Josuué 17:1 - O Mikanda Ikola

¹ Mu kuta jihasa kiki, kua tubhuka kiua ia muiji ua Manasa, mbata muene o phande-kumbi ia Zuze. Makidi, phande-kumbi ia Manasa, muene tatʼa Ngiliiade, kuma uakexe dizonda dia ita, iu ua tambula Ngiliiade ni Basane.

Josuué 17:1 ပူးပေါင်းရင်းမြစ်များ

Dimatekenu 41:51

Monʼê ua phande-kumbi u mu luka Manasa; kuma uambe uixi: Nzambi ua ngi jimbisa o hadi i nga tale, ni dibhata dioso dia tatʼetu.

Dimatekenu 41:52

Kiubha kiê anga u mu luka Ifalaíme: kuma uambe uixi: Nzambi ua ngi bhangesa kuvula o muiji mʼoxi iami ia ubhika.

Dimatekenu 46:20

Zuze mʼoxi ia Ijito anga u bhanga-mu Manasa ni Ifalaíme, a mu vualela-nâ kuala muhatʼuê Azenate monʼa Poti-fela, nganga ia One.

Dimatekenu 48:17

Zuze-phe kia mono tatʼâ ua tula lukuaku luê lua kúdia mu mutue ua Ifalaime, kia mu iibhila; anga u zangula o lukuaku lua tatʼâ mu mútue ua Ifalaime phala ku lu tula mu mútue ua Manasa.

Dimatekenu 48:18

Zuze anga u ambela tatʼâ, uixi: Ki kiene, papá monʼa phande-kumbi iú, eie u te o lukuaku lué lua kúdia mu mútue ua muene.

Dimatekenu 50:23

Zuze anga u mona anʼa Efalaime katé ku alulu ni aluululu; ni anʼa Makidi ue, monʼa Manasa, a a vualela ue hanji ku jiphuna ja Zuze.

II Samuuele 2:9

Anga u mu hingisa ungana ua kutumina Ngiliiade, ni akua Axudi, ni Jezeleele, ni Ifalaíme, ni Bejamí ni Izalaiele ioso.

I Malunda 2:23

O Ngesule ni Alá a tambula o mabhata ma Jaíle ni Kenata ni ididi iâ, makuinhi a samanu a mabhata. Ene oso-â-phe ana a Makidi, tata ia Ngiliiade.

Izekiiele 47:13

O Jihova Nzambi uambe kiki: O iii iene o mbambe mu mi uanena o ixi mu ulundudi uenu, kala kioso kiá kiala o kuinhi dia miji ni kiiadi ia Izalaiele. O Zuze u kala ni makânda aiadi.

Izekiiele 48:4

O ku tunda mu mbambe ia Nafitali, tundé ku mbandu ia mutundila-kumbi ndú ku mbandu ia mufuilakumbi, Manasa muene mukua dikânda diê.

Dialuilu 26:29

Anʼa Manasa a mala: kua Makidi ua bhanga dibhata dia akua Makidi; Makidi u vuala Ngiliiade: kua Ngiliiade ua bhanga dibhata dia akua Ngiliiade.

Dialuilu 27:1

Bhenhobho ana a Zelofadi a ahatu eza, Zelofadi-phe muene monʼa Hefele, monʼa Ngiliiade, monʼa Makidi, monʼa Manasa, ku mabhata ma Manasa monʼa Zuze; ana ahatu enʼiá majina mâ: Makala, ni Noué, ni Hokala, ni Midika, ni Tidiza.

Dialuilu 32:33

Mozé anga u a bhana, ene anʼa Ngade ni anʼa Lubene, ni mbandu ia muiji ua Manasa, monʼa Zuze, utuminu ua Sihone, sobha iaʼ kua Amone, ni utuminu ua Hoke, sobha ia Basane, ixi ioso ni jimbongo jê, ni ikanzu iê, ni matutuʼê iene ioso kiá.

Matendelelu 21:17

Kale u u bhana muene kua monʼa muhatu a mu zemba; mu kulunduisa, u mu lunduisa mabunda maiadi ku ima ioso iavu; mukonda muene monʼê a mu vualele mu kivula nguzu, muene o kibundu kiadianga kia nguzu iê, ukota muene ua mu tokala.

Josuué 17:2

O ana a mukuá a Manasa a a tela ue hasa iâ, ku majiku-majiku, kala kiki; ku anʼa Abiiezele, ni anʼa Heleke, ni anʼa Axidiiele ni anʼa Xikeme, ni anʼa Hefele, ni anʼa Semida; iá ene anʼa mala a Manasa, monʼa Zuze, ku majiku-majiku.

Josuué 22:7

Kuma-phe o kaxaxe ka muiji ua Manasa, Mozé ua a bhele kiá o ubhinganu uâ mu Basane, o kaxaxi ka mukuá-phe, Josuué ua a bhana o uâ muʼaxaxe ka jiphange jâ, ku sámbua kunu dia Njolodá, ku luiji; enió, Josuué ua a te kizediuise, iu ua a sulula;

Afundixi 5:14

A tundu mua Ifalaíme, a kulumuka mu honga kúlua ni Amaleke, ki kua tundu monʼa kilumba Debola, a mi kaiela ku kunda, o mala a Bejamí ni kilombo kiâ mua Makidi mua tundu ilolo ejiia kutumina, mua Nzebulone muene mua tundu o jikabhitango;