Josuué 18:16 - O Mikanda Ikola

¹⁶ Mbambe ii iza ni ku kulumuka tulé bhu thungi ia mulundu uene kuxitila dikôlo dia Hinome, mu dikôlo dia anʼa mazonda, ii ku suku, i tulukila mu dikôlo dia Hinome kualela o Majebuzi, anga ilunga ku sulu; hé i tulukila kiá bhu fixi ia Lojele;

Josuué 18:16 ပူးပေါင်းရင်းမြစ်များ

II Samuuele 17:17

Kienhokio Jonata ni Ahimaaze, a xikama bhu mbandu ia Fixi ia Eni-Rokele; anga bhu kala kahatu kaia ku a tangela, ene anga aia kutangela Davidi; ndunge ia kuila ka a mone mu luua kia bokona mu mbonge.

II Samuuele 5:18

Akua Fidíxia-phe a diangele kuiza, ia a di zale mu honga ia Jilefaime.

I Jisobha 1:9

Adoniia anga u jibha jimbudi ni jingombe, ni ibhaku ia jisevadu, bhu Ndánji ia Nhoka, bhua zukama ni bhu tabhu dia kusukuila (Eni-rokele); hé u ixana o phange jê joso anʼa muenexi, ni akua Juda, a tokala mu mbèle ia muenexi.

II Jisobha 23:10

Ua tumbulula ue Tofete uala mu dikôlo dia anʼa Hinono; mbé ki bhu kale muthu u bhitisa monʼê ua diiala mba monʼê ua muhetu mu túbhia mu ku mu bhana sata ku dihamba dia muloko.

I Malunda 14:9

Kioso kieza akua Fidíxia, ene oso adizale mu dikôlo dia Lefaíme.

II Malunda 28:3

Mu dikôlo dia monʼa Hinono, muene uohela-mu ue o uasu ua dizumba; anʼê-muène ue, ua oha mu túbhia, kala o maufusa ua matumbu ma kaiesa Jihova bhu pholo ia anʼa Izalaiele.

II Malunda 33:6

Anga u bhitisa ue anʼê mu túbhia mu honga ia dikôlo dia monʼa Hinome; ua zambula jinga ue, ni kusàkela ni kubhanga jinga uanga, ni kukolomona jinga ue akua kuzambula ni akua iphata; anga u bhanga muene kia ibha kiavulu bhu pholo ia Jihova, mbé o ku mu lokalala o njinda iê.

Izaía 30:33

Kuma Tofete a i iudika kiá, tunde mazá; xi, a i iudikila sobha; a i zongolola, a i kudisa; o sáma iê túbhia mu túbhia, o jihunhi jivula jala-mu; o muha ua Jihova ua kà uama kala muxónge ua xofidi.

Jelemiia 19:11

Anga u ambela: Uixi Jihova dia Ilombo Ieta uambe kiki: mundu iú nga-nda ku u bula kienhiki, ni mbonge ienhiʼii, kala kia bula o kitutu kia utuma, o ku ki banda ki ki xikina dingi, anga a kà a funda mu Tofete, mbata o kididi kiengi ki kia kà moneka phala ku a funda.

Jelemiia 19:2

u di tele ku dikolo dia monʼa Hinome, dia lungila ku muelu ua kumbi, u boke kuenhoko maka moso nga-nda ku kuambela.

Jelemiia 19:6

Kienhiki Jihova ua tange uixi, talenu hinu kuiza izuua, kididi kiki ka kʼixana dingi Tofete, mba dikolo dia monʼa a Hinome, maji dikôlo dia kijibha.

Jelemiia 32:35

Iá a tunga matala ma Bahale, ala mu honga ia monʼa Hinome, phala kubhangesa anʼâ a mala ni anʼâ a ahatu kubhita mu túbhia tua Muloko; o kima eme nuka nga ambelelè-kiu ku ki bhanga, mba ki ngi bhita ngó ku muẋima uami, kuila a bhange ufusa uenhó; phala ene a bhangese Juda kuta kituxi.

Josuué 15:63

Maji anʼa Juda ka tenene kumuanga Majebuzi a tungile mu Jeluzaleme; Majebuzi katé muene kizuua kia lelu axalela momo kumoxi ni anʼa Juda, mu Jeluzaleme.

Josuué 18:28

ni Zela, ni Elefe, ni Jebusi (muene Jeluzaleme), ni Ngibeia, ni Kidiate; kuinhi dia sanzala ni jiuana ni tumadiembu tuâ; iú uene o ubhinganu ua anʼa Bejamí, ku majiku-majiku.

Afundixi 1:21

Anʼa Bejamí-phe anga a lémbua kukaia o Majebuzi mu Jeluzaleme; Majebuzi-phe ió, a kala mu tungila kumoxi ni anʼa Bajamí mu Jeluzaleme katé mu kizuua kia lelu.

Afundixi 1:8

Mbata anʼa Juda a lua ni Jeluzaleme anga a i tambula, a i beta ni mazu a xibhata, mbonge iene a i ta mu túbhia.

Afundixi 19:10

Diiala-phe nguê dingi kuzekela-bhu usuku uenhó, anga u zangula, u katuka, u bhixila bhua lulama mu Jebuzi (muene Jeluzaleme); uala kuenda ni bulu jê jiiadi, a ji zuika makombola, ni mukamʼê uala kuila-nê kumoxi.