Josuué 17:11 - O Mikanda Ikola

¹¹ Kuma mu Isakale ni mu Asele, Manasa ua tambula-mu Bete-Sane ni jimbambe ja utuminu uê, ni Ibeleiamu ni jimbambe ja utuminu uê, ni iá a tunga mu Ndole, ni jimbambe ja utuminu uê, ni iá atunga mu Ene-Ndole ni jimbambe ja utuminu uê, ni iá atunga mu Tanake ni jimbambe ja utuminu uê, ni iá atunga mu Mejido ni jimbambe ja utuminu uê; Kifua ibhuna itatu ia kufundila.

Josuué 17:11 ပူးပေါင်းရင်းမြစ်များ

II Samuuele 21:12

Davidi anga uia u katula ifuba ia Saúlo ni ifuba ia monʼê Jonata kua akua Jabezi-Ngileiade, kuma ene ue a i nhanene mu nzunga ia Bete-Sane, bhuoso bhua i nhengene kuala akua Fidíxia, kizuua kia jibha Saúlo kuala akua Fidíxia mu Jileboua.

I Jisobha 9:15

Ndònda iê bhua tundile Solomá kubhinjia athu ku mu futa lubhaku ienhiʼii: O kutunga inzo ia tembulu ia Ngana, inzo ié muene, ni Milo, ni kimbaka kia Jeluzaleme, ni kutunga ue Hasole, ni Mejido, ni Ngezele.

II Jisobha 9:27

O Akaziia, sobha ia Juda, kioso kia mono kiki; u lenga, u di tela njila ia Betehakane; maji-phe o Jehu uai ni ku mu kaiela, uixi; O iú ue mu kuamienu; anga a mu kuamena mu dikalu diê mu kubanda bhu kalundu ka Ngule, ka lulama ni Jibeleia. Anga u lengela ku Mejidu, u fuila koko.

I Malunda 6:70

O ku kaxaxe ka muiji ua Manasa, akatuala-ku Anele ni ikanzu iê ioso ia madilu a ibhaku mu jimbandu jê, ni Mbidiiane ni ikanzu iê ioso ia madilu a ibhaku mu jimbandu jê. Mabhata oso enhá ene a bhana ku ana a Kohate, a subhuka ku majiku a jifamília joso ja anʼa Kohate.

I Malunda 7:29

O ku mbandu ia ana a Manasa, Bete-Seane ni ididi ioso ia utuminu uê; Mejido ni ididi ioso ia utuminu uê, Thanake ni ididi ioso ia utuminu uê; Ndolo, ni ididi ioso ia utuminu uê. Mu jimbonge muene muosʼumu, muene mua tungu ana a Zuze, mona a Izalaiele.

II Malunda 35:22

Maji-phe o Joziia ua di tunu o kuvutuka kuema ni ku mu bhana dikunda, inda ua di sueka ni kudimbikiza muene, phala kúlua-nê; iú ua fulu o ku bhana mátui ku kizuelu kia Neku, kia tundu ku dikanu dia Jihova; anga uiza muene mu honga ia dikôlo dia Mejidu mu kúlua-nê.

Jisálamu 83:10

A buidila bhu Endodi, imbi iâ anga i biuluka ditobe dia mavu.

Jelemiia 49:2

Uila kiki, Jihova uixi: Talesa, izuua í iza, mu Labáh dia anʼa Amone, nganda kuivisa-mu kikoue kia ita, anga mu di bhanga ndunji ja maxita o ididi iê ia tumina jinga a ka ioha mu túbhia; anga Izalaiele ua kà lundula oso a mu lundula muene, Jihova ua ki tange.

Zakadiia 12:11

Bhu kumbiʼodio, mu Jeluzaleme mua kà kala ngololo ia dikota, kala kudila kua Hadademono mu dikôlo dia Mejidu.

Josuué 11:2

ni ku jisobha ja kexi ku kusuku, ku milundu, ni mu dinhana mu kuia ku sulu ia Kinelote, ni mu iphenza, ni mu Nafote-dole, ku nzènde ia kalunga, ku mubolokela-kumbi;

Josuué 12:21

mukuâ, o sobha ia Tanake; mukuâ, o sobha ia Mejidu;

Josuué 12:23

mukuâ, o sobha ia Ndole, mu Nafate-Dole; mukuâ, o sobha ia akua-jixi mu Jidingale;

Josuué 16:9

Sai dingi jisanzala-phe ja uanuna-ku phale anʼa Ifalaíme ja kexe mu kaẋi ka ubhinganu ua anʼa Manasa; sanzala jene josuʼojo muene ni tumadiembu tuâ.

Josuué 17:10

Ifalaime iú ku sulu, o Manasa-phe iú ku kusuku, mbambe iê o musanza ua Kalunga; ia edile o ku kusuku a tuta muene kua Asele, o ku thunda atuta kua Isakale.

Josuué 17:16

Anʼa Zuze, anga a zuela, exi: O milundu ia tu tolo muene, maji o Makanana a tunga muʼkôlo ala ni makalu ma jifelu, akua Bete-Sane enhó ni jimbambe ja utuminu uê, ene ue aia-nâ; ni iá ue atunga muʼkôlo dia Jizeleiele.

Afundixi 1:27

Manasa-phe u kamba kukaia akua Bete-Sane ni jisanzala jê, ni Taanake ni jisanzala jê, ni akua Ndole ni jisanzala jê, ni akua Ibeleiamu ni jisanzala jê, ni akua Mejidu ni jisanzala jê; Makanana-phe ia a jijila hanji kutunga mʼoxi ioso ioio.

Afundixi 5:19

Jisobha bhenhobho ji tula mu kubhânga a bhângela bhenhobho, jisobha ja Kanana, a bhángela bhu Taanake, bhu ménha a Mejidu, bhua tundu-phe kubhanduluka kuahi? Ka bhundu-bhu kitadi kia phalata mba ulu.

I Samuuele 28:7

Saúlo anga u ambela akua mbèle iê, uixi: Ngi sotedienu muhatu u kala muxingidi-a-ngòmbo, ngiie kuoso kuala, ngʼibhule kua muene. Akua mbèle iê anga a mu ambela, exi: Sai-ze muhatu muxingidi-a-ngòmbo ua tungu bhu Endolo.

I Samuuele 31:10

Ibhakatu iê anga a i bhaka mʼonzo ia Axitalote; kimbi kiê anga a ki nhenga ku kimbaka kia Bete-Sane.

I Samuuele 31:12

mala oso a nguzu-phe a balumuka, enda usuku uoso, hé a katula kimbi kia Saúlo, ni imbi ia anʼê, ku kimbaka kia Bete-Sane; eza na-iu bhu Jabezi, a i ohela bhobho.