Josuué 13:3 - O Mikanda Ikola

³ Tunde ku Xihole ia lulamena ku thunda ia Ijitu, katé ku mbambe ia Ekolone, ku mbandu ia kusuku, iambe exi ia tokala Makanana; ni jingana jitanu josuʼojo, ja akua-Fidíxia; o mukua Ngaza, ni mukua Ajindode, ni mukua Axikelone, ni mukua Ngate, ni mukua Ekolone;

Josuué 13:3 ပူးပေါင်းရင်းမြစ်များ

Dimatekenu 10:6

Anʼa Hame eniá: Kuxi, Mizilaími, Pute ni Kanana.

Dimatekenu 15:18

Kizuua kienhokio-phe Jihova u ta kikutu ni Mbalamu, uixi: Mbutu ié nga a bhana muene ixi iii tunde mu honga ia Ijito katé mu honga ia dikota, honga ia Ufalate,

I Jisobha 8:65

Mu kithangana kiene kimoxi, Solomá u bhitisa ue dingi o fesa ia jifundu, ni muene ni Izalaiele ioso, kionge kia dikota, bhu pholo ia Jihova, Nzambi ietu, athu a tunda bhu Hamate hé a bhixila ku ngiji ia Ijito; o fesa hé a i bhanga mu sambuadi dia izuua, ki kua di te dingi o sambuadi dia izuua ia dianga, kia bhange kuinhi dia izuua nʼiuana.

I Malunda 13:5

Davidi-phe, hé ubhongolola Izalaiele ioso, tundé ku Sihole ia Ijitu katé mu kubhiẋila ku Hamate, phala kuia mu kutakana o álaka ia Nzambi ku Kidiate-Jadimi.

Izaía 23:3

ni kubhandulukila ku mbutu ia Sidolo ienda ni kuijiia ku hungulule ionéne ia Nilo, bhu thembu ia kumuna jindombe jê, muene Tilu iú ua di bhangele kitanda kia akua jʼixi.

Jelemiia 2:18

O ki tualʼiki-phe njila ia Ijitu uala na-iu ni kima kia-hi, phala kunua menha ma Sihole? ni njila ia Asídia uala na-iu ni kima kia-hi, phala kunua menha ma ngiji?

Matendelelu 2:23

Akua-Kafitoli, a tundile mu Kafitoli, ajikinisa ue akua-Hevi a tungile mu jimbonge ja Hazedime katé mu Ngaza, anga a tunga bhu kididi kiâ.)

Josuué 13:13

Maji-phe anʼa Izalaiele ka kaiesele akua Jesule, né akua Makata, kienhiki Jesule ni Makata axalela muʼaxaxi ka Izalaiele, ʼté ni mu kizuua kia lelu.

Afundixi 16:5

Jisobha ja akua Fidíxia anga jiza ku muhatu muenhú, exi: Mu bhombe katé ki u kʼijiia kioso kia mu bhana o nguzu iê iavulu, mba tu mu bhanga kiebhi mu ku mu tolola, ni ku mu kuta phala ku mu talesa hanji hadi; hé u ki bhanga, tu ku bhana kala muthu midi ni hama ia itadi ia phalata.

Afundixi 3:3

sobha jitanu ja akua Fidíxia, ni akua Kanana oso, ni akua Sidónia, ni akua Hivi a tungu mu mulundu ua Libano, tundé mu mulundu ua Baale-helemone katé bhu phaka ia Hamate.

I Samuuele 5:1

Kiki-phe akua Fidíxia a tambula álaka ia Nzambi, a tunda na-iu bhu Ebenezele, hé a i bheka ku Ajindode.

I Samuuele 5:10

Kienhiki a tumikisa álaka ia Nzambi ku Ekolone. Mu kubhiẋila-phe ni álaka ia Nzambi ku Ekolone, akua Ekolone a dikola, exi: A tu bhekela kunu o álaka ia Nzambi ia Izalaiele, mu ku tu jibha etu ni mundu uetu uoso!

I Samuuele 5:8

Anga a tuma kubhongolola o jisobha joso ja akua Fidíxia, a ambela, exi: Tu bhanga kiebhi ni álaka ia Nzambi ia Izalaiele? Jisobha anga ji vutula, exi: A i sondolole, a ibheke bhu Ngate.

I Samuuele 6:4

Ene-phe, exi: Mubhaku ua kudiẋikina mulonga u kala kiebhi, uoso u tu mu vutuila? Exi: Mu iudika mabhumbu matanu ma ulu, ni tundôndo tutanu tua ulu, kifua mu sokesa mu sobha jitanu ja akua Fidíxia, kuma o dibhebhu diene dimoxi dia kexile ku thandu dienu oso ni kuthandu dia jisobha jenu.