Josuué 13:5 - O Mikanda Ikola

⁵ ni oxi ioso ue ia Mangibele, ni Libanu iosololo ku mutundila-kumbi, tundé ku Baale-ngadi, bhu kikota kia mulundu ua Helemone, katé bhu bokuenu dia Hamate;

Josuué 13:5 ပူးပေါင်းရင်းမြစ်များ

I Jisobha 5:18

O jimesene ja kutunga, ja kexile na-ju Solomá ni Hilamu, kumoxi ni akua Ngibile, hé akuata kuiudika kiambote o matadi enhá ni miẋi ia kutunga na-iu o Tembulu.

I Jisobha 8:65

Mu kithangana kiene kimoxi, Solomá u bhitisa ue dingi o fesa ia jifundu, ni muene ni Izalaiele ioso, kionge kia dikota, bhu pholo ia Jihova, Nzambi ietu, athu a tunda bhu Hamate hé a bhixila ku ngiji ia Ijito; o fesa hé a i bhanga mu sambuadi dia izuua, ki kua di te dingi o sambuadi dia izuua ia dianga, kia bhange kuinhi dia izuua nʼiuana.

Jisálamu 83:7

Ni Jebale, ni Amone, ni Amaleke, ni Fidíxia, kumoxi ni akua Tilo;

Izaía 10:9

O Kanó ka sokué ni Kalekemixi? O Hamate ka sokué ngó ni Alapade? Samádia ka sokué ngó ni Damasku?

Jelemiia 52:9

O iá anga sobha a mu kuta, anga a mu bandesa kua sobha ia Babilonha, bhu Dibalah, mu ixi ia Hamate, bheneʼobho bhene muene bhua mu elesela.

Izekiiele 27:9

O adiakime mu Jebale kumoxi ni jinjimu jâ, ene-phe momuʼé a kexi mu ku ku xita o mazungu mé; o jinaviiu joso ku musanza ua kalunga ni athu oso akua kuendela mu musanza ua kalunga, a a sanga jinga momuʼé, mbé o ku ta ma-uenji nʼeie.

Amoji 6:2

Bhitenu mu Kalene, mu tale; o ki mu tunda bhobho, mu-ie ue mu Hamate, o munéne; tulukilenu-phe kiá ku Ngate ia akua Fidíxia; mbebhu ene a beta kota, maungana iá ndenge? Inga mbambe jâ ene kota mu kuzanza, o jenuʼenu ndenge?

Dialuilu 13:21

Ene anga a banda, a londa ixi, tundé mu kikangalakata kia Zini, katé ku Iehote, bhu dibokuenu dia Hamate.

Dialuilu 34:8

ku tunda bhu mulundu ua Hole, mu xinda dingi katé bhu dibokuenu dia Hamate, o mbambe iii i tundila katé mu Zedade;

Matendelelu 1:7

Bilukenu, mu katuke, muie ku mulundu ua akua Mamodi, ni oso a zukama kuenhoko ni ku kiphenza, ni ku mulundu, ni mu dikôlo muná ni ku sulu, ni ku Nengabe ku mbanduʼa musanza, mʼoxi ia Kanana, ni ku Libano, katé kiá ku ngiji iadikota ia Ufâlate.

Matendelelu 3:25

Ai ué, tatʼé! Se eme nga tenene ue kuzaúka, anga ngi mona o ixi iauabha kiki iala ku sámbua kuná dia Njolodá, ni mulundu uaiuka ió, ni Libano diê, koko!

Josuué 11:17

tundé ku mulundu ua Halake ua ku bandela ku Seíle katé ku Baale-ngadi, mu dikôlo dia Libano, mu betekete ia mulundu ua Helemone; jisobha jâ ua ji kuata ue, iu ua ji kuama muene, ua ji jibha.

Josuué 11:3

ni ku Makanana a thunda ni a luiji; ni ku Mamodi, ni Mahiti, ni Mapelezi, ni Majebuzi ku milundu; ni ku Mahivi mu betekete ia Helemone, mʼoxi ia Mispa.

Josuué 12:7

Jiji ue, jene o jisobha jaʼxi, ja buikisa kuala Josuué ni anʼa Izalaiele, ku sámbua kunu dia Njolodá, ku luiji, tundé ku Baale-Ngadi, mu dikôlo dia Libano, katé ku mulundu ua Halake, ku njila ia kubandela ku Seíle; oxi Josuué iú ua i bhana o miji ia Izalaiele mu undundu uâ, ku jimbambe-jimbambe.