Josuué 18:19 - O Mikanda Ikola

¹⁹ mbambe ienhiʼii i somboka dingi katé ku maxilu ma Bete-Hokala ku kusuku, o matubhukilu mê ku mulebhetète ua kizanga kia môngua ku kusuku; kua suku Njolodá mu kuia ku sulu; iii iene o mbambe ia sulu.

Josuué 18:19 ပူးပေါင်းရင်းမြစ်များ

Dimatekenu 14:3

Ene oso iá a di bhongoluela mu dikôlo dia Sidine (muene muala o kangu dia môngua).

Dimatekenu 19:25

anga u buikisa o jimbonge joso jenhojo, ni ngânga ioso ienhoio ni athu oso akua bhata momo, ni miẋi ni iangu ia kexi mu sabhuka bhoxi.

Izaía 11:15

O Jihova ua kà jikinisa lalá o kisanga kia musanza ua Ijitu, ua kà zambesa lukuaku luê mu kubilukila o Ngiji, ni nguzu ia kibhungu kiê; o kia-nda kuila ua i kuama, u i uana mu lusambuadi; sambuadi diê dioso dia mijinga, u i kukutisa katé athu enda ni kubhitila-mu ni jisabhatu ku inama.

Dialuilu 34:3

Mbambe ienu ia sulu i tunda mu kikangalakata kia Zini, i kunga bhu mbandu ia Idomo, mbambe ienu ia sulu anga i tunda bhua suku o Kizanga kia Môngua ku thunda, ku mutundila-kumbi,

Matendelelu 3:17

Nga a tela-ku o mukáu uoso katé ku Njolodá tule, iene o mbambe iâ tunde ku Kinelete katé ku musanza ua tutu, o Musanza ua Môngua mu luiji lua Ajindode-pisga, ku mbandu ia thunda.

Josuué 12:3

ngànga iosuʼoio katé ku musanza ua Kinelote ku thunda, katé ku musanza uala mu ngànga, o Kalunga ka Môngua ukexila ku thunda, mu kubhitila ku njila ia Bete-Jesimote, katé ku sulu, mu mbetekete ia Ajindode-pisga. Bhene bhua sukile o utuminu uê.

Josuué 15:2

O ku sulu-phe, mbambe iâ ia tula ku kahonga kaii mu Kizanga kia Môngua, ku hota ia kizanga ialungu ku sulu;

Josuué 18:18

anga isombokela katé ia lungu mu kuia ku Halaba ku kusuku, anga ikulumuka mu Halaba;

Josuué 18:20

O ku mbandu ia thunda Njolodá muene o mbambe; iú uene o ubhinganu ua anʼa Bejamí mu mbambe jê mbandu ni mbandu, ku majiku-majiku.

Josuué 3:16

Bhenhobho menha oso ala kutunda ku thala emana, a di lunjika kala mulundu, anga a di zala ku thala muene, katé mu kuia bhu mbonge ia Adane bhua lulama ni Zeletane; o menha-phe ala kuia ku luiji a batuka ku akuâ, anga aia ni honga katé mu kizanga kia môngua; kifuẋi anga a zaúkila bhabha bhua lulama muene mu Jedikó.