba iê ioso, Josuué ua a laiesa; anga u tunga kiá muʼaxaxi ka kifuẋi kia Izalaiele katé mu kizuua kia lelu, mukonda ua sueka ilolo ia tumine Josuué kulonda Jedikó.

I Samuuele 20:8

Hé kiene, ngi kuatele henda ngi mubhikʼé, kuma mubhikʼé ua mu bheka mu kikutu kia Jihova ki ua te eie ni eme; o ki kala-phe ua ngi mono kubhukumuka, ngi jibhe kiá eie muene, u ngi bhekela-hi ngó kua tatʼenu?