Josuué 14:15 - O Mikanda Ikola

¹⁵ Hebolone muenhú mʼokulu akexe ku mu ila Kidiate-Halaba, kuma Halaba iú uakexe kota dia muthu, muene ua sombokele akuâ oso muʼaxaxi ka akua Anake. Oxi tunde kienhókio anga i kala ni kunhoha, a zumbuka kúlua ita.

Josuué 14:15 ပူးပေါင်းရင်းမြစ်များ

Dimatekenu 23:2

Sala anga u fuila bhu Kidiate-Halaba, muene Heboloni, mʼoxi ia Kanana. Mbalahamu anga uiza kudila thambi ia Sala.

Dimatekenu 35:27

Jakobo anga uiza bhua tungile tatʼâ Izake, bhu Mamele, bhu Kidiata-halaba, muene mu Hebolone, mua kexile Mbalahamu ni Izake mu inhunginu iâ.

Dimatekenu 37:14

Uixi: Ndé-phe, ua kà tale se jiphange jé ala kiambote, ni ibhaku se iala kiambote; uize, u ngi tudile. Kala kiki, ua mu katula mu dikôlo dia Hebolone, muene iú ua bhiẋila mu Xikeme.

I Malunda 6:4

O Eleazale uavuala Finéia, o Finéia uavuala Abisuua,

Nehemiia 11:25

Ku mbandu ia tusanzala tuofele, ni mikáu iê, amoxi mu anʼa Juda a tungile mu Kidiate-álaba, ni mu jisengo jê; ni mu Dibone, ni mu jisengo jê; ni mu Jekabesiiele, ni mu jisengo jê;

Josuué 11:23

Kienhiki-phe, Josuué oxi ioso iii ua i tambula; kia bhiti muene kala kioso kia tangele Jihova kua Mozé; Josuué iu ua i bhana anʼa Izalaiele mu ubhinganu, ku jimbambe-jimbambe, ni ku miji-miji. Oxi hé i zumbuka kiua o ku dílua ita.

Josuué 14:14

Ixi ia Hebolone anga i kala undundu uangene ua Kalebe monʼa Jefune, mukua Kena, katé mu kizuua kia lelu, mukonda muene ua jijile mu ku kaiela Jihova Nzambi ia Izalaiele ni muẋima uê uoso.

Josuué 15:13

O Kalebe-phe, monʼa Jefune, ua mu bhana undundu uê, muʼaxaxi ka anʼa Judá, kala kioso kia ki tanga Jihova kua Josuué, kiene muene kia bhange; ua mu bhesa sanzala ia Halaba, tata ia anʼa Anake; iene-phe sanzala i exana exi, Hebolone.

Josuué 21:11

Kienhiki a a bhana ue sanzala ia Kidiate-Halaba, o Halaba-phe muenhú muene tata ia Anake, o mbanza iii muene Hebolone, mu mulundu ua Juda, ni jimbambe jê ja mbalelu ia mu kondoloka.

Josuué 21:12

Maji o mukáu ua mbonge ienhiʼii ni tumabhata tuê tuofele a u bhana kua Kalebe, monʼa Jefune, mu ubhinganu uê.

Afundixi 1:20

Hebolone anga a i bhana Kalebe, kala kia zuela Mozé; muene anga u kaia-mu ana atatu a Anake.

Afundixi 3:11

Ixi anga i tululuka hanji mu makuinhi auana a muvu. Otoniiele monʼa Kenaze anga ufua.

Afundixi 3:30

Kienhiki Mouabhe ua toloka kizúua kienhókio, bhoxi dia lukuaku lua Izalaiele. Ixi anga i tululuka mu makuinhi nake a muvu.

Afundixi 5:31

Nguma jé, u Jihova, ji buike kienhiki, oso-phe a ku zola, a benhe kala dikumbi, kioso ki di tunda ni nguzu iê ia kumuika.

Afundixi 8:28

Kala kiki, akua Midiiana kienhokio a toloka bhu pholo ia anʼa Izalaiele, ka zangula dingi mítue iâ mu kusota kuvua Izalaiele. Ixi anga i kala ni kutululuka mu makuinhi auana a muvu, mu izúua ia Ngidiione.

I Samuuele 30:31

ni ku akua bhata mu Hebolone, ididi ioso kiá kua kexe mu suama Davidi ni makuenzemê.