Josuué 16:9 - O Mikanda Ikola

⁹ Sai dingi jisanzala-phe ja uanuna-ku phale anʼa Ifalaíme ja kexe mu kaẋi ka ubhinganu ua anʼa Manasa; sanzala jene josuʼojo muene ni tumadiembu tuâ.

Josuué 16:9 ပူးပေါင်းရင်းမြစ်များ

II Samuuele 2:9

Anga u mu hingisa ungana ua kutumina Ngiliiade, ni akua Axudi, ni Jezeleele, ni Ifalaíme, ni Bejamí ni Izalaiele ioso.

I Malunda 7:28

O ixi ia kutunga ni kusoma kua dibhata diê ia mu tokala muene ienhiʼii: Betele, ni ididi ioso ia utuminu uê; o ku thunda, Nahalane, o ku uombe, Ngezele, ni ididi ioso ia utuminu uê, ni Xikeme ni ididi ioso ia utuminu uê, katé ku Aza ni ididi ioso ia utuminu uê.

Izekiiele 48:5

O ku tunda mu mbambe ia Manasa, tundé ku mbandu ia mutundila-kumbi ndú ku mbandu ia mufuilakumbi, Ifalaíme muene mukua dikânda diê.

Josuué 16:10

O Makanana-phe a tungile mu Ngezele ka a muangene-mu; kienhókio, Makanana-phe enhó katé kizuua kia lelu axalela muʼaxaxi ka akua Ifalaíme; maji-phe enda ni ku a bhikila, ni ku a bhana lubhaku.

Josuué 16:8

Ku mbandu ia mutudila-kumbi-phe, mbambe ii i tunda dingi mu Tapuua anga iia ku luiji ku kahonga ka Kana, katé bhua kutukila kahongʼaka mu Kalunga. Iú uene o ubhinganu ua kibuka kia anʼa Ifalaíme, ku majiku-majiku mâ.

Josuué 17:9

o mbambe-phe anga ikulumuka ku muxinji ua menha ma honga ia Kana, iia ku sulu ia muxinji uenhó; anga ki bhinga-phe kuila o jisanzala ja Ifalaíme ja di soma muʼaxaxi ka jisanzala ja Manasa; kienhókio o mbambe ia Manasa, kua tundu o muxinji, ilungila ku sulu anga i kutuka mu musanza ua Kalunga.