Josuué 17:13 - O Mikanda Ikola

¹³ Mu kuila-phe anʼa Izalaiele eza mu kuvula nguzu, ajijidika Makanana kubhita ku lubhaku lua kua bhakuila luánda, maji ene oso o ku a kaia, kana.

Josuué 17:13 ပူးပေါင်းရင်းမြစ်များ

Dimatekenu 49:15

ua mono kibangu kiê kia kunhohena, ni ixi iambote ia mu uabhela; ua bhetamena ku mu tuika kimbamba, u kala mukuâ ni ngunza uala mu bhika.

II Samuuele 3:1

Anga ku kala muene ita ia thembu iavulu, bhu kaẋi ka dibhata dia Saúlo ni dibhata dia Davidi; o nguzu ia Davidi anga iia ni ku di bandekeza, maji o ia dibhata dia Saúlo-phe iia ni kutebhunuka.

I Jisobha 9:21

o anʼâ, a subhukile ia a a bhinganene mu ixi, ió muene a tokalele ku a buidisa ni ku a jima mbutu osololo kuala anʼa Izalaiale, Solomá ua a kitula abhika a ku mu futa lubhaku ni ku mu bhangela o ikalakalu ioso katé mu kizuua kia lelu.

Efezo 6:10

Ki tualʼ iki-phe, suinenu mua Ngana, ni mu kutena kua nguzu iê.

Filipe 4:13

Ima ioso nga soko na-iu mua Kristu ió mukua ku ngi bhana o kutena.

Josuué 16:10

O Makanana-phe a tungile mu Ngezele ka a muangene-mu; kienhókio, Makanana-phe enhó katé kizuua kia lelu axalela muʼaxaxi ka akua Ifalaíme; maji-phe enda ni ku a bhikila, ni ku a bhana lubhaku.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.

Afundixi 1:28

Ku izuua-izuua-phe, Izalaiele kia sunga dingi nguzu, u bhangesa makanana ku kala abhika a kuenda ni ku futa lubhaku, kuma enʼoso ka a kaie katé kia a zubha.

Afundixi 1:30

Nzebulone ue u kamba kukaia akua Kitolone, ni akua Nahalole; Makanana-phe anga a tunga-nâ kumoxi, a kala mu ubhika, ua kukalakala, ni kufuta dijimu.

Afundixi 1:33

Nafitali ue u kamba kukaia akua Bete-seme, ni akua Bete-Anate; u tunga-phe kumoxi ni Makanana kuma ene akuaʼxi a tungile-mu; maji-phe akua Bete-seme ni akua Bete-Anate a kala mu ubhika ua kukalakala, ni kufuta madijimu ku anʼa Izalaiele.

Afundixi 1:35

Akua Mamodi-phe a jijila ue kutunga mu mulundu ua Helese, ni mu Ajalone, ni mu Salabimu; maji ue kiene kimoxi, lukuaku lua dibhata dia Zuze lua a lende, katé kia kala mu ubhika ua kukalakala, ni kubhana lubhaku lua dijimu.